Ɨkalata jya vɨɨlɨ jya
Yohana
Ikulongwi itsilongola
Ɨkalata ɨjɨ ɨjya vɨɨlɨ ɨjya Yohana jyavɨgilwe nʉ mpositili ʉYohana mu mwaka gwa sitsigo budikakʉpamato (90) Waholilwe ʉYɨɨsʉ Kɨlɨsiti. ɄYohana jyʉmwene nikɨtsova ʉkʉta vɨ mbɨgi va kalata ɨjɨ. Ʉmwene ikɨtsova iita indyakoni va mpelela. Ikulongwi itsilɨ mu kalata ɨjɨ ɨjya vɨɨlɨ, tsihwaniine siitso ni kulongwi tsilya itsivɨgilwe mu Livangɨli lya Yohana. Itsi tsivoneka pavʉvalasu mu sitabu syʉ sivɨlɨ ʉpwʉ isimiilitsa ʉlʉlagɨlo lwa kʉganana ndʉwʉ aalagye ʉYɨɨsʉ Kɨlɨsiti jyʉmwene (2 Yohana 5-6, Yohana 15:9-10). Jikwɨdɨkiwa ʉkʉta ʉYohana ʉjʉ vɨ aavɨgile ɨLivangɨli lya Yohana ni kalata idatu tsa Yohana wʉ itaama mu vʉtsenge wa Efeso.
ɄYohana aavɨgile ɨkalata ɨjɨ kʉ nʼdala ʉvɨ ʉNgʉlʉve aamwomwe na vaana va mwene. Amamenyu ago, ʉnʼdala na vaana va mwene, gɨmile pa kʉgʉtsova ʉmpelela, kwʉ kʉta avɨɨdɨki vooni. Ʉvʉsumbe wa Yohana mu kalata ɨjɨ waale wa kʉvanywilitsa avampelela mu lwɨdɨko nʉ kʉvapavɨla vave miiho kʉ vamanyisi va vʉnuasi ʉwʉ vaale vihʉmɨlaga.