ELOBAY YÂSUUMAAY YATA JESUS KRISTU YA
MATEWS
AŊIICUM
Hûcukumahu hata êliibra'uye
Matews oo ata di kurebooraaku kata Jesus kaamom kunŋen di egaba, oo aŋiicum kayta'uke ma añaaŋen mata Elobay Yâsuumaay di kaan, Jesus oo agam Mesiyas, aamom Kristu a jûdewwi ya kukoom kata kaŋ niŋana. Ma âyis kaan Jesus oo Âyyaw ata jûdewwi, aamom añool David, agam poop añool Abrawoŋ. Naga alhikitenaaw ata bukanaku abajutum an a kurewe, aamom agam wahaw walobim di kaytaku kata Yaŋaayay Yahaanay di kaan mbi uga.
Moo, êliibra'uye wahaw wameeŋe wândom wowu ma unaamoorum di waawu wammi di yata Markus, moo deeli ga, aahu apisemmi kaytaku kata apaalool naŋiic wah waawu wa âjuudom.