Ɨkalata ɨnatsi jya
Yohana
Ɨlimenyu ɨlipela ʉwʉʉmi
1
1 Ʉwe tukʉvalʉmbɨlɨla ikulongwi tsʉʉlya ʉvɨ ʉmwene vɨ limenyu lya wʉʉmi,
kange vɨ aalepwo ʉkʉhʉma pa vʉtengʉlɨlo.
a Ʉne paninie na vapositili twampʉliike,
twambwene,
ikange twamwabaasiitse.
2 Ʉjwa vɨ wʉʉmi wa sikutsooni,
ʉvɨ aavoniike,
nʉʉwe twambwene,
lɨno tukwolela kwanyie nʉ kʉvavʉʉla ikulongwi tsa wʉʉmi ʉwa wa sikutsooni,
ʉwaale kwa Daada ʉNgʉlʉve,
vʉkiitsa vʉkavoneka kwawe.b
3 Ɨkɨtʉpelye tʉvalʉmbɨlɨlage ikulongwi itso itsʉ twatsiweene nʉ kʉtsipʉlɨka,
tunogwa muve paninie nʉʉwe mu vʉhange ʉwʉ tʉlɨ nawo nʉ Daada ʉNgʉlʉve,
nʉ Mwana va mwene ʉYɨɨsʉ Kɨlɨsiti.
4 Tukʉvavɨgɨla aga,
pakʉta tʉve nʉ lʉhekelo ʉlʉlʉti.
Ʉkʉtaama mu lʉmuli
5 Ɨlimenyu ɨlyʉ tʉpʉliike kwa Yɨɨsʉ,
lyʉ tukʉvalʉmbɨlɨla ʉnyie,
ʉkʉta ʉNgʉlʉve vɨ lʉmuli,
ntsila vʉviivi ʉvʉveetsaga nʼgati mu mwene ʉvʉlɨ ndɨ ngʼiisi.
6 Lɨno ɨngave twita tʉlɨ vʉhange nʉ Ngʉlʉve,
kʉnʉ tugendelela ʉkʉvomba imbiivi,
tuveetsaga twitsova ʉvʉnuasi,
ikange tuveetsaga natuvomba ɨlweli.
7 Apeene,
ɨngave tutaama mu vʉgolosu,
ndʉwʉ ʉNgʉlʉve itaama,
pwʉ tuveetsaga mu vʉhange ʉwe kwa jyʉwe,
manya ʉvʉswe wa Yɨɨsʉ,
ʉMwana va mwene,
vukʉtʉvalatsa imbiivi tsiitu tsyoni.
8 Ɨngave twita ʉwe natʉlɨ vatulanongwa,
tʉkɨtekeletsa jyʉwe,
natʉvʉmanyili ʉwajɨlweli ʉwʉ ʉNgʉlʉve atʉvoniitse.
9 Lɨno,
ɨngave tukwɨdɨka ʉkʉta tʉvombile imbiivi,
ʉNgʉlʉve ikʉtʉsyɨkɨla nʉ kʉtʉvalatsa ʉvʉviivi wooni,
manya ʉmwene immʉʉgʉ ikange nʼgolosu.
10 Ɨngave twita natʉvombili imbiivi,
tukʉmbɨɨka ʉNgʉlʉve ʉkʉta nnuasi,
c ikange tuveetsaga tʉlɨbeelile lwoni ɨlimenyu lya mwene.