ཏི་མོ་ཐི་ལ་ པ་འུ་ལུའི་ ཆག་འབྲི་ ཉི་སྤ་།
ཏི་མོ་ཐི་ལ་ པ་འུ་ལུའི་ ཆག་འབྲི་ ཉི་སྤེ་ ཧོར་།
ཨ་ཧོ་ལ་ འི་ ཆག་འབྲི་ ཙོབོ་ ཡི་ཤུའི་ ཧུ་ཚབ་ པ་འུ་ལུའི་ འབྲི་ཛེད་ཀན་འབོ་ རྒྱུའི་ནོག་, ཅེ་ཟེར་ནི་ ཁོང་ངེ་ འི་ ཆག་འབྲི་ན་ ཨ་ཧོ་རྒུན་ལ་ ཤེད་རྡེ་ ཛེད་ཏུག་།
ཆོའེ་ལ་ ཁེ་སྤ་རྒུན་ རྒྱུད་ཏེ་ འི་ ཆག་འབྲི་རྦོ་ ཡི་ཤུ་ ཀྲོྃ་རྡེ་ སོན་པོ་ ཞྃ་རྡེ་ ལྟིང་ནི་, ལོ་ སུམ་ཅུ་སོ་ཉི་ནི་ སུམ་ཅུ་སོ་སུམ་ ཉེ་ཁོར་ལ་, པ་འུ་ལུ་ ལེན་ ཉི་སྤ་ རོམ་མེ་ རྒྱལ་སེ་ ཙོན་ཁང་ངེ་ན་ ཡོད་ཏུའི་ འབྲི་ཛེད་ཀན་འབོ་ ཨ་ཧོ་རྒུན་ལ་ རྒྱུའི་ ཆ་ནོག་།
པ་འུ་ལུའི་ རྒྱུ་ཚན་ སུམ་མེ་ཕི་ འི་ ཆག་འབྲི་འབོ་ འབྲི་ ཛེད་།
ཏང་པོ་, ཁོང་ངེ་ ཏི་མོ་ཐི་ལ་ ཀོན་འཇོག་རྒེ་ འབོ་ ཛེད་ཀ་ནེ་ ཆག་ལེ་རྦེ་ན་ ལོ་ཁྱེལ་ཅེན་ འདེད་ཅེ་ལ་ འི་ཏུ་ ཧུལ་ལེ་ ཐེད་རྡེ་ཡོད་པེན་།
ཉི་སྤ་, མ་ཤི་ཀ་པ་ ཏེཏ་པ་ཅན་རྒུན་ལ་ རོམ་མེ་ རྒྱ་སྤོ་ ནེ་རོའེ་ རྡུ་ངལ་ ལྟན་ཅེ་རྦེ་ ཚེར་ཧ་ ཡོད་པེན་། ཁོང་ངེ་ ཏི་མོ་ཐི་ལ་ ནེ་ཚུལ་ ཟང་པོ་ རྐྱོབ་ཅེ་ རྡང་, ཁོ་ རྡུ་ངལ་ ཐོང་ནང་ ནེ་ཚུལ་ ཟང་པེ་ ཆོའེ་ཤེད་རྡེན་ འདེད་ཅེ་ལ་, མ་སྲན་ཀྲེ་ སྤང་པུད་རྡེ་ ཛེད་།
སུམ་པ་, ལུ་ཀ་ ཅིག་པོ་ མན་, ཚང་མེ་ ཁོང་ ཕྃ་རྡེ་ ཆ་ཅེ་ཀ་ནི་, པ་འུ་ལུའི་ ཏི་མོ་ཐི་ ཁོང་ས་ ཡོང་ཅེ་ འདོད་པ་ ཅོ་ཡོད་པེན་༎