पिलातुसा रे समाने यीशु
(मती 27:1-2: 11-14; लुका 23:1-5; यहूना 18:28-38)
15
1 दोत हुँदै ही तेबरी प्रधान याजक , पूरनी , होर शाश्त्री होर सारीी महासभा यह फैंसला करी करे यीशु बाहनू , होर तखे कै नी करे पिलतुस वै समाभालू (पज़ेरु ) । 2 पिलातुस तेउ क पुछू , “कैह तू यहूदी र राजा सा ?” तेउये (यीशु ये ) तेयूवे उत्तर दीना , “तू आपे लागदअ बोलदअ ।” 3 प्रधान याजके तेउ पेंदे बहू दोष लाऊ । 4 पिलातुसे सह भी पुछू , “तू किछ नांई बोली , हेर याहे ता पेंदे केथरी गला रा दोष ता पेंदे लाऊ ?” 5 यीशुये भी किछ नांई बोलू ; अखे तक की पिलतुसा भी बड़ेी हेरानी होई ।माौऊता री सज़ा
(मती 27:15-26; लुका 23:13-25; युहन्ना 18:39-19:16)
6 पिलतुस तेसा जांचा वै एकी कैदरी छाड़ा , री जासू त्याह चाहन्दा , । 7 बरअब्बा ना र एक मणश त्याह बलवाइये संघे जेल , ज़ुणीये बलवे में हत्याह (मारी ) करी , । 8 होर भीड़ उझे नाशी करे तेउ का अर्ज करी , जेड़ा तू म्हारी तणी करदअ आऊद तेडा ही कर । 9 पिलातुसे त्याह वै उत्तर दीना , “कै तमे चाहन्दा की हांऊं यहूदी रे राजा छाड़ू ?” 10 किबेकी सह जान्दा , की प्रधान याजके सह ज़लनेा री तणी ढाकुद साहा । 11 पर प्रधान याजके लोका भड़काई सह बारअब्बा त्याह री तणी छाड़े । 12 यह शुणिकरे पिलतुस सह भी पुछू , “तेवा जासू वै तमे यहूदी र राजा बोल्दा , तेउ रा कह करणा ? 13 त्याह हे भी हाला पाऊ , “एऊ क्रुसा पेंदे चड़ाआ !” 14 पिलतुसे त्याह वै बोलू , “किबे एऊ कह बुराई करी दी ?” पर त्याह होर पै ज्यदा हाला पाऊ , “एऊ क्रुसा पेंदे चड़ाआ !” 15 तेवा पिलतुसे भीड़ा खुश करने री तणी बारअब्बा त्याह री तणी छाड़ू , होर यीशु वै कोड़े लाई करे छाडू की क्रुसा पेंदे चड़ाए ।
सैनिक करी यीशु री वेइज्जती
(मती 27:27-31; यूहेन 19:2-3)
16 सनिक सह किले रे मितले बाराडे नीऊ जासू वै प्रीटोरीयुस बोल्दा , होर सारीी सैना शदाई । 17 तेवा त्याह बैंजनी रगा रे झिकड़े तेउ वै पहनांई होर कांडे री टोपी र (मुकट) बुणीकरे तेउ रे मुंडेा लाई , 18 होर यह बोलिकरे तेउ वै नमस्कार करदे लागे , “हे यहूदी रे राजा , नमस्कार !” 19 त्याह तेउ रे मुंडे सरकंडे बाहनी होर तेउ पेंदे थूकते , होर ठुंगरु वैशी करे तेउ ज़ह महाराज करदे रही । 20 ज़ेव्रे त्याह हे तेउरे ठठे ा करी मुके , तेउरे बैंजनीं रगा रे झिकड़े खोली होर तेउरे झिकड़े पह नांई ; होर सह क्रुसा पेंदे चढ़ाउणे री तणी बागा वै नीऊ ।
यीशु रा क्रुसा पेंदे चढ़ाउणा
(मती 27:32-44; लूका 23:26-43; यूहेन 19:17-27)
21 सिकन्दर होर रुफुस र बापू शमाौन , एक कुरेनी मणश , ज़ोह ग्राए कै ईंदअ लाग द , तेसी निकतअ /आउअ ; त्याह सह थोगे ढ़ाकू होर यीशु रे क्रुस तेउ वै चकणे वै दीनअ । 22 त्याह यीशु गुलगुता जागाह , जासका मातलब खोपड़ी री जागाह साहा , तखे वै आणू । 23 तखे त्याह तेउ वै मुर्र मािलउदा दाख रस दिंदे लागे , पर तेउ नांई मागु । 24 तेवा त्याह ए सह क्रुस पेंदे चढ़ाऊ होर तेउरे झिकड़े री तणी चिठ्ठी पाई , की कासु कैह भैटणा , होर त्याह ह सह बांडू । 