Salm
Xaa wen nu xaa nakap
1
Wen xaa nanreket tich xgab cheen re xaa nawent,
wen xaa nanreket tich naz cheen re xaa nle jwalt,
nu wen xaa nanzhaalt kwaan re xaa nxizhno Dios.
2 Sinka xley Xaa Tubka Nak,
nak kwaan nyula xaa,
zhe nu yaal tubka nzhoya yek xaa.
3 Xaa ne gak kwenta tub yag naye kwaan nzo roo yuu;
chul nzaaya xle gorna nak gor zaaya xle nu tira nabizhta.
Nu wen nreke rese kwaan nle xaa xgab.
4 Xa nak re xaa nakap.
Xaa nawent nak kwenta de cheen yag,
kwaan nzhe mbi.
5 Xaa nawent lux gorna naab Dios kwent lo re myet
nu nazot xaa nakap pa kwi re xaa wen.
6 Nu lee Xaa Tubka Nak,
nkanap naz cheen re xaa nali,
per lee xnaz xaa nawent nya pa tira lux xaa.