Salm
Kwaan nke lo re Salm.
Yech cheen re Salm nak kwaan nle yud xaa bii gax xaa lo Dios nu kwaan nlu xomod gool xaa lo xaa nu noka nluya xomod nii xaa lo Dios. Nii xaa lo Dios, nak wdizhno xaa xaa nu yé xaa loka kwaan nzhekla xaa yé xaa lo xaa. Noka naka gool xaa lo Dios. Nii be lo xaa gorna nales nzhak lextoo be, gorna nix doo nzhak lextoo be, gorna nik tub kwaan nankanot be nu gorna nkano be zyen kwaan nle be. Nu zyen doo pa lo xtizh Dios nzaa kwent cheen Salm. Re xaa yezh Israel mla yek xaa cho kwaan nak nii xaa lo Dios nu tubka ngunii re xaa lo Dios. Ngunaab xaa yud lo Dios gorna mzo xaa lo kwaan nakap doo nu zheta ngok re xaa gorna nzak xaa nanzhont Dios xtizh xaa nu tubka mzaa xaa dixkix lo Dios nu noka mzaa xaa kwaan lo re xaa kwaan nzhon xtizh xaa: (Salm 1, 7, 14, 18, 37). Rese kwaan ngok lo re xaa, nzaa yech cheen Salm kwent. Re xaa Israel mwii lo Dios nu mkee xaa re kwaan ngunii xaa, zee mlaa xaaya zee wii re xaa yo gwluzh xomod mwii re xaa lo Dios. Salm kwaan ngunii re xtii Coré lo Dios: (Salm 42-49, 84-85, 87-88; nu cheen Asaf Salm 50, 73-83). Rop xaa ne nak xaa mbill leen yidoo leezha ngu Davida. Lee Salm kwaan nak gool xaa lo Xaa Tubka Nak: (Salm 104, 106, 111, 117, 135, 146-150). Lee Salm kwaan mbill re xaa Israel gorna nya xaa yalni Jerusalén: (Salm 120-134). Nu kwaan mbill re xaa gorna mzaa xaa dixkix lo Dios: (Salm: 18, 21, 32,107,116, nu 118).
Yech tub