པི་ཏྲ་རེ་ ཆག་འབྲི་ ཏང་པོ་།
པི་ཏྲ་རེ་ ཆག་འབྲི་ ཏང་པེ་ ཧོར་།
འི་ ཆག་འབྲི་ རྡང་ ངུལ་མེ་ ཆོའེ་ཚོག་རྒེ་ འུ་རྐྱོང་རྒུན་ རྒྱུད་ཏེ་, ཨ་ཧོ་ལ་ འི་ ཆག་འབྲི་རྦོ་ མ་ཤི་ཀེ་ ཧུ་ཚབ་ པི་ཏྲ་རེ་ འབྲི་ཛེད་ཀན་འབོ་ རྒྱུའི་ ཆ་ནོག་།
ཨ་ཧོ་རྒུན་ལ་ ཆོའེ་ལ་ ཁེ་སྤ་རྒུན་ རྒྱུད་ཏེ་, འི་ ཆག་འབྲི་རྦོ་ ཡི་ཤུ་ ཀྲོྃ་རྡེ་ སོན་པོ་ ཞྃ་རྡེ་ ལྟིང་ནི་ ལོ་ ཉི་ཤུ་སེབ་རྡུན་ནི་ ཉི་ཤུ་སེར་རྒུ་ ཉེ་ཁོར་ལ་ འབྲི་ཛེད་ཀན་འབོ་ རྒྱུའི་ ཆ་ནོག་། འི་རྦོ་ མ་ཤི་ཀ་པ་རྒུན་ལ་ རྡུ་ངལ་ ལྟན་ཀ་ནེ་ རོམ་མེ་ རྒྱ་སྤོ་ ནེ་རོའེ་ ཝང་སྲུལ་ལེ་ ཏུའི་ལ་ འབྲི་ཀན་འབོ་ རྡེན་ཆེ་རྡེ་ནོག་།
པི་ཏྲ་རེ་ འི་ ཆག་འབྲི་པོ་, རོམ་མེ་ ཝང་སྲུལ་ལེ་ ཡུལ་རྒུ་ནི་ན་ ཡན་འདེ་ ཡོ་ཀ་ནེ་ མ་ཤི་ཀ་པ་ ཚང་མེ་ཕི་ འབྲི་ཛེད་ཏེ་ འིན་ཀན་འབོ་ ཨ་ཧོ་ལ་ ཤེད་ཏུག་།
ཁོང་ངེ་ འི་ ཆག་འབྲི་ འབྲི་ཛེད་ཅེ་ རྒྱུ་ཚན་རྒུ་ནི་:
ཏང་པོ་, རྡུ་ངལ་ ཆ་ཅེ་རྦོ་ ཀོན་འཇོག་རྒེ་ ཐར་སྤེ་ ཁག་ཅིག་ འིན་ཀན་འབོ་ ཧ་ཀོ་ཅུག་ཅེ་།
ཉི་སྤ་, ཏེཏ་པ་ཅན་རྒུན་ལ་ ཀོན་འཇོག་ ཐུག་ཐེད་ཀ་ནེ་ མི་ཙེ་ པུད་ཅེ་ རྡང་ ཅིག་ ཏང་ ཅིག་ལ་ ཡ་ཤ་ ཅོ་ཅེ་ལ་ སེམ་རུའི་ ཏང་ཅེ་།
སུམ་པ་, ཏེཏ་པ་ཅན་རྒུན་ལ་ ཁོ་རང་རྒུན་ ཝང་སྲུལ་པེ་ ཡོག་ལ་ པོར་ཤེ་, སྤོན་འབེ་ ཡོག་ལ་ ཡོག་པོ་ རྡང་, ན་མ་རྒུན་ ཁོ་རང་རྒུ་ནི་ མག་པེ་ ཡོག་ལ་ འདེད་ཅེ་ལ་ སེམ་རུའི་ ཏང་ཅེ་།
ཞི་པ་, རྡུ་ངལ་ ཆ་ཅེ་རྦེ་ ཏེཏ་པ་ཅན་རྒུ་ནི་ སམ་ཚུལ་རྒུན་ ཀ་ཟུག་ཤིག་ ཡོང་རྒོའེ་།
ང་པ་, འུ་རྐྱོང་ཞིག་རྒེ་ ཆོའེ་ཚོག་པོ་ ཀ་ཟུག་ ཚུལ་ལ་ ཁྲིད་རྒོའེ་༎