ཏི་ཏུའི་ལ་ པ་འུ་ལུའི་ ཆག་འབྲི་།
ཏི་ཏུའི་ལ་ པ་འུ་ལུའི་ ཆག་འབྲི་ ཧོར་།
འི་ ཆག་འབྲི་རྦོ་ ཡི་ཤུའི་ ཧུ་ཚབ་ པ་འུ་ལུའི་, ཀེརེ་ཏ་ ཚོ་ལིང་ངེ་ཀ་ པོར་ཧན་ ཏི་ཏུའི་ལ་ འབྲི་ཛེད་ཏེ་ ནོག་། ཏི་ཏུའི་, པ་འུ་ལུ་ རྒྱུད་ཏེ་ ཏེཏ་པེ་ན་ ཡོང་ཀན་, ཡི་ཤུའི་ ཧོར་ལ་ ནེ་ཚུལ་ ཟང་པོ་ ཕེལ་ཤེ་ན་ ལེ་ཧ་ ཅོ་ཀན་, ཁོང་ངེ་ ཁྲོ་པ་ འིན་འབེན་།
པ་འུ་ལུ་ རྡང་ ཏི་ཏུའི་, ཀེརེ་ཏ་ ངུལ་ལ་ སོང་འདེ་ འིན་འབེན་། ཏུ་རུ་ པ་འུ་ལུའི་ ཆོའེ་ཤེད་ཅེ་རྦེ་ མི་རྒུན་ ཏེཏ་པེ་ན་ ཡོྃ་། པ་འུ་ལུའི་ ཏི་ཏུའི་ ཏེ་ ཏེཏ་པ་ཅན་རྒུན་ལ་ ཚིར་ཧེ་ན་ ཡ་ཏོ་ ཅོ་ཅེ་ལ་ ཏུ་རུ་ པོར་རྡེ་ སོང་འབེན་། ཏ་ ཁོང་ངེ་ འི་ ཆག་འབྲི་པོ་ ཏི་ཏུའི་ལ་, ཁོ་ རྒྱཔ་འགལ་ ཅོ་ཀན་རྒུ་ནི་ རྒྱཔ་འགལ་ལ་ ཡ་ཏོ་ ཅོ་ཅེ་ལ་, འབྲི་ ཛེད་། ཁོང་ངེ་ ཏི་ཏུའི་ལ་ མ་ཤི་ཀ་པ་རྒུན་ ཁྲིད་ཅེ་ ཁོ་རང་ངེ་ ཝང་ སལ་འདེ་ ཁོ་ རྒྱཔ་འགལ་ ཅོ་ཀན་རྒུན་ ཉམ་པོ་ ཀ་ཟུག་རྒེ་ འབྲེལ་ ཅོ་ཅེ་ ལབ་ཞ་ སལ་ལེ་ ཛེད་། པ་འུ་ལུའི་ མ་ཤི་ཀ་པེ་ ཏེཏ་པ་ རྡང་ མ་ཤི་ཀ་པེ་ མི་ཙེ་ཞིག་ པུད་ཅེ་ ལབ་ཞ་, ཡང་ ཏི་ཏུའི་ལ་ ཏུ་རུ་ ཡོ་ཀ་ནེ་ ཟུའི་མེ་ ལོབ་རྦོན་རྒུ་ནི་ ཤང་ ཅོ་ཅེ་ལ་, འབྲི་ ཛེད་།
པ་འུ་ལུའི་ འི་ ཆག་འབྲི་རྦོ་, ཡི་ཤུ་ ཀྲོྃ་རྡེ་ སོན་པོ་ ཞྃ་རྡེ་ ལྟིང་ནི་ ལོ་ སུམ་ཅུ་ནི་ སུམ་ཅུ་སོ་ཉི་ ཉེ་ཁོར་ལ་ འབྲི་ཛེད་ཀན་འབོ་, རྒྱུའི་ ཆ་ནོག་༎