यूहन्ना 15

यीशु सच्ची दाखलता

1 होर मेरअ बापू किसान साहा । 2 ज़ोह डालीइ मांह में साहा होर नाईं फलदी , तेऊ सह काटा ;होर ज़ोह फला , तेसा सह छांटा ताकि होर फलए । 3 तमे त तेऊ बचना रे करण ज़ोह माँईं तमा बे बोलू , (ठीक) शुद्ध हो । 4 तमे मांह में बणी रहा , होर हाँऊं तमा में ।हेरी े डालीइ दाखलता में बणी ना रहे तेबा नाईं फल़ी सकते , तेढ़े ही तमे भी अगर मांह में बणी नाईं रहले तेबा तमे फल़ी नाईं सकते । 5 हाँऊं दाखलता साहा तमे डाल़ी साहा ।ज़ोह मांह में बणाऊंदअ लागअद होर हाँऊं तेता में , बहू फल़ फलाऊंदा , किबे कि मांह का अलग होई करे तमे किछे नाईं करी सकते । 6 अगर कोई मांह में बणी ना रहे , तेबा तेऊ डाल़ी रे बराबर शोत दिंदा , होर शुका ;होर लोका तया बटोरी करे आगि में ज़ालाआ , होर सह ज़लाआ । 7 अगर तमे मांह में बणी रहोर मेरा बचन तमा में बणी रहे , तेबा ज़ोह चाहामेांगे होर सह तमा बे हूँणा । 8 मेरे बापू री महिमा ऐ का हुँदा कि तमे बहू जै फलाआ , तेबा ही तमे मेरे चेले ़े हूँणे । 9 हेरा बापू माँईं संघा प्रेम डाहू , तेडा ही माँईं तमे संघा डाहु ;मेरे प्रेमा में बणी रहा । 10 अगर तमे मेरी आज्ञा मानले , तेबा मेरे प्रेमा में बणी रहंणे ;हेरा कि माँईं आपणे बापू री आज्ञा मनी , होर तेऊ रे प्रेमा में बणी रहंदा । 11 माँईं या गला ऐतकी तणी बोली , कि मेरा ख़ुशी तमा में बणी रहे , होर थारा ख़ुशी पूरा होए । 12 ''मेरी आज्ञा यह साहा , कि हेरी ा माँई तमे संघा प्रेम डाहु , तेडा तमे भी एकु दूजे संघा डाहा । 13 ऐता का बडा प्रेम कासी रा नाईं आँधा कि कोई आपणे मित्रा बे आपणे प्राण दे । 14 ज़ोह आज्ञा हाँऊं तमा बे दिंदा , अगर तेसा मने तेबा तमे मेरे मित्र (संघी)साहा । 15 ऐबरा का तमा बे दास बोल्लअ , किबे कि दास ज़ाणदअ कि तेऊ र स्बामी (मालका) कैह करा ;पर माँईं तमा बे मित्र बोलू , किबेकि माँईं ज़ोह आपणे बापू का शूणी , तया सभे तमा बे खोजी । 16 तमे हाँऊं चुनु पर माँईं तमे चुनिदे होर तमे नियुक्त करे कि तमे नाहीं करे फल़ आंणा होर थारअ फल़ बणी रहे , कि तमे मेरे ना का बापू का माँगले , सह तमा बे देए । 17 तया गला री आज्ञा तमे बे ऐतकी तणी दिंदा कि तमे एकु दूजे संघा प्रेम डाहा ।

संसारीा रा बइर

18 अगर संसारी तमे संघा बइर डाहंदा , तेबा तमे ज़ाणा कि तेऊ तमा का पहिले माँईं संघा बइर डाहु । 19 अगर तमे संसारीा रे हुंदे , तेबा संसारी तमे संघा प्रेम डाहंदअ ;पर ऐतकी तणी कि तमे संसारीा रे , पर माँईं तमे संसारीा मेज़ा का चुनी , ऐतकी तणी संसारी तमे संघा बइर डाहंदा । 20 ज़ोह गल माँईं तमा बे बोली , 'दास आपणे स्बामी का बढ़अ हुँदअ , 'तेऊ याद डाहा ।अगर तयाहे हाँऊं सताऊ , तेबा तमे भी सताऊणे ;अगर तयाहामेेरी गल मनी , तेबा थारी भी मनणी । 21 पर यह सब कुछ मेरे ना रे कारण तमे संघा करणा , किबे कि तया मेरे भेज़ण आल़े नाईं ज़ाणदे । 22 अगर हाँऊं ईंधअ होर तयाहे संघा गला करदअ , तेबा तया पापी हुंदे ;पर ऐबा तया- तया रे पापा बे किछे बहाना आंधा । 23 ज़ोह माँईं संघा बइर डाहंदा , सह मेरे बापू संघा भी बइर डाहंदा । 24 अगर हाँऊं तया में काम नाईं करदअ ज़ोह होरी कोही करी , तेबा त्याह पापी हुंदे ;पर ऐबा ततयाहे हाँऊं होर मेरअ बापू दुहे हेरी होर दुही संघा बइर करू । 25 यह ऐतकी तणी होऊ कि बचन पूरा हो , ज़ोह तया री ब्यबस्था में लिखूदा , तयाहामाँईं संघा थोगे बइर करू ।' 26 पर जेबा सह साहायक ईलअ , ज़ासु हाँऊं बापू री तरफा का तमा सेटा भेज़लअ , अर्थात सचाई री आत्मा ज़ोह बापू री तरफा का निखला , तेबा तेऊ मेरी गुआही दींणी ; 27 होर तमे भी मेरे गुआह साहा किबे कि तमे माँईं संघा पहिले का साहा ।