Yalnabeyy cheen xaa mleey Xaa Tubka Nak
2
Kanxlee nkee re xaa rezh
nu sbaasa nle re xaa yezh xgab.
2 Rese rey nu rese xaa nabeyy re yezh yizhyo ne,
yaan re xaa zee dil xaa kwaan Xaa Tubka Nak
nu xaa mleey xaa.
3 Nu nzhé xaa:
¡Chaa ya be nu luux be xkaden xaa!
¡Chaa ya be nu kiib be xtoo xaa!
4 Nxizh Xaa Nzob Naz Yiba,
lee Xaa Nabeyy nxizhno re xaa yezh.
5 Zee kwaan yalxyan cheen xaa nii xaa lo re xaa
nu kwaan yalnayii cheen xaa ncheb xaa re xaa nu nzhé xaa:
6 “Na mzoob xrey na naz Jerusalén,
yi cheen na kwaan nambey”.
7 Na za kwent cheen Xaa Tubka Nak
nu né xaa lo na:
“Lu nak xgaan na,
na mle zee ngol lu nalzhe.
8 Naab lo na,
zee za na re yezh lo lu
nu cheen lu gak dubse yizhyo,
9 Luux lu xaa kwaan baston yiib
nu le byog lu xaa kwenta yas yo kwaan ndexkwaa xaa.”
10 Lee nal,
gu xaa nak rey,
list bzo gu,
kanap gu gu,
xaa nak xaa naab kwent lo yizhyo ne.
11 Le be zhiin lo Xaa Tubka Nak,
kwaan yalnacheb
nu kwaan yalnix gool be lo xaa.
12 Le be respet xgann Dios,
zee narixyant xaa nu zee nayeta be naz,
nel nanagant yii xaa.
¡Wen doo re xaa ngwii lo Dios!