यूहन्ना 14

दईबे तणी पूजणे री बात

1 थारा मन ब्याकुल होए ;दईबा में बुशाह डाहा होर मांह पैंदे भी बुशाह डाहा । 2 मेरे बापू रे घरे रहंणे री बहू जागहा साहा अगर हूँदी तेबा हाँऊं तमा बे बोलदअ ;किबेकि हाँऊं तमा बे जागहा तयार करदअ नाहंदा । 3 होर अगर हाँऊं नाहीं करे तमा बे जागहा तयार करू , तेबा भी इछी करे तमे आपणे अखे नींणे कि ज़खे मांह रहंणा तखे तमे भी रहे । 4 ज़खे हाँऊं नाहंदा तमे तखली बात ज़ाणा ।” 5 थोमे तेऊ बे बोलू , ''हे दईब , हमें नाईं ज़ाणदे कि तूह कंदा बे चालूऊ , तेबा बात केढ़े ज़ाणनी ?” 6 यीशु तेऊ बे बोलू , ''बात (बात)होर सत्य (सचाई)होर जीबन हाँऊं ही साहा ;बिना मेरे बापू सेटा नाईं पूजी सकतअ । 7 अगर तांईं हाँऊं जाणु हूँदअ , तेबा मेरे बापू भी ज़ाणदअ ;होर ऐबा तेऊ ज़ाणा , होर सह हेरू भी ।” 8 फिलिप्पुसे तेऊ बे बोलू , '' हे दईब , बापू हाँमा बे रिहा , यहे हामा बे बहू साहा ।” 9 यीशु तेऊ बे बोलू , '' हे फिलिप्पुस , हाँऊं ऐतरी धियाड़े का तमे संघा साहा , कैह तूह मांह ज़ाणदअ ?जूणी हाँऊं हेरू तेऊ बापू हेरू ।तूह किबे बोला कि बापू हामा बे रिहा ? 10 कैह तूह बुशाह करदअ कि हाँऊं बापू में साहा होर बापू मांह में साहा ?या गला ज़ोह तमा बे हाँऊं बोला , आपणी तरफा का बोला , पर बापू मांह में रही करे आपणे काम कराऊंदा । 11 पर बुशाह करा कि हाँऊं बापू में साहा होर बापू मांह में साहा ; नाईं त कामा रे कारण ही मेरा बुशाह करा । 12 हाँऊं तमा बे सच - सच बोला कि ज़ोह मांह में बुशाह डाहंदा , या काम ज़ोह हाँऊं करा तेहुकी भी करणे , पर ऐता का भी बड़ेे काम करणे , किबे कि हाँऊं बापू सेटा बे नाहंदा । 13 ज़ोह कुछ तमे मेरे ना का माँगले , सहामेांह करणा कि शोहरू रे दुआरा बापू री महिमा हो । 14 अगर तमे मांह का मेरे ना का कुछ मांगले , तेबा मांह सहे करणा ।

पवित्र आत्मा री प्रतिज्ञा

15 अगर तमे माँईं संघा प्रेम डाहंदा , तेबा मेरी आज्ञा मनणी । 16 मांह बापू संघा विनती करणी , तेबा ताह बे एक होर साहायक दींणअं कि सह सदा तांईं संघा रहे । 17 अर्थात सचाई री आत्मा , ज़ासु संसारी ग्रहण नाईं करी सकतअ किबेकि सह तेऊ हेरदा होर ना तेऊ ज़ाणदअ ; तमे तेऊ ज़ाणा , किबेकि सह तमे संघा रहंदा , होर सह तमा में होलअ । 18 '' मांह तमे अनाथ नाईं छाढने ;हाँऊं तमा सेटा बे ईंहंदा । 19 होर थोड़ी देर रही कि तेउकी संसारीा हेरनअं , पर तमा हाँऊं भी हेरनअं ;ऐतकी तणी कि हाँऊं जिऊंद साहा , तमे भी जिऊंदे रहंणे । 20 तेसा धियाड़े तमा ज़ाणना कि हाँऊं आपणे बापू में साहा , होर तमे मांह में , होर हाँऊं तमा में । 21 जासू ु सेटा मेरी आज्ञा साहा होर सह तया मना , सहामाँईं संघा प्रेम डाहंदा ;होर ज़ोह मांह में प्रेम डाहंदा तेऊ में मेरअ बापू प्रेम डाहंणा ।होर आपणा आपा तेऊ पैंदे प्रकट करणा ।” 22 तेऊ यहूदा ज़ोह इस्करियोती , तेऊ बे बोलू , '' हे दईब , कैह होऊ कि तूह आपणे आपा बे हाँमा पैंदे प्रकट करणा चाँहंदा होर संसारीा पैंदे ?” 23 यीशु तेऊ बे उतर दिंना , ''अगर कोई मांह में प्रेम डाहलअ तेबा तेऊ मेरे बचन मनणे , होर मेरे बापू तेऊ संघा प्रेम डाहंणा , होर हामे तेऊ सेटा बे ईंहंणे होर तेहू बास करणा । 24 ज़ोह मांह में प्रेम डाहलअ , तेऊ मेरे बचन मनणे ;होर ज़ोह बचन तमे शूणा तया मेरे नाईं पर बापू रे साहा ।जूणी हाँऊं भेजु । 25 '' या गला माँईं तमे संघा रही करे तमा बे बोली 26 पर साहायक अर्थात पवित्र आत्मा ज़ासु बापू मेरे ना का भेज़लअ , तेऊ तमा बे सभे गला सखाऊणी , होर ज़ोह कुछ माँईं तमा बे बोलू , तेऊ तमा बे सब स्मरण (याद) कराऊणा । 27 हाँऊं तमा बे शान्ति दिंदा , आपणी शान्ति तमा बे दिंदा ;हेरी ा संसारी दिंदा , हाँऊं तमा बे नाईं दींदअ थारा मन ब्याकुल नाईं होए होर नाईं डरे । 28 तमे शुणु कि माँईं तमा बे बोलू , 'हाँऊं नाहूँ , होर तमा सेटा भी आउअ ।' अगर तमे माँईं संघा प्रेम डाहंदे , तेबा ऐसा गला का खुश हुंदे कि हाँऊं बापू सेटा बे नाहंदा , किबे कि बापू मांह का बढ़अ साहा । 29 होर माँईं एउ हूँणे का पहिले तमा बे बोलू , कि जेबा सह होए , तेबा तमे बुशाह करा । 30 मांह ऐबा तमे संघा बहू गला नाईं करणी , किबे कि ऐऊ संसारीा र सरदार ईंहंदा मांह पैंदे तेऊ रा कोई अधिकार नाईं आँधाआ ; 31 पर यह ऐतकी तणी हुंदा कि संसारी ज़ाणे कि हाँऊं बापू संघा प्रेम डाहंदा , होर जेढी बापू मांह बे आज्ञा दिंनी हाँऊं तेडा ही करा ।उठा , अखा का नाहंणा ।