KAYTAKU KÛTIYAARAKU KA
PEDRU
AŊIICUM
Hûcukumahu hata kayta'uke
Simoŋ Pedru agam amakaaw ata Jesus oo aŋiicum kayta'uke kûtiyaaraku nownu na Neeru ya âlaamemmi bûynenaabu. Di kapitulu 5:13 nalob mata Babilooniya, moo ûde deeli ga Rooma (Apo 17:5, 18). Moo, kayta'uke kulooloom meeŋ mata hûlaamahu. Moo, kûyise kaan palimo anaw agawe non Neeru, be bûynenaabu keeliye kujam di yahaanay yata êsukay (1 Ped 2:11-17). Kapitulu 5 di êbaa'do balhikitenerabu bajakum noon be bata yahaanay yata grîsiya, di poop ulaal peh. Mata Emitay ya êyis kañaŋkiitaku kata yo be bata bukanaku kâgaworuworiitum.
Mata yoo ewulem poop an sembe na mbi alako di hûlaamahu.