ÊLIIBRAY ÊTIYAARAY YATA MOYSES YAANEYIM
HÛCUKUMAHU
Hûcukumahu hata êliibra'uye
Êliibra'uye dô da ooliyaam upisenaal mata hûcukumahu hata wahaw peh. Mata yoo êyisolaam hûcukumahu hata etaamay, di hata ânniinaaw koo di anñaakanaw, di hata kûbajumiñaku, di hûlaamahu, di eketay, di poop hata bâsukabu. Be êliibra'uye ehaŋ malob mata êbajoorumay yata Abrawoŋ, di Isaki, di Jako, di poop yata bukanaku ka Emitay ejotum kaamom êbrewwi, kagam poopii di kûwooli Israyel, di poop jûdewwi.
Êliibra'uye dâada di yo, ebaje mûliibramu mapiyaamu meemo kunŋen di janor. Be jûdewwi, di poop kukristoŋaku kûynene di kaan Moyses di sembaasu sata Emitay naŋaam mûliibra'umu ma abomumo ma aga êliibray yanor.