यीशु रा जिउंदे हूँणा
(मती 28:1-8; लूका 24:1-12; युहन्ना 20:1-10)
16
1 जेबा स्ब्ता री धियाड आई , तेवा मरियम मागदलीनी , होर याकूबा री आमा मरियम होर सलोमी शोबली खुशबू आली चीजा लई की तेउ में लेसे । 2 हप्ते री पहिली धिहाडी री दोती जेब्रे धिहाडअ निकतअ पै , त्याह कब्रा हेरी आई , 3 होर आपु में बोल्दी लागी दी , “मा्हरी तणी कब्रा र पाथर कासु हटाऊ ?” 4 जेबा त्याह पाथरा फेरे वै नज़र लाई होर हेरू की सह पाथर तखे का सकेऊद हेरू -- सह बखे बड़अ , । 5 कब्रा मीतर नाशिकरे त्याह एक जु़आन शेते झिकड़े आल़अ धुरा फेरे वैठद भालू , त्याह बखे हेरान होई । 6 तेउ त्याह कैह बोलू , “हेरान नांई होआ , तमा यीशु नासरी , ज़ोह क्रुसा पेंदे चड़ाउ , तेउ लोड़े लागे दै । सह होऊ जीउंदअ , अखे नांई आंदअ ; भाल़ा यह सह जागाह साहा दी , जखे त्याह सह डाऊद , 7 पर तमे नाशा , होर तेउरे चेले होर पतरसा कै बोला की तेउ तमा कै पहिले गलिला वै नाणा । जेड़ा तेउ तमा के बोलूदा , तमा सह तखरी भाल़ण । 8 होर त्याह निख्ली करे कब्रा का ठुरी ; किबेकी त्याह कामदी होर डरी मुकी दी , ; त्याह कासी कैह किछे नांई बोलू किबेकी त्याह डरी री , ।मरियम मगदलीनी वै यीशु रा हेरान
(मती 28:9-10; युहन्ना 20:11-18)
9 हप्ते री पहिली री धिहाडी दोत हुंदे ही सह जीउंदअ होई करे पहिले - पहिले मरियम मगदलीनी का हेरू जासु कै सात दुष्टात्मा (राकस ) काड़ी दै , तेसा हेरू 10 तेसा नाशिकरे तेऊ रे संघी वै ज़ोह दू:खा में होर लेरेदे लगेदे , यह समाचार खोजू 11 त्याह या शुणी करे की सह जीउंदअ साहा होर तेसा सह भालू , एताक बुशअ नांई करू ।
दूई चेले वै यीशु रा हेरान
( लुका 24 :13 -35 )
12 एता बाद सह दूजे रूप में त्याह में कै दूई वै जेब्रे त्याह ग्राए वै , लागे दे नांदे , तेवा हेरू । 13 त्याह ए भी होर वै खोज़ु , पर त्याह एतका वुशह नांई करू ।
ग्यारा चेले वै यीशु रा हेरना
( मती 28 :16 -20 ; लुका 24 :36 -49 ;युहन्ना 20 ;19 -23 ;प्रेरिता 1 :1-6 )
14 पीछे सह त्याह ग्यारा चेले भी हेरू , जेब्ररे त्याह रोटी खांदे बेठे दै , हेरू , होर त्याह विशवास / बुशअ नांई करणे री होर मना री कठोरता री तणी उलहाना दीनी , किबेकी जासूए सह जीऊदे हुणे बाद भालू , री , त्याह ए तेउरा विशवास(बुशाह )नांई करू , । 15 होर तेउए त्याह वै बोलू , “तमा सारीे संसारीा में नाशी करे लोका वै सुसमाचार रा प्रचार करा । 16 ज़ो विशवास(बुशाह) करे होर बपतिस्मा लये तेउरा उदार हुणा , पर ज़ो विशवास नांई क्रुसा ह दोषी हे हूणअ ; 17 बुशहा करने आल़े में यह चिन्ह हुण की त्याह मेरा ना क ओपरा( दुष्टात्मा ) काड़ना , नऊंईं - नऊंईं भाषा बोलणाी , 18 सरप चकणैं , होर त्याह जेहर भी झूटले तेवा भी त्याह वै किछ नांई हूणा ; त्याह बिमार लोका पेंदे हाथ डाहण होर त्याह ठीक हूणे ।”
यीशु रा स्वर्गा वै नाहणा
(लुका 24:50-53; प्रेरिता 1:9-1)