Maqtail Fuqyin
Yesu Jidu toq e pyuqcheq
1
Sa'oqboqhael laoq Yalboqlahanl e houldail, Dalweil e Yaqyo, Yesu Jidu toq e pyuqcheq mael'ae: 2 Yalboqlahanl'ae Yiqsaq du'lal biq'ae, Yiqsaq'ae Yaqgel du'lal biq'ae, Yaqgel'ae Yoqdal kaol Yoqdal e algo aeqnilhael du'lal biq'ae, 3 Tamaq lye Yoqdal'ae Faqlelsi kaol Xyella yaol bo hhei biq hhae, Faqlelsi'ae Xisi'lunq du'lal biq'ae, Xisi'lunq'ae Yallanq du'lal biq'ae, 4 Yallanq'ae Yalmiqnaqdaq du'lal biq'ae, Yalmiqnaqdaq'ae Naqshunl du'lal biq'ae, Naqshunl'ae Saqmenq du'lal biq'ae, 5 Laheq lye Saqmenq'ae Boasi yaol bo hhei biq hhae, Luldeq lye Boasi'ae Oqbeildeq yaol bo hhei biq hhae, Oqbeildeq'ae Yexi du'lal biq'ae, 6 Yexi'ae Dalweil Zongmae du'lal biq'ae. Wu'lilyal e haeqmiq lye Dalweil'ae Soqloqmenq yaol bo hhei biq hhae, 7 Soqloqmenq'ae Loqboan du'lal biq'ae, Loqboan'ae Yalbiqyaq du'lal biq'ae, Yalbiqyaq'ae Yalsa du'lal biq'ae, 8 Yalsa'ae Yoqsafaq du'lal biq'ae, Yoqsafaq'ae Yoqlanq du'lal biq'ae, Yoqlanq'ae Wuxiyaq du'lal biq'ae, 9 Wuxiyaq'ae Yoqtan du'lal biq'ae, Yoqtan'ae Yalhasi du'lal biq'ae, Yalhasi'ae Xixija du'lal biq'ae, 10 Xixija'ae Maqnaqxi du'lal biq'ae, Maqnaqxi'ae Yalmenq du'lal biq'ae, Yalmenq'ae Yoqxiyal du'lal biq'ae, 11 Yiqsellyel cholyaeqhael yaol Babiqlunq vae eezaeq gil yil biq fu, Yoqxiyal'ae Yege'niqyaq kaol yoqhhaeq e algo aeqnilhael du'lal biq'ae.12 Babiqlunq vae eezaeq yil biq aeqnaol'ae, Yege'niqyaq'ae Saqlatyeq du'lal biq'ae, Saqlatyeq'ae Soqloqbaboq du'lal biq'ae, 13 Soqloqbaboq'ae Yalbiq'yul du'lal biq'ae, Yalbiq'yul'ae Yiqlilyaljinl du'lal biq'ae, Yiqlilyaljinl'ae Yalsoq du'lal biq'ae, 14 Yalsoq'ae Saqdu du'lal biq'ae, Saqdu'ae Yaljin du'lal biq'ae, Yaljin'ae Yiqlyul du'lal biq'ae, 15 Yiqlyul'ae Yiqlilyalsaq du'lal biq'ae, Yiqlilyalsaq'ae Maqdanl du'lal biq'ae, Maqdanl'ae Yaqgel du'lal biq'ae, 16 Yaqgel'ae Yoqsel du'lal biq'ae, Yoqsel laoq Maqlilyal e haqyo ngeelvae; Jidu Yesu lye gul biq e tyutaeq laoq Maqlilyal lye bo hhei hhae.
17 Xilnye laol, Yalboqlahanl ae'lye mael Dalweil'ae keellye, gilzuqmyel qyel'yuq cheq zoq wae; Dalweil ae'lye mael Babiqlunq vae eezaeq gil yil biq fu keellye eiq qyel'yuq cheq zoq wae; Babiqlunq vae eezaeq gil yil biq fu ae'lye mael Jidu vae keellye, qyel'yuq cheq yol zoq wae.
Yesu Jidu dyeqlal
18 Yesu Jidu dyeqlal e silqinq mael sa'oqboq'ae cu deelhhei hhae: Yoqhhaeq e aeqmae Maqlilyal laoq Yoqsel'ae biqzaq deelhhei wae, yoqhhaeq yaol maeq sheeqzaeq wae siq, Maqlilyal laoq senllinq ae'lye albye pi hhei wae. 19 Yoqhhaeq e haqyo Yoqsel laoq gongyil e cholyaeq'ae, cholyaeqhael e yiqsi ae'lye yoqhhaeq'ae maduq maqza myel maeq zonglpeq biq lyekaol, yotyel maqdumyel yoqhhaeq yaol maq mul biq vae lye nyuq hhae. 20 Yoqhhaeq silqinq xilmael nyuq fu qiqlaq'ae, Hhaoqsongl e mqmae yosongl qiqlaqmyel Yoqsel e matu onglci'ae lye yoqhhaeq'ae bi molli, gee: "Dalweil e houldail Yoqsel, maq gu kael, noq e haeqmiq Maqlilyal yaol sheeqtoq hhei, yoqhhaeq'ae pi hhei e albye laoq senllinq ae'lye lael kaol'ae. 21 Yoqhhaeq yaqyo qiq hhaeq bo hhei maoqlye hhae, nol yoqhhaeq e cholmil mael Yesu lye mil hhei biq maoqhhae, yoqhhaeq laoq aeqyoyoq e cholyaeqhael yaol golsiq onglci ae'lye jiul duhoq yi biq maoqlye kaol'ae." 22 Silqinq xilmael gilzuqmyel peqlal mael laoq, Hhaoqsongl laoq xianzhi ae'lye haelgee e saeziq mael bi peqlal maoqlye hhae:
23 "Haqyoyaeq nyegael maq ssuqza gol e yaeqmiyaeq
albye pi hheikaol yaqyo bogae hhei;
cholyaeqhael yoqhhaeq e cholmil mael
Yiqmaqneillil lye gul biq maoqlye hhae."
Yiqmaqneillil e yilsi laoq "Momil aedeeteel nyegael qiqgael baelzhol'ae" lye hhae.