Yunus
Horok Lirna La'an
Horok eni ka namnenehe nabi namehin rir horok-horok ma aile Horok Lapa, ono nabi Yunus kan loikaru Makromod Lalap Lirna maika man leseni, maa an loikaru inhawa namwali kemen aimehi lere an lari nano Makromod Nin honopon. Makromod hopon ai nala'a laa kota lap Niniwe ma namwali rai nin miminlole lolo hair Asyur. Hi onne ramwali noho Israel nin arwali. Enimaa Yunus raram ka nodi nala'a laa kota onne loikaru Makromod Lirna hi, ono ai nauroin nahenia Makromod Lalap lo'o kan hi'i lernohi Nin panaeku nano'onyaka rira kote, maa nala ampun hi ono hir herredi rir morimori ma ka namlolo me'e. Ende Yunus lari nano Makromod Nin honopon, maa Makromod hi'i haida woro'o leke Yunus namkene hi'i lernohi Nin honopon. Enla naisa Yunus nahinorokedi, Makromod ka nano'onyaka Niniwe, maa nala ampun hi penia Yunus akin apinha.
Ik lese horok eni ik kauroin Makromod Lalap nodi molollo lolo noho wawan ma narehi nalewen na'akeme, maa rehi-rehi onne ik kauroin Makromod Lalap pelek naramyaka la nala ampun ri man derne nakani Ai, kade hi ramwali Nin ri nin arwali.
Horok Ihin