यूहन्ना 13

यीशु रा चेले ़े री जागहा धोऊणी

1 फसह रे परबा का पहिले , जेबा यीशु जाणु कि मेरी सह घड़ी पूजी कि जगता छाडी करे बापू सेटा बे नाहूं , तेबा आपणे लोका ज़ोह जगता में , जेढा प्रेम सह जगता में डाहंदा , अन्त तणी तेढा (राकक्ष) ही प्रेम डाहंडअ रहू । 2 जेबा राक्कस शमौना र शोहरू यहूदा इस्क्रियोती रे मना में यह पाई छेकू , कि सह रोत रे टाइमे ढ़ाकणे बझयाल़णअं , 3 यीशु , यह ज़ाणी करे कि बापू सब कुछ मेरे हाथे दिना दा होर हाँऊं दईबा सेटा आउअद होर दईबा सेटा बे नाहंदा , 4 रोत खाणे का उठी करे आपणे उझले झिकड़े खोली , होर अंगोछा (गाची) नि करे आपांणी काम र बान्ही । 5 तेबा भाड़े में पाणी भरी करे चेले ़े री जागहा धोऊंदअ लागअ होर ज़ोह गाची काम रा में बान्हीं दी , तेसी संघा तेऊ टूशतअ लागअ 6 जेबा शमौन पतरसा सेटा बे आउअ , तेबा पतरसे तेऊ बे बोलू , '' हे दईब , कि तूह मेरी जागहा धोऊंदा ?” 7 यीशु तेऊ बे उतर दिना , '' ज़ोह हाँऊं ऐबरे करा , तूह ऐबरे तेऊ नाईं ज़ाणदअ , पर तेता बाद समझणअं ।” 8 पतरसे तेऊ बे बोलू , तूह मेरी जागहा ऐबरे धोए !” यह शूणी करे यीशु तेऊ बे बोलू , ''अगर हाँऊं ताह धोए , तेबा तांईं संघा मेरा कोई साझा नाईं ।” 9 शमौन पतरसे तेऊबे बोलू , '' हे दईब , मेरी जागहा ही नाईं , पर हाथ होर मुड़ा भी धो ।” 10 यीशु तेऊ बे बोलू , '' ज़ोह नेंहीं छेकु तेऊ जागहा रे सिबाए होर किछी धोऊणे री जरूरत नाईं आँधी , पर सह बिलकुल शुद साहा ;होर तमे शुद साहा , पर सबा रे सब शुद ।” 11 सह आपणे ढाकण आल़े ज़ाणा , ऐ री तणी तेऊ बोलू , ''कि तमे सबा रे सब शुद नाईं आंधेए ।” 12 तेबा तेऊ तया री जागहा धहोई छेकी , होर आपणे झिकड़े बान्हीं करे भी बेठअ , तेबा तया बे बोलू , ''कैह तमे समझी कि माँईं तमे संघा कैह करू ? 13 तमे मांह गुरु होर दईब बोला , होर ठीक ही बोला , किबेकि हाँऊं सहे साहा । 14 अगर माँईं दईब होर गुरु होई करे थारी जागहा धहोई , तेबा तमा भी एकु दूजे री जागहा धहोई लोढी । 15 किबेकि माँईं तमा बे नमूना रिहाऊ कि जेढा माँईं तमे संघा करू , तमे भी तेढा करे करा ।” 16 हाँऊं तमा बे सच- सच बोला , प्रेरिता आपणे मालका का बढ़अ नाईं हूँदअ , होर नाह भेजुदअ आपणे भेजण आलेए का । 17 तमे याह गला ज़ाणा , होर यह अगर तया पैंदे चले त धन्य हूँणे । 18 हाँऊं तमा सभी रे बारे में बोला ;जूणा माँईं चुनि दे , तया हाँऊं ज़ाणा , पर यह ऐतकी तणी साहा कि पवित्र शास्त्रा रा लिखुदा पूरा हो , 'ज़ोह मेरी रोत खांदा , तेऊ मांह बे लात चुआकी ।' 19 ऐबा हाँऊं तेऊ रे हूँणे का पहिले जताए (खोज़ी)दींदा कि जेबा यह होए तेबा तमे बुशाह करा कि हाँऊं सहे साहा । 20 हाँऊं तमा बे सच- सच बोला कि ज़ोह मेरे भेजिदे ग्रहण करा , सह मांह ग्रहण करा ;होर ज़ोह मांह ग्रहण करा , सह मेरे भेज़ण आलेए ग्रहण करा ।”

