मत्ती 26

यीशु रे बिरुद षड्यन्त्

1 जेबा यीशु या सभे गला बोलली छेकी तेबा आपणे चेले बे बोलदअ , 2 “ तमे ज़ाणा कि दुई धियाड़े बाद फसहरा पर्ब साहा , होर मणशा र शोहरू। क्रुसा में चढ़ाउंणे री तणी ढाकणे बझयाल़णअं ।” 3 तेबा प्रधान याजक होर प्रजा रे पुरनिय काइफा ना र महायाजक आंगना में कठे होई , 4 होर आपु में बिचारा करदे लागे कि यीशु छले संघा ढाकी करेमारी पाउंणअं। 5 पर तया बोला , “ परबा रे टाइमे नाईं , कंईं एढा ना हो कि लोका में बबाल मचे ।” बैतनिय्याह में यीशु रा अभ्यंजन 6 जेबा यीशु बैतनिय्याह में शमौन कोढ़ी रे घरे नाठअ , 7 तेबा एक बेटढ़ी संगमरमरा रे पात्रा में बहुमूल्य इत्र आंणी करे तेऊ सेटा बे आई , होर जेबा सह रोटी खांदअ बेठअ , तेबा तेउरे मुंडे पेरू । 8 यह हेरी करे तेउरे चेले रिसियाए होर बोलदे लागे , “ एतका किबे सत्य नाश करू ? 9 एउ त ठीक रेटा में बेची करे कंगाला में बांडी सका , ।” 10 यह ज़ाणी करे यीशु तया बे बोलू , “ बेटढ़ी किबे सताउंदा ? तेसे माईं संघा भलाई करी । 11 कंगाल त सदा तमे संघा रहंदा , पर हाँऊं तमे संघा सदा नाईं रहंणअं । 12 तेसे मेरी देहा में ज़ोह यह इत्र पाउ , यह मेरे गढ़ने री तणी करू । 13 हाँऊं तमा बे सच बोला , कि सारीे जगता में ज़ध कन्धे यह सुसमाचार प्रचार हूँणा , तखे तेसके एउ कामा रा बर्णन भी तेसकी यादी में हूँणा ।” यहूदा इस्करियोती रा बिश्बासघात 14 तेबा यहूदा इस्करियोती , ज़ोह बागे चेले मेंज़ा का एक , प्रधान याजका सेटा नाहीं करे बोलू , 15 “ अगर हाँऊं तेऊ थारे हाथे ढाकी देऊ तेबा मांह बे कैह दींणा ?” त्याह ह हे तेउबे तिह सिक्के टोली करे दिने । 16 होर सह तेहू टाइमा का तेऊ ढाकणे रे मोके लोढ़अ लागअ । चेले संघा फसह रा लास्ट भोज 17 अखमीरी रोटी रे परबा का पहिली धियाड़े , चेले यीशु सेटा इच्छी करे पूछते लागे , “ तुह कंईं चाहंदा कि हामे तेरी तणी फसह खाणे री तयारी करे ?” 18 तेऊ बोलू , ” नगरा में एकी मणशा रे सेटा नाहीं करे तेउबे बोला , ' गुरु बोला कि मेरा टाईम नेढ साहा । मांह आपणे चेले संघा तेरअ खे फसह पर्ब मनाउंणअं ।” 19 पर चेले यीशु री आज्ञा मनी होर फसह तयार करू । 20 जेबा ब्याल्क होई तेबा सह बारह चेले संघा रोटी खांदअ बेठअ । 21 जेबा तया खांदे , तेबा तेऊ बोलू , “ हाँऊं तमा बे सच बोला कि तमा मेंज़ा का एकु हाँऊं ढाकणे बझयाल़णअं ।” 22 एता में तया बहू दुखी होई , होर हर एक तेऊका पूछते लागे , “हे गुरु , कैह सह हाँऊं साहा ?” 23 तेऊ उतर दिंना , “ जूणी माँईं संघा थाल़ी में हाथ पाउदअ , तेहू हाँऊं ढाकणे बझयाल़णअं । 24 मणशा र शोहरू त जेड़ा तेऊ रे बिषय में लिखुदा साहा , नाहंदा ही साहा ; पर तेऊ मणशा बे शोक साहा जासू के साबे श ढाकणे बझयाल़ा अगर तेऊ मणशा रा जन्म ही नाईं हुँदा , तेबा तेउबे भला हुँदा ।” 25 तेबा तेऊ ढाकण बझयाल़णअं आल़े यहूदा बोलू , “हे रबी कैह सह हाँऊं साहा ?”तेऊ तेउबे बोलू , “ तांईं बोली छेकू ।” दईबा भोज जेबा तया खंडे , तेबा यीशु रोटी चुआकी होर आशा ीष मांगी करे चोड़ी , होर चेले हेरी करे बोलू , “हंजा खा ;यह मेरी देह साहा ।” 26 तेबा तेऊ कटोरअ चुआकी करे धन्यबाद करु , होर चेले वै देइ करे बोलू , “ तमे सभे एउ मेंज़ा का झुटा , 27 तेबा तेऊ कटोरअ चुआकी करे धन्यबाद करु , होर तया हेरी करे बोलू , “ तमे सभे एउ मेंज़ा का झुटा , 28 किबेकि यह वाचा रा मेरा लोहू साहा ज़ोह बहू री तणी पापा री क्षमा रे निमित बहाउंदा । 29 हाँऊं तमा बे बोला कि दाखा रा यह रस तेसा धियाड़े तणी नाईं झूटणा , जेबरे तणी तमे संघा आपणे बापू रे राज्य में नउंआँ नाईं झूटे ।” 30 तेहुकी तया भजन गाई करे जैतुना पहाडा बे नाठे । पतरसा रे नाईं री भबिष्यबाणी 31 तेबा यीशु तयाबे बोलू , “ तमा आज राची ही मेरे बिषय में ठोकर खाणी , किबेकि लिखू दा साहा : ' मांह फुआल मारनअं , होर छुड़ा री भेड़ा तितर बितर हूँणी ।' 32 पर मांह जिउंदे हूँणे बाद तमा का पहिले गलीला बे नाहंणा ।” 33 एता में पतरसे बोलू , “ अगर सब तेरे बिषय में ठोकर खाए त खाए , पर मांह कधी भी ठोकर नाईं खाणी ।” 34 यीशु उतर दिंना , “हाँऊं तमा बे सच बोला कि आज ही मुर्गे बाष्ने का पहिले , ताह चीण बारी मांह का हूदणा ।” 35 पतरसे तेउबे बोलू , “अगर मांह तांईं संघा मरना भी पड़े , तेबा भी ताह का नाईं हूदणा ।” होर एढा ही सभी चेले बोलू । गतसमनी री प्रार्थना 36 तेबा यीशु आपणे चेले संघा गतसमनी ना री ज़ाघा में आउए होर आपणे चेले बे बोलदअ लागअ , “ अखे बेशी रहे बी , जेबरे तणी हाँऊं तखे प्रार्थना करू ।' 