यीशु मारणे री चाल
(मती 26:1-5; लुका 22:1-2; युहन्ना 11:45-53)
14
1 दुई धिहाडी बाद फसहे होर अखे मारी री (मालडरी ) रोटी र सजअ हुणे आल़अ , । प्रधान याजक शास्त्ररी एसा गला लोडे लागे दे , की सह धोखे संघे ठगरी करे केई सावै मारण । 2 पर त्याह बोलदे लागे , की साज़े री धियाड़ी नांई पर कई लोका में ज्यदा हाला नांई पड़ेबैतनिय्याह में यीशु रा अभ्यंजन
(मती 26:6-13; युहन्ना 12:1-8)
3 जेबा सह बैतनिय्याह में शमाोंना कोढ़ी रे घरे रोटी खांदअ वैठद , तेवा एकी बेटढ़ी सगमरमरा रे भाड़े में जटामासी रा बहू मेहँगा शोभला तेल आणी करे आई , होर तेला र भांडअ चोड़ी करे तेऊरे मुडे सारीा तेल लेसु। 4 पर कोई लोका बोलदे लागे की एउ तेला रा सत्यनाश किवै करु ? 5 किबेकी यह तेल ची श रपई वैची करे गरीबा वै देई सका , होर त्याह तेसा डराउनदे लागे । 6 यीशुये बोलू , “ तेसा छाडा एसा वै किवै लाउ बोलना ? एसा माँए संघे रामबडा काम करु । 7 गरीब तमा संघे सदा रहूणे होर तमे जब्रे चाहे तेवरे तक त्याह संघे रामबडे काम करी सका पर हांऊं तमा संघे सदा नांई रहण । 8 ज़ोह तेसा करणा त् , सह तेसा करु तेसा मांह द्वाऊणे क पहिले मेरे शरीरा में तेल लेसु । 9 हांऊं तमा क सच़ बोला की सारीे संसारीा में जखे कई भी सुसमाचारा रा प्रचार होला , तखे एसा बेटढ़ी रे कामा रे बारे में याद करणा ।"
यहूदा रा धोखा दिणा
(मती 26:14-16; लूका 22:3-6)
10 तेवा यहूदा इस्क्रियोती ज़ो बारह चेले में क एक , सह प्रधान याजका सेटा नाठअ कि तेउए तेऊरे हाथ ढाकी 11 त्याह ऐता शुणी करे बखे खुश होई , होर तेउवै ढब्वै दिणे करी ;सह ऐडे माोके भाल़दअ लागअ कि तेउ कैडे सावै ढाकी करे त्याह नेणे दिणअ ।
चेले संघे फसहे रा लास्ट भोज़
(मती 26:17-25; लुका 22:7-14; यूहन्ना 13:21-30)
12 अखे मीरी (मालडरी ) रोटी री जांचा क पहिले री धिहाडी , जासू में फसहे क पहिले बलिदान करा , , तेबा तेउ रे चेले पुछु , “तू कंई चाहन्दा की हामें नाशी करे फसहे खाण री त्याह री करे ?” 13 तेउ आपणे चेले में क दूई यह बोली करे भेजी , नगरे में नाशा , एक मणश पाणी रे घड़े चकत तमा भेटण , तमे तेउ पीछे नाशे (होए ) ; 14 होर सह जासू घरे नाहल , तेउ घरा रे मालीका वै बोले , 'गुरु बोल्दा की मेरे बेशने र काम र कई साहा जासू में माह आपणे चेले संघे फसहे खाणा कई साहा ?' 15 तेउ तमा वै आपे एक सजई दरी होर त्याह र करी दरी रीयाऊणी , तखे हामा बे त्याह री करे ।” 16 चेले तेउकी नगरा वै आय , जेड़ा तेउये त्याह क बोलू , तेडा ही करू ; होर फसहे त्याह र करू । 