22
Nonra xaa nzhib xtizh ke re nzhak xaa rik;nii wen xaa xaa nak wenra lo or nu lo plat.
2 Xaa rik nu xaa prob lal nak,
ropse xaa Dios mdexkwaa xaa
3 Xaa list ngwii lo kwaan nawent nu nkanap xaa xaa;
per lee xaa nachan nya loya nu nkayaa re kwaan nzenoya.
4 Lee Xaa Tubka Nak nzaa kwaan non, yalchul nu yalnaban
lo xaa nadoo nak, xaa nzheb ne xaa.
5 Yich nu tramp nzho leen naz cheen xaa nawent,
per lee xaa nkanap yalnaban cheen mbachi lo loya.
6 Bseed madwin naz kwaan nali nak,
lee gorna yex mad nalaat mada.
7 Re xaa prob nak xmos re xaa rik;
xaa kwaan ngiin demi nak xmos re xaa ntache demi.
8 Xaa kwaan ngaan kwaan nakap, kwaan nakap ntoop xaa;
Xaa Tubka Nak luux xaa kwaan yalnayii cheen xaa.
9 Xaa kwaan nlesla, Xaa Tubka Nak nii wen xaa
nel nzaa xaa kwaan nzhaw re xaa prob.
10 Bloo xaa nxizhno, zee nya re kwaan nakap
nu kwaz re dil nu re wdizh nawent.
11 Xaa kwaan nyakla kwaan nali nu nzhedizh wen,
gak xaa zee xaa nyen rey.
12 Xaa Tubka Nak tubka nkanap xaa nkano yalnzhak,
per lee xaa nle zee nanzhakt xgab cheen re xaa nanalit.
13 Mbezh re xaa nchaab: "¡Naz jwer baa nzo tub mbezh,
kayaw ma na leen naz!"
14 Lee wdizh cheen re ngwnaa, me nto cho, nak yeer kwaan nech,
xaa kwaan nayii Dios ne nya lo me nu nla leena.
15 Yalned nak tub kwaan nzho lextoo mad,
per bar nak kwaan nseli xaa.
16 Le nales xaa xaa prob zee gak rik xaa,
nu nselazh xaa kwaan lo xaa rik,
sbaa tira nanagant gak prob xaa.
Galbchii wdizh cheen re xaa nzhak
Re konsej
17 Kenzha xtizh na, mbin re xtizh na;
ble re kwaan nii yalnzhak.
18 Nel naka tub kwaan chul doo kozhaw luya leen lextoo lu,
nu tubka listla nii luya.
19 Nal le na zee ne luya,
zee tubka wii lu lo Xaa Tubka Nak.
20 Mkela na galbchii wdizh kwaan nkano konsej nu yalnzhak.
21 Leeya nak zee seed lu kwaan wli nu kwaan wen,
zee ne lu xmod wen keb lu lo xaa nabdizh lo lu.
1
22 Nalewannt lu xaa prob nel prob xaa,
nixa nalenalest lu xaa nkin kwaan, paro mbi re xaa non naab kwent,
23 nel Xaa Tubka Nak naab kwent cheen xaa,
nu teed xaa bid re xaa kwaan kiib kwaan lo xaa prob.
2
24 Nazhaalt lu kwaan re xaa gaya,
nu nixa nayaket lu tich re xaa nayii nak,
25 napa kaseed lu re kwaan nawent cheen xaa
zee leeka lu le la lu lo tramp kwaan nawent.
3
26 Nazaat lu diizh kix lu cheen stub xaa nu nixa nazaat lu dinn cheen stub xaa;
27 nel chelee lu nankanot lu kwaan kix luya,
nzho mod kiib xaa axta xloon lu.
4
28 Nakunt lu re mojon kwaan nzobla axta yilo paro nzhaal lu,
nel re xey lu xaa yilo mzoba.
5
29 ¿Che ne lu lo tub xaa wen nke xchinn?
Lo re rey zo xaa zee,
nu nazot xaa lo re xaa sbaasa.