Ɨkalata jya daatu jya
Yohana
Ikulongwi itsilongola
Ɨkalata ɨjɨ ɨjya daatu ɨjya Yohana jyavɨgilwe nʉ mpositili ʉYohana mu mwaka gwa sitsigo budikakʉpamato (90) Waholilwe ʉYɨɨsʉ Kɨlɨsiti. ɄYohana jyʉmwene nikɨtsova ʉkʉta vɨ mbɨgi va kalata ɨjɨ. Ʉmwene ikɨtsova iita indyakoni va mpelela. Wʉ aatsovile vʉle vʉle namu mu kalata ɨjya vɨɨlɨ (2 Yohana 1).
Jikwɨdɨkiwa ʉkʉta ʉYohana ʉjʉ vɨ mwene aavɨgile ɨLivangɨli lya Yohana ni kalata tsyoni idatu itsitambʉlwa 1 Yohana, 2 Yohana nɨ 3 Yohana. Aavɨgile wʉ itaama mu vʉtsenge wa Efeso.
ɄYohana aambɨgye ɨkalata ɨjɨ ʉmwɨdɨki va Yɨɨsʉ Kɨlɨsiti ʉvɨ aatambʉlwagwa Gayo. ɄYohana iita ʉGayo immanyaani va mwene. Ʉvʉsumbe wa kʉvɨga ɨkalata ɨjɨ waale wa kʉmpa ʉGayo amamenyu ga kʉndʉngɨkɨla aveetsage mwipa kʉ Vakɨlɨsiti avahenza avaagendelaga apoonu ʉpwʉ aataamaga ʉmwene ʉGayo.