Sura ni Petrus to Paramulana i

Sura ni Petrus to Paramulana

Popamula

Sura ei nitulisi ni Petrus, sadua lako ri sampulu rodua ana guru ni Yesus. Sura ei nipakatu-na ri todea to nipelisi nu Allatala to natida ri Asia kodi. Todea tonipelisi nu Allatala ee ranca-ra niduasi apaa neparisaya si Yesus. Naria to nipoewewee nu tou ntani, naria mbii batua to niduasi nu maradika-na mboto, naria mbii bangkele to nipararai nu baleilo mboto-ra, apaa baleilora ee to tado neparisaya si Yesus (3:1-6)

Ee-mo sabana pade nipakatumo ni Petrus sura ei si sira, mampakaroso peparisaya-ra bona mancabara ri rara nu kapepaa ee. Niuli ni Petrus lako kapepaa to namparumpa-ta ee, rancanimo karoso nu peparisaya-ta (1:6-7; 4:12). Ande raduasi-ta sabana peparisaya-ta si Yesus, ikita kana mengkoru pade inggu-ta kana mabelo ri ngayo nu Allatala (4:19). Nadea ngaya pepatuduki ni Petrus, to nampakaroso rara-ra bona mancarumaka dodo Allatala, moinggu mabelo pade mancabara ri rara nu kapepaa.

Isi nu buku ei

1. Petabe pamulana (1:1-2)

2. Ikita nangkakamu katuwu to nabou lako ri Allatala Tuama-ta, Ana nu Allatala, pade Inosa Gasa (1:3-12)

3. Pepatuduki bona moinggu mabelo, apaa ikita nipajadi nu Allatala ana-ana-Na (1:13, 2:10)

4. Pepatuduki bona mengkoru ri topoparenta, pepatuduki ri batua-batua, ri toponcamboko, pade ri sumawee tou (2:11, 3:12)

5. Pepatuduki ri to niruncu nu kapepaa sabana peparisaya-ra si Yesus (3:13, 4:19)

6. Pepatuduki ri topangkeni todea nu Allatala pade ri todea nu Allatala (5:1-11)

7. Petabe kaopuana (5:12-14)