ELOBAY YÂSUUMAAY YATA JESUS KRISTU YA
MARKUS
AŊIICUM
Hûcukumahu hata êliibra'uye
Êliibra'uye yoo Elobay Yâsuumaay yata Jesus Kristu, aamom añool Emitay. Êliibra'uye yoo yâyisum kaan Jesus oo agorooraaw ata Emitay asohem lit bugoroorabu, ban poop naga anaw ata sembaasu di wah peh. Mata Jesus moo naloom ma âanul oo Añool Ajamaat, akayloot bi ejamaatay kugoroor be batawool, be âkayil bi agoroor be batayiil ma awul eroŋay yatawool be batayiil, ma aali apaken bukanaku kameeŋe (Mar 10:45).
Moo, deeli ga Markus Rooma bo ba aŋiicumulom êliibra'uye na kulakobom di Pedru najam d'oo mata Jesus. Moo, êliibra'uye di bâtiismu yata Jesus di hulhuwahu hata Jordoŋ êcukummi (Mar 1:9-11), di êbanum na alhaalowulom di kuketaaku (Mar 16:1-8).