पिलातुसा रे सामने यीशु
(मरकुस 15:1; लूका 23:1 , 2; यहुन्ना 18:28--32 )
27
1 जेबा होई तेबा सब प्रधान याजक होर लोका रे पुरनियें यीशु मारी पाउंणे री सम्मति(सेहमती )करी । 2 त्याह हे सह बांन्हूँ होर नी करे पिलातुस न्यायधीश रे हाथे दिनअं ।यहूदा दुआरा आत्महत्याह
(प्रेरितों रे काम 1:18 , 19)
3 जेबा तेऊ ढाकण बझयाल़ण आल़े यहूदा हेरू कि सह दोशी ठहराऊ तेबा सह बसताउ होर तिह चाँदी रे सिक्के प्रधान याजक होर पुरनियों सेटा बे फेरी आणी 4 होर बोलू , “ माँईंं निर्दोष घाती बे ढाकण बझयाल़ी करे पाप करू ।” त्याह हे बोलू , “ हामा कैह ? तुह ही ज़ाण ।” 5 तेबा तेऊ सिक्के देहुरे में शोत करे नाठअ , होर आपणे आपुबे फाँसी दिंनी । 6 प्रधान याजके तया सिक्के नी करे बोलू , “ या भण्डारा में डाहंणे ठीक नाईं , किबेकि सह लोहू री कीमत साहा ।” 7 पर त्याह हे सम्मति (सेहमती या मनी ) करी करे त्याह हे सिक्के करी परदेसी आटणे बे खमारा र खेच लउ । 8 एउ कारणे सह आज भी तेउबे लोहू र खेच बोला । 9 तेबा ज़ोह बचन यिर्मयाह ज़ोह द्शी बोलू , सह पूरा होऊ : “त्याह हे तया तिह सिक्के अर्थात तेसा करी दी कीमता में ( ज़ोह इस्राएला रे शोहरू मेंजा का केतारे ठहराऊ , ) लऊ , 10 होर हेरी दईब मांह बे आज्ञा दिंनी , तेढ़े ही तया खमारा रे खेचा री कीमती में दिना ।”
पिलातुसा रे प्रश्ण
11 जेबा यीशु हकिमा सेटा खढ़अ , तेबा न्यायधीश े तेऊ का पुछू , “कैह तूह यहूदी र राजा साहा ?” यीशु उतर दिंना , “ तांईं आपे ही लाईदी ।” 12 ज़ेबा प्रधान याजक होर पुनरी तेउबे दोषा लाऊंदे , तेऊ किछे उतर नाईं दिंना । 13 एता में पिलातुसे तेउवे बोलू , ” कैह तूह शुणा कि या तेरे विरोधा में केतरी गुआही दिंदे लागेदे ?” 14 पर तेऊ तेउरी एकुभी गला रा उतर नाईं दिंना , अखे तणी कि न्यायधीश बड़ेा आशा ्चर्य होऊ ।
मृत्तु -दण्डा री आज्ञा
(मरकुस 15:6-15; लूका 23:13-25; यहुन्ना 18:39-19:16)
15 न्यायधीश री यह रीति , कि तेऊ परबा में लोका री तणी कासु एकु बन्दी जासू तया चाँहंदा , छाड़ा , । 16 तेऊ टाइमे त्याह ह रअ खे बरअब्बा ना र एक मनुदअ कैदी , । 17 जेबा तया कठे होई , तेबा पिलातुसे तयाबे बोलू , “ तमे कासु चाँहंदा कि हाँऊं थारी तणी छाढ़ु ? बरअब्बा , या यीशु जासू बे मसीह बोला ?” 18 किबेकि सह ज़ाणा , कि त्याह हे सह डाह का ढाकु द साहा । 19 जेबा सह न्याय री गद्दी में बेठद , तेबा तेउरी बेटढ़ी तेउबे बोलू , “ तूह तेऊ धर्मी रे मामले में हाथ नाईं पाए , किबेकि माँईं आज सुपने में तेउरे कारण बहू दुःख चुआकू ।” 20 प्रधान याजक होर पुनरियें लोका बे बोलू कि तया बरअब्बा माँगे , होर यीशु रा नाश कराए । 21 न्यायधीश े तया का पुछु , “ याह दुई का कासु चाँहंदा कि हाँऊंथारी तणी छाढू ?” त्याह हे बोलू , “ बरअब्बा ।” 