बिश्बसघाता फेरा बे संकेत

(मत्ती 26:20-25;मरकुस 14:17-21-21;लूका 22:21-23)

21 या गला बोली करे यीशु आत्मा में ब्याकुल होऊ होर यह गुआही दिंनी , '' हाँऊं तमा बे सच - सच बोला कि तमा मेज़ा का एकु हाँऊं ढाकणे बझयालणअं ।” 22 चेले ़े संदेहा का (बेहम होऊ) , कि सह कासके बारे में बोला , एकु दूजे फेरा बे हेरदे लागे । 23 तेऊ रे चेले ़े मेज़ा का एक जासू ु संघा यीशु प्रेम ढाहंदा , यीशु री हिका फेरा बे झुकी करे बेठअ द , । 24 शमौन पतरसे तेऊ फेरा बे संकेत करी करे तेऊ का पुछु , '' खोज़ तूह , कासके बारे में बोला ?” 25 तेबा तेऊ ते फेरा यीशु री हिका फेरा बे झुकी करे तेऊ का पुछु , ''हे दईब , सह कुण साहा ?” 26 यीशु उतर दिना , ''जासू ु बे हाँऊं ऐऊ रोत रे ठुकड़े डूबाई करे देलअ सह साहा ।”होर तेऊ टुकड़अ दबाई करे शमौन इस्करियोती रे शोहरू यहूदा बे दींनअं । 27 टुकड़अ माँगदे ही शमौन तेऊ में समाऊ ।तेबा यीशु तेऊ बे बोलू , '' ज़ोह तूह करा , ऐभरी कर ।” 28 पर बेशण आल़े मेंज़ा का कोही नाईं ज़ाणु कि तेऊ यह गल तेऊ बे किबे बोली 29 यहूदा सेटा थईल रहंदा , ऐ री तणी कोई समझू यीशु तेऊ बे बोलदअ लागदअ कि ज़ोह कुछ हामा परबा बे लोढ़ी तेता लए , या कासु कंगाला बे कुछ देए । 30 तेबा सह ठुकड़े नि करे तेभरी बागा बे नाठअ ;होर यह राच्का टाईम , ।

नऊंईं आज्ञा

31 जेबा सह बागा बे नाठअ तेबा यीशु बोलू , ''ऐबा मणशा रे शोहरू री महिमा होई , होर दईबा री महिमा तेऊ में होई , 32 होर दईब भी आपू में तेऊ री महिमा करणी होर तेभरी करणी । 33 हे बालको , हाँऊं थोड़ी देर तमा सेटा साहा तेहुकी तमा हाँऊं लोढ़णअं , जेढ़ा माँईं यहूदी बे बोलुदा , 'तेडा ही ऐबा तमा बे हाँऊं बोला । 34 हाँऊं तमा ब एक नऊंईं आज्ञा दींदा कि एकु दूजे संघा प्रेम डाहा ;हेरी ा माँईं तमे संघा डाहू , तेडा ही तमे एकु दूजे संघा डाहा । 35 अगर आपु में प्रेम डाहलेए , तेबा ऐ का ज़ाणना कि तमे मेरे चेले ़े साहा ।

पतरसा रे नाईं रा संकेत

(मत्ती 26:31-35;मरकुस 14:27-३१;लूका 22:31-34)

” 36 शमौन पतरसे तेऊ बे बोलू , '' हे दईब , तूह कंईं नाहंदा ?”यीशु उतर दिंना , ''ज़खे हाँऊं नाहंदा तखे तूह मांह पीछे नाईं इछी सकतअ ;पर ऐता बाद मांह पीछे इहलअ ।” 37 पतरसे तेऊ बे बोलू , ''हे दईब , ऐबरे हाँऊं ताह पीछे किबे इछी सकतअ ?हाँऊं त ताह पीछे आपणे प्राण भी दींणे ।” 38 यीशु उतर दिंना , '' कैह ताह मांह पीछे आपणे प्राण भी दींणे ?हाँऊं ताह बे सच -सच बोला कि मुर्गे नाईं बाशणअं तेबरे तणी ताह चीण बारी मेरा नाईं करणा ।