Naab xaa yud lo Xaa Tubka Nak
Salm kwaan mkee David gorna mxonn xaa lo Absalón xgann xaa.
3
¡Xaa Tubka Nak,
lakta nzeyak re xaa nayii ne na!
Zyen doo nzeyak re xaa nii nawent na;
2 zyen doo xaa nii na:
“Nalet Dios yud xaa ba”.
3 Per lu,
Xaa Tubka Nak,
nsaaw na mod tub lee yiib,
lu nak xaa nle non na nu lu nak yalnix cheen na.
4 Nu kwaan dublegan ngunii na lo Xaa Tubka Nak
nu lee xaa mkeb axta lo yi nambey cheen xaa.
{Mbaz}
5 Ngoot na nu mzen mkaal na nu nguxche na,
nel lee Xaa Tubka Nak,
mkanap na lo mkaal.
6 Nazhebt na nixa nzhi zyen doo xaa dub welt lo na,
xaa kwaan nayii ne na.
7 ¡Wii,
Xaa Tubka Nak!
¡Xtios na,
le yud na lo xaa nayii ne na!
Nu seweey lu ta garlo re xaa nayii ne na
nu kiib leyy re xaa nakap.
8 Nel lu,
Xaa Tubka Nak,
nzaa yalnaban
¡nu nii wen lu lo yezh cheen lu!
{Mbaz}