यीशु ढाकणे बझ़यालणअं
18
1 यीशु या गला बोली करे आपणे चेले ़े संघा किद्रोन रे नालाआ पार नाठअ ।तखे एक बारी , जासू ु में सह आपु होर तेउरे चेले ़े नाठे । 2 तेऊ ढाकण बझयाल़णे आलअ यहूदा भी तेसा जागहा ज़ाणा , किबेकि यीशु आपणे चेले ़े संघा तखे नाहंदा , 3 तेबा यहूदा , सैनिका र एक दल होर प्रधान याजक होर फरीसी री तरफा का प्यादे नी करे , सजिए होर मसले होर हथियार नि करे तखे आउअ । 4 तेबा यीशु , तया सभी गला ज़ोह तेऊ पैंदे इहंण आलीइ , ज़ाणी करे , निकतअ होर तेऊ बोलू , ''कुंणं लाऊ लोढ़णअं " 5 तया तेऊ बे उतर दिंना , '' यीशु नासरी ।”यीशु तया बे बोलू , ''हाँऊं साहा ।”तेऊ ढाकण बझ़यालणअं यहूदा भी तयाहे संघा खढ़अ , । 6 तेउरे यह बोलदे ही , ''हाँऊं साहा , ”तेबा सह पीछे होई करे नेहटे पढू । 7 तेबा तेऊये तया का भी पुछु , “ तमे कासु लोडे लागेदे ।”तयाहे बोलू , “यीशु नासरी ।” 8 यीशु तया बे बोलू , '' माँईं तमा बे पहिले ही बोली छेकु कि हाँऊं साहा , अगर मांह लोडे साहा तेबा या नाहंणे देआ ।” 9 यह ऐतकी तणी होऊ कि सह बचन पुरअ हो ज़ोह तेऊ बोलू , : “जूणा तांईं मांह बे दिने तया मेंज़ा का माँईं एक भी नाईं खोऊ ।” 10 तेबा शोमोन पतरसे तुरार , ज़ोह तेऊ सेटा , खींची होर महायाजका र दास ढाकु होर तेऊ र बांअं कणेट कातेऊ ।तेऊ दासा रा ना मलखुस , । 11 तेबा यीशु पतरस बे बोलू , “आपांणी तुरारा म्याना में डाह । ज़ोह कटोरअ बापू मांह बे दिंनअं , कैह हाँऊं तेऊ नाईं झुतेऊ ?हत्रा रे सामने यीशु
12 तेबा सेना होर तया रे सूबेदार होर यहूदी रे प्यादे यीशु ढाकी करे बानूं , 13 होर पहिले सह हत्रा सेटा बे नीऊं , किबे कि सह तेसा साला रे महायाजका रे काइफा र शहरअ , । 14 यह सहे काइफा , जूणी यहूदी बे सलाह दिंनी दी , कि महारे लोका री तणी एकु मणशा रा मरना ठीक साहा ।
पतरसा रा नाईं
(मत्ती 26:69 , 70;मरकुस 14:66-68;लुका 22:52-57)
15 शमौन पतरस होर एक होर च़ेलअ भी यीशु रे पिछेए नाठअ ।यह च़ेलअ महायाजका र ज़ाणा पछेणा र , एतकि तणी सह यीशु संघा महायाजका रे बरांडे में नाठअ , 16 पर पतरस बाग़े दुआरा सेटा खड़अ रहू ।तेबा दुज़अ च़ेलअ ज़ोह महायाजका र ज़ाणा पछेणा र , सह बाग़े आउअ होर दुआरपालण बे बोली करे पतरस मितरा बे नीऊं । 17 तेसे दासी ज़ोह दुआरपालण , पतरसाबे बोलू , “कंईं तूह भी ऐऊ रे चेले ़े मेंज़ा का त नाईं आंधअ ?”तेऊ बोलू , “हाँऊं नाईं आंधअ ।” 18 दास होर प्यादे ठांडे रे कारण खड़े होई करे आगि छिपते , , होर पतरस भी तयाहे संघा खड़अ आगि छिपतअ , ।
महायाजका दुआरा यीशु री पूछताछ
19 तेबा महायाजके यीशु रे चेले ़े रे बारे में होर तेऊ रे उपदेशा रे बारे में पूछताछ करी । 20 यीशु तेऊ बे उतर दिना , "माँईं संसारीे संघा खुली करे गला करी ;माँईं आराधनालय होर देहुरे में , ज़खे सभे यहूदी कठे हूँदा , सदा उपदेश करू होर गुप्ता में किछे भी नाईं बोलू । 21 तूह मांह का किबे पूछा?शूणने आलेए का पूछ कि माँईं तया बे कैह बोलू ।हेर , तया ज़ाणा कि माँईं कैह - कैह बोलू ।” 22 जेबा तेऊ यह बोलू , तेबा प्यादे मेज़ा का एकु ज़ोह नेड खढु द , यीशु बे थप्पड़ बही करे बोलू , “ कैह तूह महायाजका बे ऐऊ साबे उतर दिंदा ?” 23 यीशु तेऊ बे उतर दिना , “अगर माँईं बुरा बोलू , तेबा तेसा बुराई री गुआही देह ;पर जेबा भला बोलू , तेबा मांह बे किबे बाहंदा ?” 24 हत्रा सह बानू द ही काइफा महायाजका सेटा बे भेजु ।
