Stub naz yalnzhak cheen Salomón (25.1-29.27
Yalnzhak cheen Salomón
25
Kwaane nak yalnzhak cheen Salomón,kwaan mlekop re xaa ngunabeyy Ezequías,
rey cheen Judá:
2 Kwaan chul cheen Dios, nak kaxlaan xaa kwaan,
nu lee yalchul cheen rey nak nkwaan xaa mod naka zee nlaya yek xaa.
3 Lee yiba nzho naz ya, lee yizhyo nzho nee,
per xgab cheen rey, nyent cho ne pa nzo.
4 Nkiib xaa kwaan beed cho plat,
zee nzho mod dexkwaa xaa tub kop neb plat;
5 sbaaka kiib xaa nakap lo rey,
zee pa nzob rey nak pa nali naab xaa kwent.
6 Gorna zob lu lo rey, nalet lu tub xaa non,
nixa nazobt lu pa nzob re xaa non,
7 nel wenra né rey lo lu: "Guxoob nee"
zee nakot xaa xkalnto lu delant lo re xaa.
Re kwaan sneepa ne lu
8 nayanot luya lijer doo lo xaa naab kwent,
nel napa nanet lu cho kwaan le lu,
gorna koo xaa xkalnto lu lo kwaan lijer ngunii lu.
9 Nii xkwent lu techose kwaan wechxinn lu,
nu nayét luya lo nik stub xaa,
10 nap kayon stub xaaya,
nu koo xaa xkalnto lu nu nel nawent nii xaa lu.
11 Kwenta manzan or kwaan nzho leen dibuj kwaan plat,
nak wdizh kwaan nii xaa gorna nkina.
12 Mod ani nu bga kwaan nak or,
nak kwaan ngalno xaa xaa nzhak nu nzhon xaaya.
13 Modxa nanyag yeg gorna nla neey,
nak mandad nali lo xaa nxaal xaa,
nel nle xaa nzhak nix lextoo xaa.
14 Kwenta xkaw nu mbi kwaan nanzenot yey,
nak xaa nzaa lag nu nanzaat kwaan.
15 Chawlazh nii xaa zee cheepga cheepga nzaa xaa non yek xaa gon xtizh xaa;
sneepa ngezh re wdizh nadoo nu naka kwenta nzho mod lerol zhit.
16 Chelee lu nguzhal lu mzhin,
nagot lu nal doo ma,
chelee lu go lu nal doo ma, zee bare lextoo lu.
17 Nayat lu garli xmig lu tubka,
nel napa kayichela xaa ne xaa lu, nu yii xaa ne xaa lu.
18 Xaa ngaazh kwaan nawlit tich wechxinn ,
nseweey xaa xaa masra ke tub spad,
nu nseweey xaa xaa masra ke tub kwaan nke wez.
19 Wii xaa lo xaa nakap gorna nales nzhak xaa,
nak mod nze xaa narek nii,
nu mod nzhaw xaa gorna ne leyy xaa.
20 Gool xaa lo xaa nales nzhak lextoo,
nak mod cheep xaa kwaan nyann lo pa nweey,
nu mod koche xaa xab xaa lo nal.
21 Chelee xaa nayii ne lu nlaan, zaa kwaan gaw xaa,
chelee xaa nzhek lextoo xaa, bzaa nis go xaa.
22 Sbaa le lu, zee ton xaa lo kwaan nle xaa,
nu lee Xaa Tubka Nak zaa kwaan yizo lu. a
23 Lee mbi kwaan nze nas ta ya nzeno yey,
nu lee gorna nayii xaa, nawent nlu xaa.
24 Mas wen yo xaa tub skin yoo,
ke yo xaa kwaan tub ngwnaa me gaya nak.
25 Modxa nix nzho xaa nis nagal, gorna nzhek lextoo xaa,
sbaa nak diizh chul kwaan nze zit.
26 Kwenta nis nasoon nu xlen beed,
sbaa nak xaa nali, gorna nyayo xaa xaa lo yalnakap.
27 Nawent go xaa nal mzhin,
nixa nawent kwaan xaa yalxwa cheen leeka lee xaa.
28 Kwenta yezh kwaan mluux xaa nayii bla cheen,
sbaa nak xaa nagarlot nabeyy lo kwerp cheen.