25 होर एक पहर धियाड़ मुकी , होई , जेब्रे सह क्रुस पेंदे चढ़ाऊ । 26 होर तेउ पेंदे दोष पत्र लाऊ जासू में लिखू दा , “यहूदी रा राजा ” । 27 त्याह तेउ संघे दूई डाकू , एक तेउरे धूरा फेहरे होर दूज़अ तेउरे री बांयी (ऊल्टे ) फेहरे क्रुसा पेंदे चढ़ाई । 28 [तेवा पवित्र शस्त्रा र यह वचन पूरअ होऊ की सह पापी संघे गीणु ] 29 होर बाता हा डण आल़े मुड़ी हिलाई करे यह बोलिकरे निन्दा करदे लागे , की , “भाला देऊरे चोड़ण आल़ होर ची धिहाडी में बडाउण आल़अ ! 30 क्रुस पेंदे कैह नांई निख्ली करे आपणे आपु वै बचा ।” 31 एई थोगे प्रधान याजक होर शाश्त्री संघे आपु में तेउ रा ठठे ा करदा , “एऊ होर बचाई , पर आपणे आपु वै नांई बचाई सकु । 32 इस्राएल रा राजा , मसीह , एवा क्रुस पेंदे का निखलू होर हामें भालिकरे विश्वास करु ।” होर ज़ो तेउ संघे क्रुस पेंदे चडाई , री , त्याह भी तेउ री निंदा करदा , ।
यीशु रा प्राण छाड़णा
(मती 27:45-56; लूका 23:44-49; यूहेन 19:28-30)
33 दुपेहर हूणे तक सारीे देशे नयारा होऊ , होर चिउणे पहरे तक रहू । 34 चिउंणे पहरे यीशुये ज़ोरे संघे बोलू , “इलोई , इलोई , लमा शबकतनी ?” जासका मतलब यह सा “हे दईबा , हे दईबा , तांइ हांउ किबे छाढू ?” 35 ज़ो नेड़ , खड़ी दे त्याह में कैह कुछएकी यह शुणी करे बोलू , “भाल़ा यह एल्लियाहा वै हाका पाऊंदअ लागदअ ।” 36 होर एकिये स्पंज/ गूदड़ा में सिरकै में डूबोऊ , होर सारीे सरकंडे में डाही करे तेउ कै चूसाउ होर बोलू , “रुका , भाल़ा , एलियाह एयु ऊतारदअ ईंहंणे की नांई ।” 37 तेवा यीशुये ज़ोरे चीखी करे प्राण छाडी । 38 होर देहुरे र पड़दअ उपरा कै जील तक थोछी करे दूई फेरे होऊ । 39 ज़ो सूवैदार तेउ समाने खड़े , जेबा सह एड़अ चिखदअ (चिलाउन्द) भालू तो तेउ बोलू , “सची यह मणश दईबा रअ शोहरु , !” 40 कई बेटढ़ी भी दुरा कैह भाल्दी लागी , : त्याह में कैह मरियम मगदलीनी , होछे याकूब होर योसेसा री आमा मरियम , होर सलोमी , । 41 जेब्रा सह गलिला में , तेवा या एउ संघे हुंदा , होर एउरी सेबा टहिल करदा , ; होर भी खासी बेटढ़ी , ज़ो एउ संघे यरूशलेमा वै आई दी , ।
यीशु रा दवाऊणा
(मती 27:57-61; लुका 23:50-56; युहन्ना 19:38-42)
42 ज़ेव्ररे ब्याल्क होई तेवाकी तैयारी रा दिहाड़ तिही , ज़ोह स्ब्ता री धिहाडी क एक धियाड़ी पहिले हुंदा , 43 अरिमितिया र रहणे आल़अ युसुफ आऊअ , ज़ो महासभा र मेबर भी , होर आपु भी दईबा रे राज्य री बाट ज़ोहनदा , । सह हियाब करी करे पिलातुस नेणे नाठअ होर यीशु री लाश मांगी । 44 पिलातुस यह हेरी करे हेरान होऊ की यह ऐथरे छेकअ मुअं ; होर तेउ सूबेदार शधाई करे पुछू , “एउ मेरी करे केतरी देर होई ?” 45 जेबा तेउये सूवैदारा कह सारीी गला शूणी , तेवा लाश युसुफा वै दीनी । 46 तेवा तेउ मलमला री चादर लई , होर लाश काड़ी करे तेसा में लपेटी , होर एक कब्र ज़ोह बड़ेी जाणी में कोती दी , तखे डाऊ , होर कब्ररा रे दुआरा में एक बड़ेी जाण डाई । 47 मरियम मागदलीनी होर योसस री आमा मरियम हेरदी , लागी दी सह कंई डाऊ ।