पतरसा रा नाईं करणा
25 शमौन पतरस खड़े होई करे आगि छिपतअ , । तेबा तयाहे तेऊ बे बोलू , “कंईं तूह भी तेऊ रे चेले ़े मेंज़ा का त नाईं ?”तेऊ नाईं करी करे बोलू , “हाँऊं नाईं आंधअ ।” 26 महायाजका रे दासा मेंज़ा का एक , ज़ोह तेऊ रे तुटुम्बा मेंज़ा का , जासू कअ कणेट पतरसे कातेऊ , तेऊ बोलू , “कैह माँईं तूह तेऊ संघा बारी में नाईं भाल़ु , ?” 27 पतरसे भी नाईं करू , होर तेभरी मुर्गे बाँग दींनी ।
पिलातुसा रे सामने यीशु
28 तेबा तयाहे यीशु काइफा सेटा का किले बे नीऊं , होर भोरा रा टाईम , पर तया आपु किले मितरा बे नाईं नाठे ताकि अशुद्ध नाईं होए ताकि फसहा खाई सके । 29 तेबा पिलातुस तया सेटा बे बाग़े आउअ होर बोलू , “ तमे ऐऊ मणशा बे कासु गला रा आरोप (गलती) लाऊंदा ?” 30 तयाहे तेऊ बे उतर दिंना , “अगर कुकर्मी नाईं हूँदअ तेबा हामा यह तेरे हाथे नाईं दिणअं , ।” 31 पिलातुसे तया बे बोलू , “ तमे ही ऐऊ नी करे आपांणी व्यवस्था (कनुना) रे साबे तेऊ रा न्याय करा ।”यहूदी तेऊ बे बोलू , “हामा अधिकार नाईं कि कास्के प्राण लए ।” 32 यह ऐतकी तणी होऊ कि यीशु री गल पूरी हो ज़ोह तेऊ यह संकेत दिंदे बोली , कि तेउरी मउत केडी हूँणी । 33 तेबा पिलातुस भी किले मितरा बे नाठअ , होर यीशु शादी करे तेऊ का पुछू , “ कैह तूह यहूदी र राजा साहा ?” 34 यीशु उतर दिंना , “कैह तूह याह गला आपांणी तरफा का बोला या होरी मेरे बारे में ताह बे बोलू दा ?” 35 पिलातुसे उतर दिंना , “कैह हाँऊं यहूदी साहा ?तेरी ही जाति होर प्रधान याजके तूह मेरे हाथे सौंपु द ।तांईं कैह करू ।?” 36 यीशु उतर दिंना , “मेरा राज्य ऐऊ संसारीा रा नाईं आंधा ;अगर मेरा राज्य संसारीा र हूँदअ , तेबा मेरे सेबक लड़दे कि हाँऊं यहूदी रे हाथे नाईं सौंपते पर मेरा राज़ अखया नाईं आंधा ?" 37 पिलातुसे तेऊ बे बोलू , “ तेबा कैह तूह राजा साहा ?”यीशु उतर दिंना , “तूह बोला कि हाँऊं राजा साहा ।माँईं ऐ री तणी ज़न्म लउ होर ऐ री तणी संसारीा में आउअ कि सत्य री गुआही दे ।ज़ोह कोई सत्य र साहा , सह मेरअ शब्द शूणा ।” 38 पिलातुसे तेऊ बे बोलू , “सत्य कैह साहा ?”होर एडा बोली करे सह तेउकी भी यहूदी फेरा वै नाठअ होर तेऊ बोलू , "हांउ तो याह में किछे भी दोष नांईं ।
मृत्यु दण्डा री आज्ञा
39 यह बोली करे भी सह यहूदी सेटा बे आउअ होर तेऊ बोलू , “ हाँऊं त तेऊ में किछे दोष नाईं लागा । पर थारी यह रीति साहा कि हाँऊं फसह में थारी तणी एकु मणशा छाड़े ।कैह तमे चाँहंदा कि हाँऊं थारी तणी यहूदी रे राजा छाढु ?” 40 तेबा तयाहे भी चीलाई करे बोलू , “ ऐऊ नाईं , पर महारी तणी बरअब्बा छाड़ ।”होर बरअब्बा चोर , ।