པི་ཏྲ་རེ་ ཆག་འབྲི་ ཉི་སྤ་།
པི་ཏྲ་རེ་ ཆག་འབྲི་ ཉི་སྤེ་ ཧོར་།
འི་ ཆག་འབྲི་ རྡང་ ངུལ་མེ་ ཆོའེ་ཚོག་རྒེ་ འུ་རྐྱོང་རྒུན་ རྒྱུད་ཏེ་, ཨ་ཧོ་ལ་ འི་ ཆག་འབྲི་པོ་ ཙོབོ་ ཡི་ཤུ་ མ་ཤི་ཀེ་ ཧུ་ཚབ་ པི་ཏྲ་རེ་ འབྲི་ཛེད་ཀན་འབོ་ རྒྱུའི་ ཆ་ནོག་།
ཡི་ཤུ་ ཀྲོྃ་རྡེ་ སོན་པོ་ ཞྃ་རྡེ་ ལྟིང་ནི་, ལོ་ སུམ་ཅུ་སོ་ང་ ཉེ་ཁོར་ལ་ པི་ཏྲར་ རོམ་མེ་ རྒྱ་སྤོ་ ནེ་རོའེ་ སེད་ཀན་འབོ་ ཨ་ཧོ་རྒུན་ལ་ རྒྱུའི་ནོག་། ཏོ་རྦེ་ཕི་ ཆོའེ་ལ་ ཁེ་སྤ་རྒུ་ནི་ འི་ ཆག་འབྲི་རྦོ་ པི་ཏྲ་རེ་ མི་ཙེ་ ལྟིང་འཇུག་རྒེ་ ཏུའི་ན་, ཧ་ལམ་ ཡི་ཤུ་ ཀྲོྃ་རྡེ་ སོན་པོ་ ཞྃ་རྡེ་ ལོ་ སུམ་ཅུ་སོ་ཉི་ནི་ སུམ་ཅུ་སོ་ང་ ཉེ་ཁོར་ལ་ འབྲི་ཛེད་ཀན་འབོ་ རྡེན་ཆེ་རྡེ་ནོག་།
པི་ཏྲ་རེ་ ཁོ་རང་ངེ་ ཆག་འབྲི་ ཏང་པོ་ འབྲི་ཛེད་ཀ་ནེ་ ཏེ་རྒ་ རྡེ་ མ་ཤི་ཀ་པ་རྒུན་ལ་, འི་ ཆག་འབྲི་རྦོ་ལ་ འབྲི་ཛེད་ཏེ་ འིན་ཀན་འབོ་ ཁོང་ངེ་ ཨ་ཧོ་རྒུན་ལ་ ཤེད་རྡེ་ ཛེད་ཏུག་ 3:1།
པི་ཏྲར་ལ་ ཁོང་ ཤི་ཅེ་ ཉེ་མོ་ ཡོ་ཀན་འབོ་ རྒྱུའི་ཡོད་པེ་, ཏེཏ་པ་ཅན་རྒུ་ནི་ཕི་ ཁོང་ ཤི་རྡེ་ ལྟིང་ནི་ལ་ ལུའི་ཤེ་ ལབ་ཞ་ཞིག་ པོར་ཤེ་ལ་ ཐེད་རྡེ་ཡོད་པེན་། ཁོང་ངེ་ ཏེཏ་པ་ཅན་རྒུན་ལ་ འི་ ཆག་འབྲི་ འབྲི་ཅེ་ རྒྱུ་ཚན་རྒུ་ནི་:
ཏང་པོ་, ཏེཏ་པ་ཅེན་རྒུན་ ཏེཏ་པེ་ན་ ལྡན་འདེ་ སམ་བ་ཅེན་ འགྱུར་ཤེ་།
ཉི་སྤ་, མ་ཤི་ཀ་ ལོག་ཏེ་ ཕེབ་ཅེ་ ཏུའི་ལ་ འི་ འཇིག་རྟེན་ འདང་ ཛམ་ལིང་རྒུན་ལ་ ཆ་ཅེ་རྦོ་ ཧ་ཀོ་ཅུག་ཅེ་།
སུམ་པ་, མ་ཤི་ཀ་ ལོག་ཏེ་ རྐྱོད་ཅེ་ ཧོར་ལ་ སྲང་རྡེ་ འདེད་ཅེ་ལ་ སེམ་རུའི་ ཏང་ཅེ་།
ཞི་པ་, ཤང་ ཅོའེ་རྡེ་ ཟུའི་མེ་ ལོབ་རྦོན་རྒུན་, ཁོང་ངེ་ ལེ་ཧ་ རྒྱུད་ཏེ་ ངོ་ཤེ་ཤེ་༎