17 जेब्रे ब्याल्क होई , तेवा सह बारह चेले संघे आउअ । 18 होर ज़व्रे त्याह रोटी खांदे बेठे , , तेबा यीशु ये बोलू , “हाँऊं तमा कै सची बोल्दा की तमा मेंज़ा का एक ज़ोह माय संघे रोटी खांदअ लागअ साहा तेऊ ढाकण ।” 19 त्याह सवै नराजा होई होर एक- एक करी करे बोलदे लागे , “कै हाँऊं सह साहा दअ ?” 20 तेउये त्याह कै बोलू , “सह बारह मेंज़ा का एक साहा ज़ोह माँय संघे थाली में हाथ पउंदा । 21 किबेकी मणशा रे शोहरु त , जेड़ा तेउ बारह में लिखू द साहा , तेडा ही हुंणा ;पर तेउ मणश वै हाय जासू री बजा संघे सह ढाकण ! जेबा तेउ रा जन्मा नांई होऊ , तेबा , तेउ वै सह रामाड़ा हूँणा , ।”
दईबा भोज़
(मती 26:26-30; लुका 22:14-20; 1कुरे न्थियो 11:23-25)
22 ज़ेबरे त्याह रोटी खांदे लागे दे , तेबा तेउए रोटी च़की , होर आशीष मागी करे च़ोड़ी , तेउकी बोलू , “एताा खा (निया ) , यह मेरी देह साहा ।” 23 तेउकी तेउये कटोरे चकी करे धन्यवाद करू , तेउकी त्याह वै दीनअ ; होर त्याह सभी तेता मेंज़ा का झूटू 24 होर तेउए त्याह क बोलू , “यह वाचा रा सह लोहू साहा दा , ज़ो खासे री तणी बहाउणा 25 हांऊं तमा क सच बोल्दा की दाखा रा यह रस तेसा धिहाडी तक कधी नांई झूटणा , ज़ेबरे तक की दईबा रे राज्य में नंया नांई झूटे ।” 26 तेउकी त्याह भजन बोली करे जेतूना री ज़ोह ता वै नाठै ।
पतरसा रे इनकारा करने री भविष्यवाणी
27 तेबा यीशु ये त्याह बे बोलू , " तमा सभी ठोकर खाणी किबेकी लिखू दा साहा : माह रखबाली करने आलअ मारन होर भेडा तितर बितर हूँणी ।' 28 पर माह जिउंदे हूणे बाद तमा सभी कै पहिले गलिला बे नाहणा ।” 29 पतरसे तेउबे बोलू की , अगर सबे ठोकर खाले तो खाले , पर माह ठोकर नांई खाणी ।” 30 यीशु ये तेउ क बोलू , “हाँऊं ताक सच - सच बोल्दा की आज की एेसी राची में मुर्गे रे दूई बारी बाश्णे क पहिले , ता चीण बारी महा जाडणे क ता मुकरना ।” 31 पर तेउ होर भी ज़ोर देई करे बोलू , “जेबा माह ताये संघे मरना भी पड़े , तेवा भी माहा ता जाडणे का कधी भी नांई मुकरणा ।” एडा होर भी बोलू ।
गतसमनी में प्रार्थना
(मती 26:36-37; लुका 22:39-46)
32 तेउकी त्याह एकी ज़ागहा गतसमनी में आये , होर तेउए आपणे चेले वै बोलू , “जेब्रे तक हाँऊं प्रार्थना करे तेवरे तक , अखे वैशी रहे , । 33 होर तेउ आपु संघे पतरस याकूब होर युहन्ना आपु संघे नीई ; होर सह बखे ब्याकुल हुन्द लागअ , 34 होर तेउ त्याह क बोलू मेरा मन बखे दुखी साहा , अखे तक की हाँऊं मरने आलअ साहा द : तमे अखे ी रुका , होर जागदे रहा ।” 