ཡ་ཀུབ་རྦེ་ ཆོག་ནི་ ཆག་འབྲི་།
ཡ་ཀུབ་རྦེ་ ཆག་འབྲི་ ཧོར་།
འི་ ཆག་འབྲི་ འབྲི་ ཛེད་ཀན་འབེ་ ཁོ་རང་ལ་ ཡ་ཀུབ་ ཟེར་རྡུག་། འི་ མིའུ་ ཙོབོ་ ཡི་ཤུའི་ ནོ་རྒུ་ནི་ ནང་ནི་ ཅིག་ ཡང་ ཡེ་རུ་ཤ་ལེམ་མེ་ ཆོའེ་ཚོག་རྒེ་ འུ་རྐྱོང་ འིན་ཀན་འབོ་ ཨ་ཧོ་ལ་ རྒྱུ་ཚན་ མང་པོ་ རྒྱུད་ཏེ་ ཧ་ཀོ་ནོག་།
ཆོའེ་ལ་ ཁེ་སྤ་ མང་པེ་ འི་ ཆག་འབྲི་རྦོ་ ཡི་ཤུ་ ཀྲོྃ་རྡེ་ སོན་པོ་ ཞྃ་རྡེ་ ལྟིང་ནི་, ལོ་ ཅུ་སུམ་ མེ་ ཉེ་ཁོར་ལ་ འབྲི་ཛེད་ཏེ་ འིན་ཀན་འབོ་ རྡེན་ཆེ་ཤེ་རྦོ, འི་ ཆག་འབྲི་རྦོ་ ཞལ་ཆེཏ་ སོ་མེ་ ཚང་མེ་སང་ འགོ་མ་ འབྲི་ཛེད་ཀ་ནེ་ སྤེ་ཆ་ ཅིག་ཅིག་ འིན་ཀན་འབོ་ ཧ་ཀོ་ནོག་།
འི་ ཆག་འབྲི་རྦོ་ འཇིག་རྟེན་ནེ་ན་ ཡན་འདེ་ ཡོ་ཀན་ ཀོན་འཇོག་རྒེ་ མི་རིག་ ཅུག་ཉི་རྦོ་ལ་ འབྲི་ཛེད་ཏེ་ ནོག་། ཁེ་སྤ་ མང་པེ་ ཡ་ཀུབ་རྦེ་ འི་རྦོ་ ཡ་ཧུ་འདཱ་པ་ མ་ཤི་ཀ་པ་རྒུན་ལ་ འབྲི་ཛེད་ཀན་འབོ་ རྡེན་ཆེ་ཤེ་ནོག་། འི་ ཆག་འབྲི་ འབྲི་ཚུལ་རྦེ་ ཏེ་ སྤེ་ར་རྒུན་ལ་ རྒྱབ་རྐྱོར་ ཅོ་ནོག་།
ཡ་ཀུབ་རྦེ་ ཆག་འབྲི་ འབྲི་ཅེ་ རྒྱུ་ཚན་འབོ་, འི་ ཆག་འབྲི་ སིལ་ཧན་རྒུན་ལ་ ཏེཏ་པ་ ཅོ་འིན་ ཅིག་པོ་ མ་ཟེ་ལ་ ཞག་ཏང་ངེ་ ལེ་ཧེ་ན་ ཏོ་ ལག་ལེན་ ཅོའེ་རྡེ་ ལྟན་ཅེ་ལ་ སེམ་རུའི་ ཏང་ཅེ་རྦོ་ ནོག་། ཁོང་ངེ་ ཏེཏ་པ་ཅན་རྒུ་ནི་ མི་ཙེ་ན་ ཧ་ཀོ་རྒོ་ཤེ་ རྡང་ འགྱུར་ཞ་ ཁྱོང་རྒོ་ཤེ་ཅེན་ནེ་ འི་ཟུག་ སྤེ་ར་ རིག་རྒེ་ ཧོར་ལ་ མོལ་ལེ་ ཛེད་ཏུག་།
ཏང་པོ་, རྡུ་ངལ་ ཨ་ཧོའེ་ཕི་ ཀ་ཟུག་རྒེ་ ཕན་ཏོག་ཅེན་ འིན་།
ཉི་སྤ་, མ་ཤི་ཀ་པ་ ཉལ་རྦ་ཅེན་ འདང་ ཆུག་པེ་ན་ ཡ་པེ་ མ་ཅོ་།
སུམ་པ་, ཏེཏ་པ་ལ་ ལག་ལེན་ ཅོའེ་རྡེ་ ལྟོན་།
ཞི་པ་, ཁ་ནི་ སྤེ་ར་ ངན་པ་རྒུན་ འབིང་ མ་ཅུག་།
ང་པ་, ཆུག་པོ་རྒུ་ནི་ ཉལ་རྦ་ཅེན་རྒུན་ལ་ ཚོད་ མ་ཅེད་།
ཀྲུག་པ་, མོ་ལམ་འབོ་ ཁྱུད་ཅེན་ འིན་།
རྡུན་པ་, རྡིག་པེ་ན་ འགྱེལ་ཧ་ནེ་ མ་ཤི་ཀ་པ་རྒུན་ རྐྱོབ་ཅེ་༎