Owé Owɛnjɔwǔn Jesu tɔn ɖée Maaki kan
1
1 Bíbɛ́mɛ Owɛnjɔwǔn Jesu Klisti, Ovǐ Mawu tɔn tɔn wé: 2 Ɖikín ye kan dǒ owé gbeyílɔtɔ́ Mawu tɔn Ezayi tɔn mɛ fáan:«Yíwe, un nɔ dǒ tɔ owɛndǒtɔ́ hlǎn tɛ nukɔn,
ní do jla tɛ alixo ɖo.
3 Omɛ ɖé nɔ dǒ-axó ló danklóji fáan:
“Mi jla alixo Oklunɔ tɔn ɖo,
mi jlɔ alixoflǐ étɔn e.”»
4 Jaan mawusinlɛnamɛtɔ́ sɔ-awúxlɛ ló danklóji mɔ nɔ lá fáan: «Mi lɛnvɔjɔ mɔ wa lɛ́mawusin, Mawu mɔ́ jo nyladǒ mitɔn e na mi.» 5 Omɛ títɛkpóe ɖée ló agbegbe Juɖe tɔn mɛ kpó otoxo Jeluzalɛmu tɔn mɛ e kpó nɔ nyá é de mɔ nɔ yígbe nyladǒ yetɔn e tɔn ló gbɛtɔ́ títɛkpóe sín nukɔn, é mɔ nɔ lɛ́mawusin ná ye ló otɔ Jɔɔɖani tɔn mɛ.
6 Jaan dǒ avɔn ɖée ye yi ofún osɔ́kpóawenɔ tɔn do bayí, mɔ́ sín gbannú ayú tɔn dǒ alinkan. Nuɖuɖu étɔn wá owɛn kpó owín akú kpó. 7 É nɔ lɔ́ kpódǒ ogbe lélé kpó fáan: «Omɛ ɖé hugán nyɔ, mɔ́ ló godo ná nyɔ wazě, un ma jɛ ná wɛnyado mɔ́ do tun afɔkpakan étɔn e.» 8 Nyɔ, osin yi un do lɛmawusin ná mi, amɔ̌ éyɔ, é ná yi Gbigbɔ Wíwé do lɛmawusin na mi.
Jaan lɛmawusin ná Jesu
(Matye 3.13-17/ Lwiki 3.21-22)
9 Lo ojlɛ̌ énɛ́ mɛ, Jesu tɔnsɔ́n otoxo ɖée ye ylɔ́ jǎn Nazalɛti mɛ ló agbegbe Galile tɔn mɛ, Jaan mɔ lɛmawusin ní i ló otɔ Jɔɔɖani tɔn mɛ. 10 Kín Jesu do nɔ tɔ́nsɔ́n otɔ lɔ́ mɛ wazě, é mɔ olɔ́n e hun, Gbigbɔ Wíwé mɔ wa jɛ̌te dǒ é ji jɔ akpwéxɛ ɖé. 11 Ogbe ɖé tɔnsɔ́n olɔ́nmɛ mɔ nɔ lɔ́ fáan: «Tɔ ovǐ xlunhwǎn omɛ yíwánná tɔ wá ayɔ, ayɔ go tɔ xomɛ hǔn dǒ tlala.»
Satan tɛn Jesu kpɔn
(Matye 4.1-11/ Lwiki 4.1-13)
12 Lo afɔɖékpolɔ́ji, Gbigbɔ Wíwé hɛn Jesu jɛ danklóji. 13 É nɔ xínɛ́tɔ́ ná azǎn kanɖé jǎn Satan mɔ tɛ́n ɛ kpɔn. Gběkannyi e sín gblagblǎmɛ é lé, wɛnzagun Mawu tɔn e mɔ́ wá yí lizɔ̌n ní i.
Jesu ɖe núkplɔ́ntɔ́ étɔn tíntán ɛnɛ e
(Matye 4.12-22/ Lwiki 4.14-15; 5.1-11)
14 Kín ye do wle Jaan dǒ gankpámɛ godo, Jesu nya agbegbe Galile tɔn mɛ mɔ nɔ lá owɛnjɔwǔn Mawu tɔn ná omɛ e fáan: 15 «Ojlɛ̌ lɔ́ ko wa, Axɔ́lúɖu Mawu tɔn ko sɛwa. Mi lɛnvɔjɔ mɔ yi owɛnjɔwǔn Mawu tɔn se.»
