Lampa rawi-lampa rawi ma kandad̄ina dou karawi dosa ro mab̄oha imbi
17:1-6
17
Nggahi Isa d̄i anamori^doho-Na, <<Lampa rawi-lampa rawi ma kandad̄ina dou karawi dosa tantu ^dimawara. Pala ihara dou ma rakanda^dina! 2 Nancewi tahopu dou ede d̄iki tero kai wadu nggirukai d̄i wo'ona. Sawa'u b̄a ede, lo'o tau d̄i ade moti nggara sia nakanda^disi sab̄ua dou ade weki dou-dou ma mapu ro rome ake karawina dosa. 3 B̄ara ndedena, aina kabare!Nggara cinamu nakarawisi dosa, rojopu sia. Nggara nasincisi adena, kangampupu sia. 4 Nggara sia nakarawisi mancara d̄i nggomi pidu kali sanai ro saniki maina d̄i nggomi ro nggahina, <Nahu maraho kangampu, kangampupu sia.>>>
Celakalah Mereka yang Menyebabkan Orang Lain Berbuat Dosa
5 Nggahi rasul-rasul d̄i Isa, <<Ruma, katenggo walipu imbi mada^doho.>> 6 Cambe b̄a Ruma, <<Nggara nggomid̄oho mantausi imbi b̄une na'e isi sesawi, nggomid̄oho maloaku nggahi d̄i fu'u ara ake,<Tambonggepu nggomi ro conggepu wekimu d̄i moti,> tantu fu'u haju ake d̄imab̄atu au ra parentakai b̄a nggomid̄oho.>>
^Dipab̄ua karawi b̄a sab̄ua ada dou
17:7-10
7 Sawa'u b̄a ede, Isa ngoa ro tei walina. Nggahi Sia,<<D̄i ade weki nggomid̄oho tantu wara mantau ada ma taki rawi dana atao ma taki jaga ro sandaka binata. Wakatu dula adamu ede d̄i ade karawi weakaina nggomid̄oho tantu wati ^dimanggahi d̄i sia, <<Mai ngaha rocira!>> 8 Tantu wati! Pala nggomid̄oho manggahiku d̄i adamu ede, <Ka'ambi weapu ngaha ro nono nahu. Kanipu kani ro lombo ma raso ro doho tonggupu nahu ma wunga ngaha ro nono; sawa'u b̄a ede, nggomi ampo maloa ngaha.> 9 Ada ede wati pori d̄iroi b̄ara wa'ura b̄atuna parenta rumana. 10 Ndede rauku nggomid̄oho.Nggara nggomid̄oho mawa'usi karawi sara'a au ra kaukai d̄i nggomid̄oho, nggahipu, <Madad̄oho ake ada mpa; madad̄oho makarawi mpa d̄i pab̄ua karawi b̄a mada^doho.> >>
Isa Al Masih katahona sampuru dou ma supu ncola
17:11-19
11 D̄i ade lampa ro laona aka Yerusalem, lampana ta ncai makahampa dana ro rasa Samaria lab̄o Galilea. 12 Wakatu lu'una d̄i sab̄ua kampo, Sia mai raka b̄a 10 dou ma supu ncola.v Siad̄oho ki^di sando'ona 13 ro kanggicana, <<Guru! Takasi to'ipu adeta d̄i mada^doho!>>
14 Wakatu Isa edana siad̄oho, nggahi Sia, <<Lao teipu sarumbumu aka imam-imam loakud̄u b̄adena ka'ada'an sarumbumu.>>
