Inyarubha ya kabhiri ya Pawuro
ku‑Timoteewo
Obhutangati
Inyarubha inu, ꞉yaakaamirwe na Pawuro, itumwa ya Yeesu Kirisito. ꞉Aakaamiiye Timoteewo unu aariga ari musakisi waaye wa ayeeyi rwa omwana waaye (1:2-5, 2:1). Pawuro ꞉aakaamire inyarubha inu bhunu aariga ari mw‑ibhoyero Ruumi eyo (1:16-17). ꞉Aabhoyerwe omwanya gwa obhutungi bhwa omukama Neero. Omwanya ogwo abheekirisya bhaariga nibhanyaasibhwa muno inguru ya eriikirisya ryebhwe. Pawuro aariga ˆnaarora ati kaatura okwitwa omwanya gwonegwone mu‑siku ejo (4:6-8). Omwanya ogwo Timoteewo aariga ari mu‑musi gwa Yefeeso (1:18, 4:12-13, 19).
Obhukarariiye bhwa okukaama inyarubha inu, bhwariga bhuri okukomeesya Timoteewo korereki abhe emariiriiye okuraasya Emisango ja Ekisi inguru ya Yeesu, eekomeesye na okwigumiirisya mu‑nyaako joone (1:6-8, 2:3-10, 24, 4:2-5). Pawuro ꞉aaragiriiye Timoteewo ati abhwire abheekirisya bha Yefeeso ati, bhabhe na jitungwa ja ekisi. Bharuubhe kisi ameeyigisyo ganu ꞉bheeyigiiye (2:14). Wone, ꞉aabhwiriiye Timoteewo ati, areme ku‑managa goone ameeyigisyo ga orubheeyi, eeyigisye echimari (1:13, 4:2-5). Pawuro aariga ari na obhukarariiye muno okubhugana na Timoteewo (1:3-4, 4:9, 21).