16 Sáa ɖée mɛ Jesu nɔ zǐnzɔnlin gbɔ̌n otɔ Galile tɔn tó lé, é mɔ Simɔɔ kpó nɔyí étɔn Andle kpó nɔ dlǎn oɖɔ yetɔn dǒ otɔ lɔ́ mɛ ná hweyíhutɔ́ wá ye wútu. 17 Jesu lɔ ná ye fáan: «Mi xodo o, un ná kplɔn mi, mi mɔ́ nɔ hɛn gbɛtɔ́ e wa na o.» 18 Afɔɖékpolɔ́ji, yě jo oɖɔ yetɔn e do mɔ xodǐ i. 19 Jesu sɛnya nukɔn vǔɖe mɔ mɔ Jaki, ovǐ xlunhwǎn Zebeɖe tɔn kpó nɔyí étɔn Jaan kpó ló tɔjihǔn yetɔn mɛ mɔ nɔ jlǎ oɖɔ yetɔn e ɖó. 20 Tlóló, Jesu ylɔ ye, yě jo otɔ́ yetɔn Zebeɖe do ló tɔjihǔn lɔ́ mɛ kpódǒ azɔ̌nwatɔ́ e kpó mɔ xodǐ i.
Jesu nya gbigbɔ mawé sɔ́n dǎwe ɖé mɛ
21 Jesu kpó núkplɔ́ntɔ́ étɔn e kpó byɔ Kapɛɛnawumi toxomɛ. Lo gbɔjɛ̌zǎn Juu e tɔn gbe, é nya kpíkplítɛn yetɔn mɔ cɛ núkplɔ́n omɛ e. 22 Núkplɔ́nmɛ étɔn nɔ kpácá omɛ ɖée nɔ ɖótú i e ná é kplɔ́nnúmɛ kpódǒ acɛ kpó. É ma ɖi sɛ́nkplɔ́nmɛtɔ́ e wunkɔ.
23 Lo ojlɛ̌ énɛ́ mɛ, dǎwe gbigbɔ mawénɔ ɖé ló kpíkplítɛn lɔ́, é cɛ axódǒ fáan: 24 «Amú byɛ́ kpódǒ ayɔ kpó kpe dǒ, Jesu Nazalɛti tɔn? O wa nádo va mí sudo nɛ? Un nyɔ́ omɛ alɔkpa ɖée ayɔ nyi ganji: omɛ Wíwé ɖée Mawu do hlan lɔ́.» 25 Jesu ɖegbe dǒ gbigbɔ mawé lɔ́ kpó adǎn kpó fáan: «Nɔ-abwɛ́ mɔ tɔnsɔn dǎwe éxe mɛ.» 26 Gbigbɔ mawé lɔ́ gɔ hunhún dǎwe lɔ́ gǎngán mɔ tɔnsɔ́n é mɛ kpódǒ axó ɖaxó ɖe kpó. 27 É kpacá ye omɛ kpó káká ye mɔ nɔ kánsé yenɔzo fáan: «Amú wá éxe? Núkplɔ́nmɛ yɔ́yɔ́ ɖe kpódǒ acɛ kpó! É ɖégbe dǒ gbigbɔ mawé e tete, ye mɔ́ sétónú ní i!»
28 Tlóló, linlin nyíkɔ Jesu tɔn gbakpe gbɔn xíkpókpó ló agbegbe Galile tɔn kpéte mɛ.
Jesu gbɔ-awutu ná azɔntɔ́ susu
(Matye 8.14-17/ Lwiki 4.38-41)
29 Kín Jesu do tɔnsɔ́n kpíkplítɛn yetɔn, éyɔ kpódǒ Jaki kpó, kpó Jaan kpó, zɔnkpɔ́ nya Simɔɔ kpó Andle kpó sín osínmɛ. 30 Sáa énɛ́ mɛ, Simɔɔ sín osinɔ ga nɔ jɛ̌ avivɔhǎ, é mɔ́ ló awánfínfín. Haɖékpolɔ́, yě lɔxó étɔn ná Jesu. 31 Jesu sɛjɛ é de mɔ hɛn alɔ étɔn go mɔ zǐ i tite. Osinɔ lɔ́ jɛ gǎngán mɔ cɛ jonɔ yetɔn yí.
