ELOBAY YÂSUUMAAY YATA JESUS KRISTU YA
LUKAS
AŊIICUM
Hûcukumahu hata êliibra'uye
Lukas oo ntuwa jûdew (Kol 4:10-11, 14), oo abuunenaaw ka ya kareboorum di Pawlu. Be ya aŋiic jak greegu. Moo, mbi ga nalooloom di iñaaw Jesus, di poop bukan kaaku kañaaŋenoom maama Jesus abajim, di wahaw wa agam, di mata eketay ya akeem, di poop maama alhaalowulom di kuketaaku. Ña naga wahaw uwu jororor; naŋiic kaytaku kata Bagawerabu, di poop uke kata Lukas ma uga ugaba wa aŋiicum be bata âynaaw agam anaw âamak aaneyim Tiyoophilu.
Lukas nañaaŋen mata Jesus di kaan oo ajamaataw, abajim di êbajoorumay yata Adoŋ non ma ulaal peh ubajaalim. Nañaaŋen poop kaan Jesus agam apakenaaw ata ejamaatay peh, ban nalobolaa poop mata uñaaŋaw ubakiir wayeeŋim: kata Mariya, di kata Jakariyas, di kata kumalaakaku, di poop kata Simiyoŋ. Naloo'poop wah wameeŋe waleem di uytaw waawu wata Elobay Yâsuumaay. Non tiŋatu taloom mata Jesus oo di Eluupay yata Emitay, di mata âynaaw ata êsukay yata Samariya ata bûyegetabu bajakaabu, di mata aŋilaw anepum, di poop wah waawu.