यीशु रा पुनरुत्थान
(मरकुस 16:1-10; लूका 24:1-12; यहुन्ना 20:1-10)
28
1 सब्ता (तुआरा)रे धियाड़े रे बाद हप्ते रे पहिले धियाड़े पौ फूटते ही मरियम मगदलीनी होर दूजी मरियम कब्रा हेरदी आई । 2 होर हेरा ,एक बड़ेी जाजरी होई , किबे कि दईब रअ एक स्बर्ग दूत का उतरु होर सेटा इच्छी करे तेऊ कब्रा का पाथर सकेऊद तीही , होर तेऊ पैंदे बेठअ । 3 तेऊरा रूप बिज़ल़ी साही होर तेउरे झिकड़े पाले रे बराबर उज्ज़ेबाल(चमकदार) , । 4 तेउरी डरे पहरी काँमी , होर मुएँदे रे बराबर होई । 5 स्वर्गदूते बेटढ़ी बे बोलू , “नाईं डरा , हाँऊं ज़ाणा कि तमे यीशु बे ज़ोह क्रुसा में चढाऊ , लोढ़ा । 6 सह अखे नाईं आंधअ , पर आपणे बचना रे साबे जी उठू (जिउंदअ होऊ )। इच्छा , एसा जागहाहेरा , ज़खे दईब (दईबा डाहू द) पढू , 7 होर छेकअ नाहीं करे तेउरे चेले बे बोला कि सह मुएँ दे मेंज़ा का जिउंदअ होऊ , होर तमा का पहिले गलीला बे नाहंदा , तखे तेउरे दर्शन पाउंणे(हूँणे) ! हेरा माँईं तमा बे बोलू ।” 8 तया डरे होर बड़ेे ख़ुशी संघा कब्रा का तेभरी बापस फिरी करे तेउरे दूजे चेले बे समाचार दींणे बे ठुरी । 9 तेबा यीशु तया भेटअ । होर बोलू , “सलाम" ।त्याह हे सेटा इच्छी करे होर तेउरी ज़ांघा ढाकी क्रुसा ह दण्डबत करू । 10 तेबा यीशु तया बे बोलू , “ नाईं डरे ;मेरे भाई बे नाहीं करे बोला कि गलीला बे नाहें , तखे हाँऊं हेरनअं ।”पहिरी री सूचना
11 सह नाहंदी ही लागी , कि पहरी मेज़ा का ऐखे नगरा में इच्छी करे पूरा हाल प्रधान याजका बे शुणाऊं । 12 तेबा त्याह हे पुनरिये संघा कठे होई क्रुसा म्मति(मनी) होर सपाही बे बहू चाँदी देई करे बोलू , 13 “यह बोले कि राची जेबा हामे सुते , तेबा तेऊ रे चेले इच्छी क्रुसा ह चोरी निउं । 14 होर अगर यह गल हकीमा रे कणेटे पुजली , तेबा हामे तेऊ समझाउले होर तमा ज़ोह खिमा(मुशिकिला) का बचाउले ।” 15 त्याह हे ढबे माँगी करे हेरी सिखाई , तेड़ा ही करू ।यह गल आज तणी यहूदी में प्रचलित(च़ली दी) साहा ।
यीशु हेरणअं होर लास्ट आज्ञा
16 ग्यारा चेले गलीला में तेऊ पहाडा में नाठे , ज़ोह यीशु तयाबे खोजू , । 17 त्याह हे तेउरे दर्शन पाई करे तेउबे नमस्ते करू , पर कासु - कासु सन्देह होऊ 18 यीशु तया सेटा इच्छी करे बोलू , “सरगा होर पृथ्वी रा अधिकार मांह बे दिंना दा । 19 एतकि तणी नाहां , सभी जाति रे लोका चेले बणा ; होर तया बापू , होर शोहरू , होर पवित्र आत्मा रे ना का बपतिस्मा देआ , 20 होर त्याह बे सब गला ज़ोह माँईं तमा बे आज्ञा दिंनी दी साहा , मनणा सिखाआ होर हेरा , हाँऊं जगता रे लास्ट तणी तमे संघा रहंणअं ।”