Wunga ade lampa ro laokai siad̄oho, mbora lalo mpa supu sia^doho.w 15 Wakatu sab̄ua dou ade weki siad̄oho kawarana weki b̄a one sia nawa'ura taho, sia dula mbalina ro kai neo poda adena, sia roi ro wadina Allah Ta'ala. 16 Edempara d̄i tando Isa, sia sujuna ro rentana tarima kasi d̄i Sia. Dou ede dou Samaria. 17 Edempara Isa nggahina d̄i sia, <<Sab̄ua laina wara 10 dou ra kataho wea supuna? Ta b̄eku 9 dou wali? 18 ^Ba^bauku dou lai rasa ake mpoa mpa ma dula mbali marenta syuku d̄i Allah Ta'ala?>> 19 Edempara nggahi Isa d̄i dou ede, <<Tu'ura ro laora. B̄ara nggomi imbimu d̄i Nahu, ndad̄i nggomi taho.>>
Wakatu maikai Karaja'an Allah
17:20-37
20 Pila-pila dou Farisi sod̄ina d̄i Isa, b̄une aiku Karaja'an Allah maina? Cambe b̄a Isa, <<Karaja'an Allah maina wati kai tanda-tanda ^diloa eda b̄a dou, 21 ndad̄ina dou naloaku nggahi, <Mai tio, akeku sia!> Atao, <Ta akaku sia!> B̄a one Karaja'an Allah wa'ura wara d̄i woha nggomi^doho.>>x
22 Sawa'u b̄a ede nggahi Isa d̄i anamori^doho-Na, <<D̄imaraka wakatuna nggomid̄oho mane'e eda wakatu maikai Nahu, Ana Manusia, pala nggomid̄oho wati loamu eda. 23 Peade dou ^dimanggahi d̄i nggomid̄oho, <Tiopu, Sia wara ta ede!> Atao, <Tiopu, Sia wara ta ake!> Pala nggomid̄oho aina losa ngupamu Sia. 24 ^Bune kakila ai mamai ra d̄i langi, ro mataroa ra d̄i sumpu sampe d̄i sumpuna, ndede rauku peade ka'ada'an maina Ana Manusia. 25 Pala wakatu saramba-rambana Sia pab̄uaku mboto iuna susa ro ncoki ro wati tarima b̄a dou-dou jaman ake. 26 Sama b̄une jaman wakatu la Nuh sawatipu lu'una d̄i ade lopi, ndede rauku ka'ada'an wakatu ainaina maikai Ana Manusia. 27 Dou nangaha ro nono, ro nanika ro neku b̄une ra nginakai sampe wakatu la Nuh lu'una d̄i ade lopi. Sawa'u b̄a ede nda^dira mbere lino ro siad̄oho made sara'ana. 28 ^Bune wakatu jaman la Lot rau. Dou nangaha ro nono, nalanda ro lajo, nanggud̄a ro congge ro natu'u uma. 29 Pala wakatu la Lot losana d̄i Sodom, d̄i ainaina ede Allah Ta'ala kalondona afi ro pure b̄une ura na'e. Afi ro pure ede kaleli sara'ana siad̄oho. 30 Ndedeku ka'ada'an peasi ainaina Ana Manusia katadana weki-Na.
31 D̄i ainaina ede dou ma wunga wara ese b̄utu umana aina londo d̄i wehakaina barang-barangna ma wara d̄i ade umana. Ndede rauku dou ma wunga wara d̄i omana aina dula mbali d̄i umana. 32 Kawarapu au ma wa'ura ndad̄i d̄i wei la Lot! 33 Dou ma ne'e kasalama morina, ^dimambora morina. Pala dou mambora morina d̄imaraka salama. 34 Imbipu: Wakatu aimangad̄i ede, d̄ua dou ma wunga maru d̄i hid̄i marukaina, sab̄ua dou ^diwa'a ro sab̄ua dou ^diwi'i. 35 ^Dua dou siwe ma wunga nggiruna gandum, sab̄ua dou ^diwa'a ro sab̄ua dou ^diwi'i. 36 ^Dua dou ma wunga karawi d̄i oma, sab̄ua dou ^diwa'a, ro sab̄ua dou wali ^diwi'i.>>
37 So^di b̄a anamori Isa, <<Ta b̄eku ndad̄ikaina ede, Ruma?>>
Cambe b̄a Isa, <<Ta b̄e rawarakai timba, ta ede rauku warakai nasi ma taki ngaha timba.>>