ཕི་ལེ་མོན་ལ་ པ་འུ་ལུའི་ ཆག་འབྲི་།
ཕི་ལེ་མོན་ལ་ པ་འུ་ལུའི་ ཆག་འབྲི་ ཧོར་།
འི་ ཆག་འབྲི་རྦོ་ ཙོབོ་ ཡི་ཤུའི་ ཧུ་ཚབ་ པ་འུ་ལུ་ ཙོན་ཁང་ངེ་ན་ ཡོད་ཟ་ནི་ འབྲི་ཛེད་ཏེ་ ནོག་, ཀའོ་ ཡི་ཤུ་ ཀྲོྃ་ཏེ་ སོན་པོ་ ཞྃ་རྡེ་ ལོ་ ཉི་ཤུ་སེབ་རྡུན་ ནེ་ ལྟིང་ནི་ ནོག་།
པ་འུ་ལུའི་ འི་ ཆག་འབྲི་རྦོ་ ཀོ་ལོ་སེ་ རྒྱལ་ས་ནི་ འིན་ཀ་ནེ་ མ་ཤི་ཀ་པ་, ཕི་ལེ་མོན་ལ་ འབྲི་ ཛེད་། ཁོ་ ཨོ་ནེ་སི་མུ་ ཟེར་ཧ་ནེ་ ཚེ་ཡོག་ཅིག་ ཡོད་པེན་། འི་ ཆག་འབྲི་རྦོ་ རྒྱུད་ཏེ་, ཨོ་ནེ་སི་མུ་ ཕི་ལེ་མོན་ནེ་ཀ་ནི་ ནོར་ ཧུའི་རྡེ་ ཤོར་ཧན་འབོ་, ཨ་ཧོ་ལ་ རྒྱུའི་ ཆ་ནོག་། ཏེ་ཏུའི་ རོམ་མེ་ ཁྲིམ་ ནང་ཞིན་, ཨོ་ནེ་སི་མུ་ལ་ འི་ རྐྱོན་ནེ་ཕི་ སྲོག་རྒེ་ ཆེད་པ་ ཕོག་ཅེ་ ཡོད་པེན་། ཤོར་རྡེ་ ལྟིང་ནི་ ཁོ་ ཧུ་ཚབ་ པ་འུ་ལུ་ རྡང་ ཐུག་ཏེ་, ཁོང་ངེ་ ལབ་ཞ་ རྒྱུད་ཏེ་ མ་ཤི་ཀ་པ་ འགྱུར་། ཏ་ ཨོ་ནེ་སི་མུ་ མ་ཤི་ཀ་པ་ འིན་ཅེ་རྦེ་ ཁོ་རང་ངེ་ སྤོན་འབོ་, ཕི་ལེ་མོན་ས་ ལོག་ཏེ་ ཆ་ ཐེད་རྡེ་ཡོད་པེན་། པ་འུ་ལུའི་ ཨོ་ནེ་སི་མུ་ལ་ རྒྱབ་རྐྱོར་ ཛེད་ཏེ་, ཕི་ལེ་མོན་ལ་ ཞུ་ཝ་ ཞུའིན་ ཁོ་ ཤག་སྤ་ ཏྃ་རྡེ་ མ་ཤི་ཀ་པེ་ སྤུན་ཞིག་རྒེ་ ཚུལ་ལ་, རྒ་སུའི་ ཞུ་ཅེ་ཕི་ འབྲི་ ཛེད་༎