ཨིབ་རི་པེ་ མ་ཤི་ཀ་པ་རྒུན་ལ་ ཆག་འབྲི་།
ཨིབ་རི་པེ་ མ་ཤི་ཀ་པ་རྒུན་ལ་ ཆག་འབྲི་ ཧོར་།
འི་ ཆག་འབྲི་ འབྲི་ ཛེད་ཀན་འབེ་, ཁོ་རང་ངེ་ མིང་ མ་ནི་ འབྲི་ཛེད་ཏེ་ མི་འདུག་། ཆོའེ་ན་ ཁེ་སྤ་ མང་པེ་ འི་ ཆག་འབྲི་ འབྲི་ཛེད་ཀན་འབོ་ ཤེ་ཤེ་ ཙོན་འགྲུའི་ ཅོའེ་རྡེ་ སྤེར་ན་ པ་འུ་ལུ་, ཨ་པོ་ལོ་, འབཱར་ན་འབཱ་ རྡང་ ཡང་ མང་པོ་ཞིག་རྒེ་ མིང་ ཟེར་། ངོའེ་སྤོ་ལ་ འི་ ཆག་འབྲི་ འབྲི་ཀན་འབོ་ སུ་ཞིག་ འིན་ན་ ཅང་ ཁྱད་ ཆ་ཅེ་ མེད་ཏེ་ ནོག་། ཁག་ཅེན་འབོ་ སྤེ་ར་རྦོ་, འི་ ཆག་འབྲི་ འབྲི་ཀན་འབོ་ལ་ སུང་རབ་རྦེ་ ཧོར་ལ་ མ་ཐར་ཁྱེལ་ ཧ་ཀོ་ ཡོ་ཀན་ ཡང་ ཁོ་ ཨིབ་རི་པ་ མ་ཤི་ཀ་པ་ འིན་ཀན་འབོ་ ནེན་ཏེན་ ནོག་།
ཆོའེ་ལ་ ཁེ་སྤ་ མང་ཆེ་ འི་ ཆག་འབྲི་རྦོ་ ཡེ་རུ་ཤ་ལེམ་མེ་ ཀོན་འཇོག་རྒེ་ ཁང་པ་ མེ་ཀན་ ཆ་སང་ ངུལ་ལ་ འབྲི་ ཛེད་ཀག་ ཟེ་རེ་ནོག་། ཏོ་ ནམ་ ཡ་ཧུ་འདཱ་པ་རྒུ་ནི་ རོམ་མེ་ རྒྱ་སྤེ་ ཝང་སྲུལ་ལེ་ རྒྱཔ་འགལ་ ཅོ་ ཏུའི་ འིན་འབེན་, ཀའོ་ ཡི་ཤུ་ ཀྲོྃ་རྡེ་ སོན་པོ་ ཞང་ངེ་ ཛེད་ཏེ་ ལོ་ སུམ་ཅུ་སོ་རྡུན་ ནེ་ ལྟིང་ནི་ སོང་།
ཆག་འབྲི་ འབྲི་ཀ་ནེ་ འི་ ཆག་འབྲི་རྦོ་ ཨིབ་རི་པ་ ཏེཏ་པེ་ན་ ལྡན་མ་ལྡན་ཀན་ འདང་ ཁོ་རང་ ཉམ་པོ་ འབྲེལ་ཡོ་ཀན་ ཏེཏ་པ་ཅན་རྒུ་ནི་ཕི་ འབྲི་ ཛེད་། འི་ མི་རྒུན་ ཏུའི་ མང་པོ་ཞིག་ནི་ཕ་ལ་ མ་ཤི་ཀ་པ་ འིན་ཀན་འབོ་ ཨ་ཧོ་ལ་ འི་ ཆག་འབྲི་རྦེ་ ནང་ནི་ སལ་སྤོ་ རྒྱུའི་ ཆ་ནོག་། འིན་ན་ ཏེཏ་པ་ ཅོ་ཅེ་རྦེ་ ནག་པར་རྡོ་ ཐོང་རྡེ་, ཁོང་རྒུ་ནི་ ཞེན་མ་ ཏེཏ་པ་ཅན་རྒུན་ ཉམ་པོ་ ཛོམ་ཅེ་ ཕྃ་རྡེ་ ཡ་ཧུ་འདཱ་པེ་ ཆོའེ་རྡེ་ རྒྱབ་ནི་ ཆེན་ སམ་མེ་ཡོད་པེན་།
ཆག་འབྲི་ འབྲི་ཀ་ནེ་ འི་ ཆག་འབྲི་ འབྲི་ཅེ་ རྒྱུ་ཚན་རྒུ་ནི་
ཏང་པོ་, མོ་ཤེ་ ཁྲིམ་ འདང་ ཞལ་ཆེཏ་ ཉིང་པེ་སང་ ཡི་ཤུ་ རྒྱུད་ཏེ་ ཐར་པ་ རྡང་ རྡིག་པེ་ཀ་ནི་ ཤག་སྤ་ ཐོབ་ཅེ་རྦོ་, མང་ངེ་ ཀྲག་པོ་ རྡང་ ཁག་ཅེན་ འིན་ཀན་འབོ་ ལྟན་ནེ་ནོག་། ཡང་ ཁོའེ་ མོ་ཤེ་ ཁྲིམ་མེ་ རྒྱབ་ནི་ འགྲུལ་ཤེ་ མག་, ཡི་ཤུ་ མ་ཤི་ཀེ་ན་ ཏེཏ་པ་ ཅོ་ཅེ་ ཅིག་པོ་ རྒྱུད་ཏེ་ ཀོན་འཇོག་རྒེ་ ཧུ་འདུན་ལ་ ཁོང་རྒུན་ ཀྲང་པོ་ འགྱུར་ཤེའོ་ སལ་སྤོ་ ཅོའེ་།
ཉི་སྤ་, ཁོའེ་ རྡུ་ངལ་ལེ་ ཏུའི་ལ་ ཏེཏ་པ་ཅན་རྒུན་ ཛོམ་ཅེ་ ཡང་ ཏེཏ་པེ་ན་ མང་ངེ་ སམ་བ་ཅེན་ འགྱུར་རྡེ་ ལྡན་ཅེ་ལ་ སེམ་རུའི་ ཏང་ངེན་།
སུམ་པ་, ཁོའེ་ ཀོན་འཇོག་ ཏུའི་རྒྱུན་ ཁོང་རྒུན་ ཉམ་པོ་ ཞུ་ཧན་ ཡང་ རྡུ་ངལ་ ཆ་ཅེ་རྦོ་ ཀོན་འཇོག་ ཁོང་རྒུ་ནི་ ཡབ་རྦེ་, ཁོང་རྒུ་ནི་ རྒྱལ་ལེ་ཕི་ རྐྱོང་ངེ་ ཛེད་ཀན་འབོ་ ཧ་ཀོ་ཅུག་ཅེ་རྦོ་ ནོག་།
ཞི་པ་, ཁོའེ་ ཁོང་རྒུན་ལ་ ཟུའི་མེ་ ལོབ་རྦོན་རྒུ་ནི་ སྤང་ པུད་, ཡང་ ལྟིང་འཇུག་པེ་ཀ་ ཁོའེ་ཕི་ མོ་ལམ་ ཞུ་ཅེ་ལ་ ཞུ་ཝ་ པུལ་༎