Tiito i

Inyarubha ya Pawuro

ku‑Tiito

Obhutangati

Inyarubha inu, ꞉yaakaamirwe na Pawuro, itumwa ya Yeesu Kirisito. Omwanya mufuyi achaari okukaama inyarubha inu, Pawuro aariga ˆnaakora emirimu ja Nyamuwanga aamwi na Tiito kw‑isinga rya Kireete. Pawuro ejire aasooka eyo, ˆnaakaamira Tiito inyarubha ya amaragiriro inguru ya okwimereegururu abheekirisya Kireete eyo. ꞉Aayaaye Tiito emirimu ja okwawura abhakaruka bha rikanisa. Ka wone ꞉aamwirembeeresiisye korereki asimbiisye abheekirisya bha Kireete, kwa okubha bhaariga bhari‑wo abheeyigisya bha orubheeyi.

Mbaara nyafu ja inyarubha ya Tiito inu ejisusana pambari na jimbaara ja inyarubha ya okwamba ya Pawuro ku‑Timoteewo. Eyeeresya ati jinyarubha ebhiri jinu ꞉jaakaamirwe ku‑mwanya gumwi. Ukeenda okumenya muno inguru ya omusango murebhe gunu owuja okusanga ku‑nyarubha inu, ringira mu‑nyarubha ja Pawuro ku‑Timoteewo.