35 तेउकी सह थोड़ो ज़ेहअ नाठअ होर माटे पैंद पड़ी करे प्रार्थना करदअ लागअ की जेबा यह होई सका तो यह घड़ी महक टली सके , 36 होर बोलू , “हे अब्ब , हे पिता , ताक सब कुछ होई सका द ; एउ कटोरे माहक पोरी हटा : तेवा भी जेड़ा हाँऊं चाहन्दा तेड़ा नांई , पर तू जेड़ा चाहन्दा तेड़ा लोड़ी होऊ ।” 37 तेउकी सह आउअ होर त्याह सुते दै भाणी करे बोलू , “हे शमाौन , तू सूती रहूद ? तू एक घड़ी भी जागी नांई सकू ? 38 जागदे रहा होर प्रार्थना करदे रहा की तमे खरी (परीक्षा ) में ना पड़े । आत्मा तो त्याह र साहा दी , पर शरीर काम ज़ोह र साहा ।” 39 होर सह तेउकी नाठअ होर भी सहे प्रार्थना करी । 40 होर तेउकी एछी करे त्याह सुते de भाणी , किबेकी त्याह री आछी नीज़े संघे भरी दी , ; होर नांई जनदे , की तेउब कह उत्तर दिणा । 41 तेउकी चीउणी बारी इच्छी करे बोलू , “एवा सूती रहा होर आराम करा , बस सह घड़ी पूजी ; भाल़ा मणशा र शोहरु पापी रे हाथ ढाकण । 42 उठा , च़ाला ! भाल़ा , महा ढाकण आल़े नेड़ पुज़े !”
यीशु रा धोखे संघे ढाकणा
(मती 26:47-56; लुका 22:47-53; युहन्ना 18:3-12)
43 सह एड़ा बोलदअ पै , लागदअ तेवा यहूदा ज़ो बारह मेंज़ा का एक , आपु संघे प्रधान याजक होर शाशत्री होर पुरेनिय री तरफा क एक बखे बड़ेी भीड़ आणी करे तेवरी पुउज़अ , त्याह हे तलबार होर शोठे , आणी दे । 44 डाकणे आल़े त्याह वै यह भी , खोजू दा की जासू वै हाँऊं मुघी देलअ , तेउ डाकी करे रामबडे डंगे नीये । 45 सह आउअ , होर तेवरी तेउ नेणे नाशी करे बोलू , “हे गुरु !” होर तेउ वै बखे मुघी दीनी । 46 तेवा त्याह तेउ पेंदे हाथ पाई क्रुसा ह ढाकू । 47 त्याह मेंज़ा का ज़ोह तेउ सेटा खड़े , एकीये तलबार खिंची करे महायाजका रे नोकरा पेंदे चलाई , होर तेउ र कनेट काटू । 48 यीशु त्याह क बोलू , “तमा कै हाँऊं डाकू समझी करे माह डाकणे वै तलबार होर शोठे आणी करे निकतदे ? 49 हाँऊं तो हर रोज देहुरे में तमा संघे रही करे उपदेशा दिनदअ हुंदा , , तेवरे हाँऊं तमे नांई ढाकू : पर यह तेवा होऊ की पवित्र शस्त्ररा री गल पूरी होए ।” 50 एता शुणी क्रुसा ारे चेले तेउ छाडी करे ठुरी । 51 एक जुयाने (मणशे ) आपणे नंगे शरीरा में चादर डिहाही करे तेउ पीछे आउअ ; होर लोके सह ढाकु । 52 पर तेउये चादर छाडी होर नेगअ ठुरु ।
बड़ेी सभा रे समाने यीशु
(मती 26:57-68; लुका 22:54-55; 63 -71; यूहन्ना 18:13-14:19-24)