22 पिलातुसे त्याह ह का पुछु , “ तेबा यीशु , जासू बे मसीह बोला , कैह करू ?” सभी तेउबे बोलू , “ यह क्रुसा में चढाऊ लोढ़ी!” 23 न्यायधीश े बोलू , “ किबे , तेऊ कैह बुराई करी दी ?” पर तया होर भी चलाई करे बोलदे लागे , “ यह क्रुसा में चढु लोढ़ी ।” 24 जेबा पिलातुसे हेरू कि किछे नाईं बणी पर तेउरे बिपरीत (खलाफ) हुल्लड़ बढ़दा लागा , तेबा तेऊ पाणी आणी करे भिड़ा सामने आपणे हाथ धहोई होर बोलू , हाँऊं एउ धर्मी रे लोहू का निर्दोष साहा ; तमे ही ज़ाणा ।” 25 सभी लोके उतर दिंना , “ एउरा लोहू हामा पैंदे होर महारे शोहरू पैंदे हो !” 26 एता पैंदे तेऊ बरअब्बा तया री तणी छाढु , होर यीशु बे कोड़े लाई क्रुसा ोंपु , कि क्रुस ा में चढ़ाहा ।
सिपाही दुआरा यीशु रा बेइजती
(मरकुस 15:16-20; यहुन्ना 19:2 , 3)
27 तेबा हिकिमा रे सिपाही यीशु किले में नि क्रुसा ारी पलटन तेउरे चहु फेरे कठे करी , 28 होर तेउरे झिकड़े खोली करे तेउबे लाला रांगा र बागा (चोगअ) पनेऊं , 29 होर कांडे र मुकट गुंधी करे तेउरे मुंड़े डाहू , होर तेउरे धुरे हाथे सरकण्डअ दिनअं होर तेऊ जेंह ठुंगरु बेशी करे तेऊरे ठठे े उड़ाउंदे लागे होर बोलू , “ हे यहूदी रे राजा , नमस्ते !” 30 होर तेऊ में थूकू ; होर तेहू सरकण्डअ लाई करे तेऊरे मुड़े बाहंदे लागे । 31 तेबा तया तेऊ रा ठठे ा करी छेकू , तेबा सह चोगअ तेऊका उतारी करे भी तेहुरे झिकड़े पनेईं , होर क्रुसा में चढ़ाउंणे बे निऊं ।
यीशु क्रुस ा में चढ़ाउंणअं
(मरकुस 15:21-32; 23: लूका 26-43: यहुन्ना 19:17-27)
32 बागे नाहंदे तया शमौन ना र एक कुरेनी मणश भेटअ । त्याह हे सह बेगारा (थोगे ढाकु) में ढाकू कि तेउरे क्रुसा चुआकी करे निह । 33 तेऊ जागा जई गुलगुता यानि खोपड़ी री जागा कहलाऊँदा , पुजीकरी 34 तया पित्त मिल़ाउदा दाखरस तेऊ वे जुटनें वे दीना , पर तेऊ परेखी करी झूटणें री नाईं सोची । 35 तेवा त्याहे सह क्रुस पैंदे चड़ाउ होर चीटियाँ पाई करी तेऊ रे झिकड़े वांडी , 36 होर तखे वेशी करी तेऊरा पेहीरे दिंदे लागे । 37 होर तेऊरा दोषपत्र तेउरे मुड़ा पैंदे लाऊ , कि ''यह यहूदियों र राजा यीशु साहा "। 38 तेवा तेऊ दुई चोर एक धुरे फेरे होर एक बांईं फेरे , क्रुसा में चढ़ाई । 39 इहंण नाहंण आल़े मुंडे हिलाई- हिलाई करे तेऊ री निन्दा करा , 40 होर यह बोला , “ हे देहुरे रे ढानेआल़े होर ची धियाड़े में बणाउण आल़े , आपणे आपु त बचा !अगर तुह दईबा र शोहरू साहा , तेबा क्रुसा का उतर ।” 41 एसी रीति का प्रधान याजक भी शास्त्री होर पुनरियों समेत ठठे ा करी करे बोला , 42 “एउ होरा बचाई , होर आपणे आपु नाईं बचाई सकतअ । यह त ' इस्राएल ा र राजा' साहा । एबा क्रुसा का उतर तेबा हामे त पैंदे बुशाह करे । 43 तेऊ दईबा में भरोसा डाहंदा ;अगर यह एउ चाँहंदा , तेबा एउ एबा छुढाह , किबेकि एउ बोलू , ' कि हाँऊं दईबा र शोहरू साहा ' ।” 44 एउ साबे चोर भी ज़ोह क्रुसा में चढाई , तेहू री निंदा करा , ।