37 तेऊ पतरस होर ज़ेबादी रे दुई शोहरू संघा नी , होर नराझ होर परशान हुंदअ लागअ 38 तेबा तेऊ तया बे बोलू , “ मेरा जी बहू उदास साहा , अखे तणी कि मेरे प्राण निखल़ी चाली । तमे अखी रहा होर माईं संघा ज़ागदे रहा ।” 39 तेबा सह थोड़अ होर ज़ेह बढ़ी करे मुँहा रे बला में उटअ होऊ , होर यह प्रार्थना करी , “ कि मेरे बापू , अगर होई सके कि यह कटोरअ मांह का टल़े , तेबा भी हाँऊं जेढ़ा चाहंदा तेढा नाईं , जेढ़ा ही तूह चाहंदा तेढा ही हो ।” 40 तेबा तेऊ चेले सेटा इच्छी करे तया सुते दे हेरी होर पतरसे बोलू , “ कैह तमे माईं संघा एक घड़ी भी नाईं ज़ागी सकी ? 41 ज़ागदे रहा होर प्रार्थना करदे रहा कि तमे परीक्षा में नाईं पड़ा : आत्मा त तयार साहा , पर शरीर काम ज़ोह र साहा ।” 42 तेहुकी तेऊ दूजी बारी नाहीं करे यह प्रार्थना करी , “ हे मेरे बापू , अगर यह मेरे झूटे बिना नाईं हटी सकतअ तेबा तेरी ईच्छा पूरी हो ।” 43 तेबा तेऊ इच्छी करे तया भी सुते दे हेरी , किबेकि त्याह री आछी निज़ा में भरी दी , । 44 तया छाढ़ी करे भी नाठअ , होर त्याह ह ही शब्दा में भी चिउंणी बारी प्रार्थना करी । 45 तेबा तेऊ चेले सेटा इच्छी करे बोलू , “ एबा सूती रहा , होर राम करा : हेरा , घड़ी पूजी , होर मणशा र शोहरू पापी रे हाथे ढाकणे बझयाल़ाआ । 46 उठा , चेले ;हेरा मांह ढाकणे बझयाल़ण आल़अ नेढ पुजू ।” यीशु धोखे संघा ढाकणअं 47 सह यह ही बोलदअ ही लागअद , कि यहूदा ज़ोह बारा मेजा का एक , आउअ , होर तेऊ संघा प्रधान याजक होर लोका रे पुरनियो ऋ ओरा का बड़ेी भीड़ , तुरारी होर डाहुल़े आणी आउइ । 48 तेऊ ढाकण बझयाल़ण त्याह ह बे यह संकेत दिंना , : “ जासू हाँऊं चुमलअ सहे साहा ; तेऊ ढाके ।” 49 होर तेभरी यीशु सेटा इच्छी करे बोलू , “ हे रबी , नमस्कार !” होर सह बहू चुमू । 50 यीशु तेऊ बे बोलू , “ हे मित्र , जासू कामा री तणी तूह आउअ द साहा , तेऊ कर ।” तेबा त्याह हे सेटा इच्छी करे यीशु बे हाथ पाई होर सह ढाकु । 51 यीशु रे सा मेजा का एकु हाथ बढ़ाई करे आपांणी तुरार खिंची होर महायाजका रे दासा बे चलाई करे तेऊ र कणेट उढाउ 52 तेबा यीशु तेउबे वे बोलू , ''आपांणी तुरार म्याना में डाह किवेकि ज़ोह तुरार चलाऊदा तया सब तुरारी संघा नष्ट करने । 53 कैह तुह नाईं ज़ाणदअ कि हाँऊं आपणे बापू संघा बिनती करी सका , होर स्वर्ग दूता री बारह पलटन का ज्यादा मांह सेटा एब्रे हाजिर करणी ? 54 पर पवित्र शास्त्रा र या गला साहा कि एढा ही हूँणा जरूरी साहा , केढे पूरी हूँणी ?” 55 तेऊ टाइमे यीशु भिड़ा बे बोलू , “ कैह तमे तुरारा होर डाहूल़े नी करे मांह चोरा रे सामने ढाकणे री तणी काढ़ी दे ? हाँऊं हर धियाड़े देहुरे में बेशी करे उपदेश दिंदा , होर तमे हाँऊं नाईं ढाकु 56 पर यह सब एतकी तणी होऊ कि भबिष्यद्क्ता रे बचन पुरे हो ।” तेबा सभे चेले तेऊ छाड़ी करे ठुरी । महासभा रे सामने यीशु 57 तेबा यीशु रे डाकणेआणे तेउवे काइफा नाआ रे महायाजक ज़ेह जऊ निऊ , जखे शास्त्री होर पुरनिए कठे होई । 58 पतरस दुरा ही दुरा का तेऊ पीछे -पीछे महायाजक रे आँगणे तणी नाटअ , होर मितर नाई करी लास्ट हेरने आल़े प्यादों सगा बैठअ । 59 प्रधान याजक होर सारीी महासभायीशु मारने री तणी तेउरे विरोध जुटी गुआई खोजा में , 60 पर जुटे गुआई इहंणे पर भी ना पाई । लास्टा में दुई लोका आए , 61 होर बोलू , ''एउ बोलुदा कि हाँऊं दईबा रे देहुरे ढाई सका होर तेऊ चीई धियाड़े में बणाई सका ।'' 62 तेवा महायाजक खडे होई करी यीशु वे बोलू , ''केह तू ज़ेबााप नाई देई सका? 63 पर यीशु चूपे रहू । तेवा महायाजके तेऊ वे बोलू , ''हाँऊं तावे जीवते दईबा री कसम दिंदे कि ज़ेबा तूह दईबा र शोहरू मसीह साहा , तेवा हामा वे बोली दे । '' 64 यीशु तेऊ वे बोलू , ''ताई आपे ही बोलू;हाँऊं तावे यह भी बोला कि एबरा का तू मणशा र शोहरू सर्वशक्तिमान रे दाहिनी तरफे वेशे , होर सरगा रे बदलां पैंदे इन्दअ हेरन ।'' 65 एता पैंदे महायाजक नें आपनें जिकडे चिरी करी बोलू , ''एऊऐ दईबा री निन्दा करी दी , एवा गुआओ रा केह प्रयोजन?हेरा , तामे एवरे यह निंदा शुणी ! 66 तमे के सोचा?''तया उतर दिना , ''यह मारने योग्य साहा ।'' 67 तेबा त्याह हे तेउरे मुँहे थुकू होर गुनु बाही , दूजे थप्पड़ बाही करे बोलू , 68 “ हे मसीह , हामा बे भबिष्यबाणी करी करे बोल कि कुंणी ताह बाही ?”

