KAYTAKU KUGABUTAKU KA
PEDRU
AŊIICUM
Hûcukumahu hata kayta'uke
Kayta'uke na kuŋiicim na ujaañaw ûrimmi kîyaku kuhaaji di hutok di ugaba 67, nownu Neeru oo ma âlaamenem di êgrisiyaay. Ata Emit oo bâyiseree'ban Pedru di kaan oo Pedru nâhuute ban kaket (2 Ped 1:14). Mo ma Pedru âkinummi ma awalh kurimaku ka mbi keeli keenen bûynenaabu ma kujuum tir di hûlaamahu ma mbi keeli kubaj kapakaku.
Nownu balhikitenerabu bagawutum balhegenumaayabu boo ma bûnebejewuum di êgrisiyaay. Bukan kaaku koo ma kûlandeelum ban mata bûlaañulabu bata Jesus. Momakiimom ma Pedru âŋiicummi kayta'uke ma añaaŋeniil mata wahaw uwe, ma awolheniil di kaan hukahu hata Ata Emit, mbi huga wûb non âkuuta. Nâyis poop kaan etaamay mbi êbuyo. Moo, jake ma ureesaal jak babajut hutamb hata masema, babajut poop kûbajimiñ, ma onkenaal be kayooŋ di kañankiitaku, di kanamulenaku kata Apakenaaw atoolaal aamom Jesus Kristu.