32 Lo hwedǒ, kín ohwe do nyaxɔ, yě kplan awutunɔ títɛkpóe kpó omɛ ɖée gbigbɔ mawé nɔ dǒtuklá e kpó wa Jesu de. 33 Otoxolɔ́mɛnu títɛkpóe wa kplí dǒ hɔngbǒ osín ɖée mɛ Jesu lé tɔn ji. 34 Jesu hɛn awutu alɔkpa-alɔkpa e gbɔ ná awutunɔ susu mɔ nya gbigbɔ mawé e sɔ́n omɛ susu mɛ. Amɔ̌, é ma na dotɛn gbigbɔ mawé e ní lɔxó, ɖó yelɛ nyɔ́ omɛ alɔkpa ɖée wá éyɔ wútu.
Jesu nya la owɛnjɔwǔn ló Galile
35 Lo owunkɛngbe, Jesu fɔnzǎn mɔ nya danklóji mɔ cɛ oɖɛxo. 36 Simɔɔ kpó hǎgbɛ́ étɔn e kpó wa cɛ́ i dǐn kpe. 37 Kín ye do mɔ́ ɛ, yě lɔ ní i fáan: «Omɛ títɛkpóe yi é nɔ dǐn i kpé.» 38 É gblɔn ná ye fáan: «Mi wa mí ní nya xiɖevo, lo gletoxo ɖée lɛdǒ xítɔ e mɛ, nádo nya la owɛnjɔwǔn lo xínɛ́ e kpógba ná énɛ́wútu un do tɔn.» 39 É gbɔn agbegbe Galile tɔn kpéte mɛ mɔ la owɛnjɔwǔn ló kpíkplítɛn Juu e tɔn, mɔ gɔ nya gbigbɔ mawé e sɔ́n gbɛtɔ́ e mɛ.
Jesu gbɔ-awutu ná dǎwe kpozɔnjɛtɔ́ ɖe
(Matye 8.1-4/ Lwiki 5.12-16)
40 Dǎwe kpozɔnjɛtɔ́ ɖe wa Jesu de mɔ jɛkoli dǒ nukɔn étɔn mɔ nɔ vɛ̌ ɛ fáan: «Ényí é jlo e, o hɛ̌n o mɔ na o kpɔ́ngbɔ mɔ́ do lɛ o we!» 41 Onú étɔn walɛ́blánú ná Jesu, é mɔ dlɛn alɔ, mɔ ɖoalɔ é go mɔ lɔ fáan: «Un jlo, mɔ lɛwé yi!» 42 Afɔɖékpolɔ́ji, awutu étɔn gbɔ, é mɔ mɔ lɛwé yi. 43 Haɖékpolɔ́, Jesu lɛkɔ ná dǎwe lɔ́ jǎn mɔ dosɛ́n ní i vǐvɛ́vǐvɛ́ fáan: 44 «Gɔ xaji mɔ lɔxó ɖe na omɛ ɖé le, amɔ̌ nya do ayɔ ɖe xlɛ avɔ̌sántɔ́ Mawu tɔn mɔ na núníná tɛ lɛwé tɔn ɖée Osɛ́n Mɔyizi tɔn ɖegbená, ye ní do nyɔ fáan tɛ awutu gbɔ núgbǒ.» 45 Amɔ̌ dǎwe énɛ́, kín é do sɔn godo, é cɛ onú ɖée Jesu wa ní i lɔ́ lá kpe, énɛ́ mɔ zɔn gbɛ̌ Jesu ma gɔ singǎn zɔn zǎntántán do byɔ otoxo ɖé mɛ ba. É gbɔ̌ mɔ́ nyá danklóji cógancó omɛ e mɔ́ tɔ́nsɔ́n xíkpókpó mɔ́ wa é de.