Ɨkalata ɨnatsi jya
Yohana
Ikulongwi itsilongola
Ɨkalata ɨjɨ ɨnatsi jyavɨgilwe nʉ mpositili ʉYohana wʉ alɨ kʉ vʉgogolo. Jivoneka ʉkʉta ʉYohana aavɨgile itsi mu mwaka inninie mu myaka ɨgya sitsigo innaana na gɨhaano (85) ʉkʉsika kʉ sitsigo budikʉpamato na gɨhaano (95) Waholilwe ʉYɨɨsʉ Kɨlɨsiti. Aavavɨgye aVakɨlɨsiti ʉwʉ aavaganile siitso. AVakɨlɨsiti avo ikʉvɨɨlanga iita “vaana vango” (2:1). Ʉvʉsumbe wa kʉvavɨgɨla vʉlɨ vʉvɨlɨ. Ɨlitatsi ikʉvavʉʉla ʉkʉta mu vʉtaamo wa veene vanogye ʉkʉva nʉ vʉhange nʉ Ngʉlʉve nʉ Yɨɨsʉ Kɨlɨsiti. Ɨlya vɨɨlɨ ikʉvapavɨla vave miiho na vamanyisi va vʉnuasi. Avamanyisi va vʉnuasi avo vaateetsaga ʉmuunu ʉvaveetsaga angave iiva mu kɨlʉnga ikwambʉhitswa ʉvʉtulanongwa. ɄYɨɨsʉ naale ntulanongwa ʉlwakʉva naale muunu lweli.
Ɨlivaha siitso ʉYohana isimiilitsa ʉwajɨlweli wa lwɨdɨko lwa Kɨkɨlɨsiti. Ikʉvanywilitsa nʉ kʉvatseesa avaanu valya mu lwɨdɨko. Mu manyiiso tsa mwene itsova ikulongwi tsa lʉgano, ʉkʉsyɨkɨlanila, ʉkʉpʉlɨngʼana, ʉkʉlesa imbiivi, ʉwajɨlweli wa vʉtaamo ʉvʉliitsa, ʉvʉvalatse nʉ wʉʉmi wa sikutsooni.