Mateo
Pexanialiwaisi, Jesucristo peliwaisi, apóstolnë Mateo peyaquinaeliwaisi
Jesucristo pijasalinaiwimi, yabara peliwaisi
1
Mapaliwaisije Jesucristo pijasalinaiwimi peliwaisi. Jesucristo rabaja nacua-ewetsinëmi David-pijinë pemomoxiyajuwënënë, ponë Israel nacua pewetsinëmi. Abraham-pijinë-ata pemomoxiyajuwënënë, ponëjawawerena pitsapa daxita judíowi.
2 Copiaya Abraham-pijinëmi xaina pexënato, pewënë Isaac. Isaac-pijinë pexënato xaina, pewënë Jacob. Jacob-pijinë pexi xaina ayaibitsaëto. Pexiyajuwënënë pewënë Judá. Bajaraponëmi xaina pematapijinëbeje, pejuyapijiwi-ata.
3 Judápijinë xaina pexënatobeje; Fares, Zarabeje. Bajaraponëmibeje penapijiwa pewënë Tamar. Fares-pijinë pexënato xaina, pewënë Esrom. Esrom-pijinë pexënato xaina, pewënë Aram.
4 4 Aram-pijinë xaina pexënato pewënë Aminadab. Aminadab-pijinë xaina pexënato pewënë Naasón. Naasón-pijinë xaina pexënato pewënë Salmón.
5 Salmón-pijinë xaina pexënato pewënë Booz. Booz-pijinë xaina pexënato pewënë Obed. Obed-pijinë xaina pexënato pewënë Isaí.
6 Isaípijinë xaina pexënato pewënë David. Nexata bajarapajiwibeje juya xainabeje pexënato, pewënë Salomón.
7 Salomón-pijinë xaina pexënato pewënë Roboam. Roboam-pijinë xaina pexënato pewënë Abías. Abías-pijinë xaina pexënato pewënë Asa.
8 Asapijinë xaina pexënato pewënë Josafat. Josafat-pijinë xaina pexënato pewënë Joram. Joram-pijinë xaina pexënato pewënë Uzías.
9 Uzías-pijinë xaina pexënato pewënë Jotam. Jotam-pijinë xaina pexënato pewënë Acaz. Acaz-pijinë xaina pexënato pewënë Ezequías.
10 Ezequías-pijinë xaina pexënato pewënë Manasés. Manasés-pijinë xaina pexënato pewënë Amón. Amón-pijinë xaina pexënato pewënë Josías.
11 Ezequías-pijinë xaina pexënato pewënë Manasés. Manasés-pijinë xaina pexënato pewënë Amón. Amón-pijinë xaina pexënato pewënë Josías. Pexiyajuwënënë pewënë Jeconías. Jeconías xaina pematapijinë, itsamonae pejuyapijiwi-ata. Pamatacabi Israel nacuapijiwi cobecëbiaya caponatsi Babilonia nacuayabelia, bajarapamatacabi naexana Jeconías-pijinë.
12 Bajaraxuacujinae Jeconías-pijinë xaina pexënato pewënë Salatiel. Salatiel-pijinë xaina pexënato pewënë Zorobabel.
13 Zorobabel-pijinë pexënato xaina, pewënë Abiud. Abiud-pijinë pexënato xaina, pewënë Eliaquim. Eliaquim-pijinë pexënato xaina, pewënë Azor.
14 Azor-pijinë xaina pexënato pewënë Sadoc. Sadoc-pijinë xaina pexënato pewënë Aquim. Aquim-pijinë juya xaina pexënato pewënë Eliud.
15 Eliud-pijinë xaina pexënato pewënë Eleazar. Eleazar-pijinë xaina pexënato pewënë Matán. Matán-pijinë xaina pexënato pewënë Jacob.
16 Jacob-pijinë juya xaina, pexënato pewënë José. Bajaraponëmi María pamona. Bajarapowami Jesús pena, ponë yabara: «Mesías»,a jaitsi.
17 Nexata, Abraham-pijinëmita petaxuxuabicujinae judíowi penaexanaponaejawa, trecenëta naexana David-pijinë. Bajaraxuacujinae, icatsia David-pijinëmita petaxuxuabicujinae judíowi penaexanaponaejawa, trecenëta icatsia naexana Jeconías-pijinë. Pamatacabi Israel nacuapijiwi cobecëbiaya caponatsi Babilonia nacuayabelia, naexana Jeconías-pijinë. Bajaraxuacujinae, icatsia Jeconías-pijinëmita petaxuxuabicujinae judíowi penaexanaponaejawa, trecenë pijawajawata naexana jane baja Mesías.
Jesús penaexanaejawa, yabara peliwaisi
(Lc 2:1-7)
18 Mapacuenia Jesucristo naexana mapanacuataje. Bajarapamatacabi, José, Maríabeje, najumejejaibejeb pepacuene penapitsinexabeje. Itsiata, abaxë penapitsiwajënaeyabeje, María nayapëtane penacoxitsijawa, Espíritu Santo pejamatabëcueneta.c
19 María pamonanexa, José, bitso penajamatabëcuenerewiabinë. Bajaraxuata, apojitsipae daxitajiwi pitabarata pewajunupaebijawa María penacoxitsijawa. Nexata picani, José bëpënëa jitsipa muetsia pecopatsijawa.
20 Pamatacabi abaxë bajarapacuenia najamatabëxainaponapona, majitsinaebota tsitanaitajëtatsi Dioso pitorobinëtsica, ángelnë. Nexata, jumaitsi Joséjawabelia:
—José, xamë raja nacua-ewetsinëmi David-pijinë pemomomë. ¡Pëtsa junawame nepitsijawa María penacoxitsijamatabëcuene, tsipaji raja panacueto yacotaponapona, Espíritu Santo saya pejamatabëcueneta nacoxita.
21 Bajarapowa panacuetonëyo exanaena. Xamë wënërubianame Jesús, tsipaji raja bajaraponëyo capanepaena daxita pijajiwi, pibisiacuene pexanaeneconimiwecua —jaitsi ángelnë majitsinaebota.
22 Daxita bajarapacuenia María tocopiapatatsi jane baja, profeta Isaías-pijinë, tajëwelia pewajunupaebicuenia. Bajaraxua yabara jumaitsi mapacueniaje:
23 «Petiriwa, caeto-ata pebijawabelia apopenaperabëquenetsiataeya-exanaewa, nacoxitsiana. Exanaena penacuetonëyo. Wënërubiana bajaraponëyo, Emanuel. (Emanuel pejaiwënë: «Dioso nacayajawa», pejaijume),»d jai bajayata tajëwelia profeta Isaías-pijinë.