6
23
Gorna zob lu gaw lu kwaan tub xaa non,wen, wen le lu xgab yilo gaw lu kwaan nzhib lo mes.
2 Nixa pen nlaan doo lu,
per bye lo yalnlaan.
3 Nazoblazht lu kwaan chul xcheen xaa,
nel naka tub yalnkade.
7
4 Naket lu zhiin axta yizha doo lu zee gak rik lu,
nayot re kwaan ba yek lu.
5 Cheepse gwii lu loya, leya nyentla.
Naka mod kwaan nzhiib xiil,
nu nzebiya kwenta msi.
8
6 Nagawt lu kwaan xaa meskin,
nu nazoblazht lu kwaan chul kwaan nzhaw xaa,
7 "Gu nu daw ", né xaa lo lu,
per nanét xaaya kwaan dub lextoo xaa,
nel nle xaa xgab lak ngwa re kwaan kayaw lu.
8 Nu re kwaan ndaw lu bare lextoo lu,
nu nagaknont re kwaan wen ngunii lu.
9
9 Naniit lu naz cho nzha xaa ned,
nel xizhno xaa xkonsej lu.
10
10 Nacheet lu re mojon gox, pa nzhaal xkizhyo lu,
nixa nareept lu lo yizhyo cheen re ngwzeb,
11 nel ngezh doo Xaa Tubka Nak, xaa nle yud xaa,
nu le xaa yud xaa lo lu.
11
12 Kwaan dub lextoo lu ble xgab wen kwaan nseed xaa lu,
nu kenzha re konsej kwaan wen.
12
13 Tubka nzhaal seli lu tub mad,
nel kwaan chop chon yaa bar nayeta xaa.
14 Seli lu xaa kwaan bar,
zee le yud lu xaa roo xaa lo naz kwaan nya lo yalgut.
13
15 Xgaan, chelee lu kano lu yalnzhak,
zee noka lextoo na gak nix;
16 nu nix doo gak lextoo na,
gorna nii lu kwaan wli.
14
17 Nazoblazht lu ne lu re xaa nle jwalt,
mas wen zheb ne Xaa Tubka Nak rese mbizh,
18 nel snee tubka nzho tub kwaan kambaz lu,
kwaan tira naluuxt.
15
19 Xgann, kenzha zee kano lu yalnzhak,
nu tubka nali ble lextoo lu.
20 Nazhaalt lu kwaan re xaa nzho nzoo,
nixa kwaan re xaa nzhaw doo,
21 nel re nguy nu re xaa nzhaw doo gak prob,
xaa nzha lo yalnchaab cheen xaa,
nzhak xaa ler yox.
16
22 Kenzha xtizh xuz lu, nel lee xaa mxen lu,
nu nalaat lu xnaa lu gorna yex me.
23 Bkano kwaan wli nu yalnzhak,
kwaan nseed xaa, kwaan nla yek xaa,
nu nalaat luya.
24 Nix doo gak lextoo xuz xaa nali nak,
nu nyakdoola me mzan xaa nkano yalnzhak.
25 Ble nix lextoo xuz lu nu xnaa lu,
gak nix lextoo me mzaa yalnaban lo lu.
17
26 Xgann, kenzha nu zob xtizh na,
zee wii lu lo xnaz na.
27 Ngwnaa, me nto cho,
nak kwenta pos kwaan nech doo.
28 Lee me nsaaw xaa kwenta re wann,
kwaanzee nle me lee zyen doo xaabyi nzhak nanalit.
18
29 ¿Cho xaa nded bid? ¿Cho xaa nle kej?
¿Cho cheen nak dil? ¿Cho cheen nak yalnales?
¿Cho xaa nyaweey? ¿Cho xaa nebse nayelag na garlo?
30 Nak xaa kwaan nanselat kwaan nyu xis ub leen,
nak xaa kwaan tubka nzho nzoo.
31 Nawiit lu lo xis ub gorna axta naxne naya nu chul nluya,
nixa nawiit lu xomod nla xni loya,
nixa xomod nix doo nzho xaaya,
32 nel mod mball nzhawyeya,
nu nyaadnoya benen mod mball.
33 Nluya zyen doo kwaan lo lu,
nu nle lu xgab zyen doo kwaan nachan.
34 Nzak lu naxna lu saaw nistoo,
nzak lu nzha lu axta pa ya nzeb leen tub bark.
35 Nu yé lu: "Mseweey xaa na, per naneta;
mzaa golp xaa na, per nanzeent naya;
per gorna yilo roo mkaal lo na,
zee yikwaan na xeepa go na."