53 तेउकी त्याह यीशु बड़ेे याजका रे समाने नीऊ ; होर सारीे प्रधान याजक होर पुरेनिये होर शाश्त्री सारीअ खे कठे होई । 54 पतरस दुरा - दुरा का ही तेउ पीछे-पीछे - महायाजका रे खोल़े तणी मितर पूजअ , होर पहरेदारे संघे आगि छिपदअ लागअ । 55 प्रधान याजक होर सारीी सभा यीशु मारने री तणी तेउ रे बिरोधा में गुआही लोड़े लागे , पर कोई गुआही नांई भैटी । 56 किबेकी बहू सारीे तेउरे बिरोधा में झूठी गुआही दिंदे लागे दे , पर त्याह री गुआही एकी जेढ़ी नांई , । 57 तेवा कुछएक लोके यह झूठी गुआही दीनी की , 58 “हामें यह एड़अ बोलदअ शूणु की माह यह हाथे संघे बनऊद देहुरअ डोलनअ होर , होर ची धिहाडी में दूजअ त्याह र करण , ज़ोह हाथे संघे नांई हुणअ बणुद ।” 59 एता पेंदे भी त्याह री गुआही एक जेढ़ी भी नांई निकतरी । 60 तेवा महायाजके मंजे खड़े होई करे यीशु क पुछु , “तू किछ भी नांई बोली ? या लोका तारे बिरोधा में कैह -कैह गुआही दिंदे लागेदे ?” 61 पर सह चुप चाप रहू होर किछे नांई बोलू । महायाजके सह भी पुछू , “के तू तेउ परम प्रधाना र शोहरु मसीह हासा ?” 62 यीशुये बोलू , “हा साहा हाँऊं : होर तमा मणशा र शोहरु सर्बशक्तिमान रे धुरे फरे वैठअ द , होर सरगा रे बदला संघे इंद भल़ण ।” 63 तेवा महायाजके आपणे झिकड़े थोची करे बोलू , एवा हामा कै गुआही री कोई जरूरत नांई आँधी ? 64 तमा यह निन्दा शूणी । थारी कैहे राय ?” त्याह सभा बोलू की यह मारणे लाईक साहा द । 65 तेवा कोई तेउ पेंदे थूकदअ , होर कोई तेउरे मूहे ढोपी करे बाहन्दे लागे , होर तेउ वै बोलदे लागे की , एबा खोज़(भविष्यवाणी कर )” होर प्यादे तेउ (यीशु ) वै ढाकी करे थप्पड़ बाही ।
पतरसा रा इन्कार करना
(मती 26:69-75; लुका 22:56-62; यूहेन 18:15-18 :25-27)
66 ज़व्रे पतरस ऊंधे खोल़े , तेवा महायाजका री दासी मेंज़ा काा एक तखे आई , 67 होर पतरस आगि छिपते भाली करे तेउ कोहरी भाली लागी होर बोल्दरी लागी , “तू भी ऐऊ नासरी यीशु संघे , ।” 68 सह मुकरु होर बोलू , “हाँऊं नांई जान्दअ होर ना ही समजदअ की तांए कैह लाऊ दा बोलन ।” तेहुकी सह बागे डेली नेड़े नाठअ ; होर मुर्गअ तेवरे बाठअ । 69 सह दासी तेउ भालिकरे ज़ो तेउ संघे खड़ी , भी त्याह संघे बोल्दरी लागी , “यह त्याह मेज़ा कैह एक साहा द ।” 70 पर सह भी मुकरु । थोड़ी देरी बाद ज़ो तेउ संघे खड़े , री भी पतरसा कैह बोलू , “जरुर तू त्याह में कैह एक साहा ; किबेकी तू गलीली भी साहा ।” 71 पर सह स्कंदी खांदअ लागअ , “हाँऊं तेउ मणश जासू की तमे गला लाई दी करणी , नांई जान्दअ ।” 72 तेब्री दूजी बारी मुर्ग भी बाठअ । पतरसा सह गल याद आई ज़ो यीशुये तेउवै बोलीदी , : “मुर्गे रे दूई बारी बाश्णे कैह पहिले ता चीण बारी महा जाडणे कैह मुकरना ।” सह एसा गला सोची करे लेरदअ लागअ ।