यीशु रे प्राण त्याह गणे
(मरकुस 15:33-41; लूका 23:44-49; यहुन्ना 19:28-30)
45 तपहरा का लई करे चिउंणे पहरे तणी तेऊ सारीे देशा में निहारा छाई रहू । 46 चिउंणे पहरा रे नेढ यीशु बड़ेे शब्दा में पुकारी करे बोलू , “ एली , एली , लमा शबक्तनी?” अर्थात "हे मेरे दईबा , हे मेरे दईबा , तांइ हांऊ किबे छाढु ?” 47 ज़ोह तखे खड़े , तया मेज़ा का कई यह शुणी करे बोलू , “यह त एलिय्याह पुकारा ।” 48 तया मेंज़ा का एक तेभरी ठुरु , होर स्पंज नी क्रुसा िरके में डबेउ , होर सरकंडे पैंदे डाही करे तेउबे चूसाऊ । 49 होरे बोलू , ” रहा , हेरा एलिय्याह एउ बचाउंदअ ईंहंदा या नाईं ।” 50 तेबा यीशु भी बड़ेे शब्दा चलाई करे प्राण छाड़ी । 51 होर हेरा , देहुरे रा परदा उपरा का जीले तणी दुई टुकड़े होई : होर धरती डोली(हिली) होर चटाना तड़की(टकराई) , 52 होर कब्रा खुली , होर सुते दे पवित्र लोका रे बहू शफ जीइ , 53 होर तेउरे जिउंदे हूँणे बाद तया कब्रा मेंज़ा का निखल़ी करे पवित्र नगरा में नाठे होर बहू त्याह ह हेरी । 54 तेबा सूबेदार होर ज़ोह तेऊ संघा यीशु रा पहरे दिंदे , ज़ाजरी होर ज़ोह कुछ होऊ , तेऊ हेरी करे बहू डरी होर बोलू , “ सची यह दईबा र शोहरू , !” 55 तखे बहू बेटढ़ी ज़ोह गलीला का यीशु री सेबा करदे तेऊ संघा आई , दुरा का यह हेरदी लागी दी , । 56 तया में मरियम मगदलीनी , होर याकूब होर योसेसा री आमा मरियम , होर ज़ेबादी रे शोहरू री आमा , ।
यीशु रा गाड़ा जाना
(मरकुस 15:42-47; लूका 23:50-56; यहुन्ना 19:38-42)
57 जेबा ब्याल्क होई तेबा युसूफ ना अरिमितिया र एक सेठ मणश , ज़ोह आपु ही यीशु र च़ेलअ , आउअ । 58 तेऊ पिलातुसा सेटा नाहीं करे यीशु र शफ माँगु ।एता में पिलातुसे दींणे री आज्ञा दिंनी । 59 युसुफे शफ माँगू , होर सह उज्ज़ेबाल (शेती)चादरा में पल़ेटू तेऊ , । 60 होर सह आपांणी नउंईं कब्रा में डाहू , ज़ोह तेऊ चटाना (शाफड़ा) में कोती दी , होर कब्रा रे दुआरा में एक बढ़अ पाथर बदल़ी करे नाठअ । 61 मरियम मगदलीनी होर दूजी मरियम तखे कब्रा रे सामने बेठी दी , ।
कब्रा में पहरा
62 दूजी धियाड़े ज़ोह तयारी रे ध्याड़े बाद री ध्याड़ , प्रधान याजक होर फरीसीए पिलातुसा सेटा कठे होई करे बोलू , 63 “ हे महाराजा , हामा बाद साहा कि तेऊ भरमाऊणे आल़े जेबा सह जिउंदअ , बोलू , “मांह ची धियाड़े बाद भी जिउंदे हूँणा ।' 64 आज्ञा दे कि ची धियाड़े तणी कब्रा री रखबाली करे , एढ़ा नाईं होए कि तेउरे चेले तेऊ इच्छी करे चोरी निएँ होर लोका बे बोले , ' सह मुएँ दे का जिउंदअ होऊ ।' तेबा पिछला धोखा पहिले का भी बुरा हूँणा ।” 65 पिलातुसे तया बे बोलू , “तमा सेटा पहरी तसाहा । नाहाँ , आपांणी समझा रे साबे रखबाली करा ।” 66 तेबा तया पहरी संघा नी करे नाठे , होर पाथरा में मोहर लाई करे कब्रा री रखबाली करी ।