यूहन्ना 16

1 '' या गला माँईं तमे संघा ऐतकी तणी बोली कि तमे ठोकर खाए । 2 तया तमा आराधनालय मेंज़ा का काढ़ने , पर सह टाईम ईंधा , कि ज़ासु तमे मारने तेऊ समझणा कि हाँऊं दईबा री सेबा करा । 3 ऐडा ऐतकी तणी करणा कि तयाहे बापू जाणु होर नाह मांह ज़ाणदे । 4 पर या गला माँईं तमे संघा ऐतकी तणी करी , कि जेबा याह रा टाईम ईहणा तेबा तमा याद ईहंणी कि माँईं तमा बे पहिले बोलूदा । h

पवित्र आत्मा रे काम

माँईं तमा बे पहिले का या गला ऐतकी तणी करी किबेकि हाँऊं तमे संघा , । 5 पर ऐबा हाँऊं आपणे भेज़णे आलेए सेटा नाहंदा ;होर तमा मेंज़ा का मांह पूछतअ , 'तूह कंईं नाहंदा ?' 6 पर माँईं ज़ोह गला तमा बे बोली ऐतकी तणी थारा मन शोका में भरू । 7 तेबा भी तमा बे सच बोला कि मेरा नाहंणा थारी तणी ठीक साहा , अगर हाँऊं नाहें तेबा साहा यक तमा सेटा बे ईंहंणेअं;अगर हाँऊं नाहलअ , तेबा तेऊ तमा सेटा बे भेज़लअ । 8 तेऊ इछी क्रुसा ंसारीा रे पाप होर धार्मिकता होर न्याय रे बारे में निरुतर करणे । 9 पापा रे बारे में ऐतकी तणी कि तया मांह में बुशाह करदे ; 10 होर धार्मिकता रे बारे में ऐतकी तणी कि हाँऊं बापू सेटा बे नाहंदा , होर तमा हाँऊं भी हेरणअं ; 11 न्याय रे बारे में ऐतकी तणी कि संसारीा र सरदार दोषी ठहराऊ । 12 '' मांह तमा बे होर भी गला खोजणी , पर ऐबरे तमे तया सही नाईं सकते । 13 पर जेबा सह सच्ची आत्मा ईहली , तेबा तमा बे सच्चाई री गला खोज़णी , किबे कि तेऊ आपणी तरफा का बोलणाी पर ज़ोह कुछ शूणलअ सहे बोलणाा , होर ईहंणे आल़ी गला तमा बे खोज़णा 14 तेऊ मेरी महिमा करणी , किबे कि तेऊ मेरी गला मेज़ा का ही खोज़णी । 15 ज़ोह कुछ बापू रा साहा , सह सारीा मेरा साहा ;ऐतकी तणी माँईं बोलू कि तेऊ मेरी गला मेंज़ा का तमा बे खोज़णी ।h

दुखा रा सुखा में बदलना

16 ''थोड़ी देरी में तमा हाँऊं हेरनअं , होर भी थोड़ी देरा बाद हेरनअं ।” 17 तेबा तेऊ रे चेले ़े आपु में बोलू , '' यह कैह साहा ज़ोह यह हामा बे बोला , 'कि थोड़ी देरी में तमा हाँऊं हेरनअं , होर थोड़ी देरी में भी हेरनअं ?'ऐतकी तणी हाँऊंबापू सेटा बे नाहंदा ?” 18 तेबा तयाहे बोलू , ''यह 'थोड़ी देर 'ज़ोह यह बोला , कैह गलअ साहा ? हामें ज़ाणदे कि यह कैह बोला । 19 यीशु यह ज़ाणी करे कि या मांसा का पूछणा चाँहंदा , तेऊ बोलू , ''कैह तमे आपु में मेरी ऐसा गला रे बारे (वारे) में पूछताछ करा , कि थोड़ी देरी में नाईं हेरनअं , होर थोड़ी देरी बाद भी हेरनअं '? 20 हाँऊं तमा बे सच - सच बोला कि तमे लेरने होर बिलाप करणा , पर संसारीा ख़ुशी मानाउणी ;तमा शोक हूँणा , पर थारा शोक ख़ुशी में बदलणा । 21 प्रसबा (सुईंणे) रे टाईमे बेटढ़ी इ शोक हूँदा , किबे कि तेसकी दुखा री घड़ी पूजी , पर तेउकी बालका जन्म देई छेका , पा ऐऊ आनंदा का कि संसारीा में एक मणश होऊ , तेऊ संकटा भी याद करदी । 22 तेहू साबे तमा भी शोक साहा , पर मांह तमा बे भी भेटणा कि थारे मन ख़ुशी का भरने , होर थारी ख़ुशी तमा का कासु भी नांइ छीनणी । 23 तेसा धियाड़े तमा मांह का किछे पूछणा , हाँऊं तमा बे सच- सच बोला , कि बापू का कुछ मागले , तेबा तेऊ मेरे ना का तमा बे दींणा । 24 ऐबरे तणी तमे मेरे ना का किछे नांइ मांगू ;मांगा , तेबा तमा भेटणा ताकि थारी ख़ुशी पूरी हो ।

संसारीा पैंदे जीत

25 ''माँईं या गला दृष्टान्ता में बोली , पर टाईम ईहंदा कि मांह तमा बे भी दृष्टान्ता में बोलणाा , पर खोली करे तमा बे बापू रे बारे में खोजणा । 26 तेसा धियाड़े तमे मेरे ना का माँगले;पर हाँऊं तमा बे यह बोलदअ कि मांह थारी तणी विनती करणी ; 27 किबे कि बापू त आपे ही तमे संघा प्रेम डाहंदा , ऐतकी कि तमे माँईं संघा प्रेम डाहु पर यह भी बुशाह करू कि हाँऊं बापू री तरफा का आउअ । 28 हाँऊं बापू री तरफा का जगता में आउअद साहा ;हाँऊं भी जगता छाडी करे बापू सेटा बे नाहंदा ।” 29 तेऊ रे चेले ़े तेऊ बे बोलू , '' हेरअ , ऐबा त तूह खुलिकरे बोला , होर कोई कथअ खोज़दअ । 30 ऐबा हमें जाणु कि तूह सब कुछ ज़ाणा , होर ऐतकी जरूरत कि कोई ताह का पुछे ;ऐता का हामे बुशाह करा कि तूह दईबा री तरफा का आउअद साहा ।” 31 यह शूणी करे यीशु तया बे बोलू , '' कि तमे ऐबा बुशाह करा । 32 हेरा , घड़ी ईहंदा पर पूज़ी कि तमे सभे तितर बितर होई करे आपणी - आपणी बात ढाकणी , होर हाँऊं तमा केलह नाईं छाढनअं ;तेबा भी हाँऊं केलह आंधअ किबे कि बापू माँईं संघा साहा । 33 माँईं या गला तमे संघा ऐतकी तणी बोली कि तमा मांह में शान्ति भेटेए ।संसारीा में तमा दुःख हूँदा , पर बुशाह डाहा , माँईं संसारी जीतू ।”