19
24
Nagakt lu mbidyos re xaa nakap,nixa nazot lu kwaan re xaa;
2 nel nebse nle xaa xgab le xaa re kwaan nawent,
nu nebse re kwaan naxinn nzhedizh xaa.
20
3 Kwaan yalnzhak nza xaa yoo;
nu kwaan xgab mbek xaa xan yoo.
4 Kwaan yalnzhak nyazhe re kwaan non nu re kwaan chul leen li xaa.
21
5 Xwara xaa nkano yalnzhak ke xaa nkano yalngezh,
nu lee xaa nzho yek xwara ke xaa ngezh doo,
6 nel chelee xaa nzhekla xaa dil xaa nkin kwaan xaa mod zee le xaa gan lo dil;
xaa kwaan nzhekla le gan nkin xaa zyen doo xaa nzaa konsej.
22
7 Re xaa ned nanzhint xaa nkano xaa yalnzhak,
nanxalt xaa roo xaa nii xaa gorna nkasa re xaa yezh.
23
8 Xaa kwaan nle xgab le kwaan nawent
nawent nak xaa ba mbezh re xaa.
9 Xgab cheen xaa ned nak jwalt,
rese xaa nanzheklat xaa nxizhno kwaan.
24
10 Chelee lu win la lu mbizh kwaan nales nzho lu,
nankanot lu gro yalngezh.
25
11 Bloo re xaa kwaan nzha naz lo yalgut;
ble yud re xaa merla gut xaa.
12 Nel nixa yé lu: "Nanet naya",
xaa ne cho kwaan nzho leen lextoo lu, labeyy rese kwaan,
xaa kwaan nkanap lu ne rese kwaan.
Xaa Tubka Nal kix lo rese myet lo re kwaan nle xaa.
26
13 Xgaan, wen gaw lu mzhin kwaan chul ndaww;
nax gak lag mzhin roo lu.
14 Sbaa gak nax yalnzhak lo lu;
chelee lu yizhal luya, wen nzha lu gwluzh,
nu zee kambaz lu tub kwaan naluxt.
27
15 Xaa nakap, nasaawt lu garli xaa nali nak,
nixa naralt lu leen li xaa.
16 Nixa tub gazh welt nla xaa nali lo yo, per mbare xaa nyixche xaa stuba,
per lee xaa nakap nla lo kwaan nawent.
28
17 Nagakt nix lextoo lu gorna lee tub xaa nayii ne lu la ral nii.
nu nixa nagakt nix lextoo lu chelee xaa la xaa lo yo.
18 Nel Xaa Tubka Nak nanzheklat wii lo xaa sbaa nle,
nu zee kiib xaa bid tich xaa nayii ne lu.
29
19 Nayiit lu ne lu re xaa nawent,
nixa nagakt lu mbidyos lo re xaa nakap,
20 nel re xaa nakap lux;
lee xni cheen re xaa nakap yuuy.
30
21 Xgaan, bzheb ne Xaa Tubka Nak nu ble non rey,
nu nazhaalt lu kwaan re myet xaa nanzhont diizh,
22 nel lee yalzi cheen Dios nu cheen rey tas zhin.
nu lee bid kwaan ntezi rop xaa, ¿cho nzho mod xeka?
Stub naz re wdizh cheen xaa nzhak
23 Noka kwaane nak yalnzhak cheen re xaa nzhak:
Nawent naab xaa kwent tub mod nanalit.
24 Xaa kwaan nii lo xaa nakap: "Lu nak tub xaa nali",
re xaa yezh xobde xaa nu ne nawent re xaa yezh xaa.
25 Per lee xaa naab kwent lo xaa mleya,
wen gaka lo xaa nu chul wii re xaa lo xaa.
26 Gorna nkeb xaa tub mod nali,
nak mod nzhaw xaa tub bit.
27 Yilo list bkano xleyo lu,
nu gulo ble xchinn lu naz wen;
zeera za lu li lu.
28 Nakwezht lu wechxinn lu yilaw cheleeya nyent nik tub kwaan namlet xaa,
nixa nakadet lu gorna zaa lu kwent cho kwaan mle xaa.
29 Nayét lu: "Le na leeka kwaan mle xaa lo na;
kix na leeka kwaan mle xaa lo na".
30 Mdeed na naz xkizhyo xaa nchaab,
mdeed pa nzhaan xaa nyent yek yag ub.
31 Nu mwii na rese lad nzhaxen yag yich;
lee yixwen ngulo mzhaal yizhyo,
nu ngulo mlux pa nzob ke roo bzee.
32 Mwii na nu mlo naya lextoo na,
mwii na nu mseed na tub kwaan:
33 Cheep gaa lu mkaal nu cheep gaa lu sbaasa
nu cheep zo lu sbaasa mdeezh yaa lu;
34 sbaa/napa zhin yalprob lo lu mod tub wann,
modxa nzhin tub xaa kwaan nke yib xuk.