पतरसा रा नाईं

(मरकुस 14:66-72; लूका 22:56-62; यहुन्ना 18:15-18 , 25-27)

69 पतरस बागे आँगना में बेठअ द , कि एक दासी तेऊ सेटा बे आई होर बोलू , “ तुह भी यीशु गलीली संघा , ।” 70 तेऊ सभी सामने यह बोलदे नाईं करू , “ हाँऊं नाईं ज़ाणदअ कि तांईं कैह लाईदी ।” 71 जेबा सह बागे डेबढी में नाठअ , तेबा दूजी दासी तेऊ हेरी करे ज़ोह तखे , बोलू , “ यह यीशु नासरी संघा , ।” 72 तेऊ कसम खाई करे भी नाईं करू : “ हाँऊं तेऊ मणशा नाईं ज़ाणदअ ।” 73 थोड़ी देरा बाद लोके ज़ोह तखे खड़े , पतरसा सेटा इच्छी करे बोलू , “सची तूह तया मेंज़ा का एक साहा , किबेकि तेरी बोली तेरा भेटी खोज़ा ।” 74 तेबा सह हुद्दअ होर कसमा खांदअ लागअ : हाँऊं तेऊ मणशा नाईं ज़ाणदअ ।” होर तेभरी मुर्गअ बाठअ । 75 तेबा पतरसा यीशु री बोली दी गल याद आई : “मुर्गे बेशणे का पहिले ताह चिण बारी मेरा नाईं करणा ।” होर सह बागे नाहीं करे हिकी सणीकी करे लेरु ।