ཏི་ཏུའི་ལ་ པ་འུ་ལུའི་ ཆག་འབྲི་།
པ་འུ་ལུའི་ ཆོག་ནི་ འཇུ་།
1
འི་ ཡི་རྒེ་རྦོ་ ང་ པ་འུ་ལུའི་ ཆོག་ནི་ འིན་། ང་ནི་ ཀོན་འཇོག་རྒེ་ ཞབ་རྟོག་པ་ རྡང་ ཡི་ཤུ་ མ་ཤི་ཀེ་ ཧུ་ཚབ་ འིན་། ཀོན་འཇོག་རྒེ་ འདམ་མེ་ ཛེད་ཀན་རྒུན་ལ་, མ་ཤི་ཀེ་ན་ རྡེན་ཆེ་ཤེ་ ཅོ་ཅེའོ་ ཤེད་ཅེ་ རྡང་, ཀོན་འཇོག་རྒེ་ ཐུག་ཐེད་རྡེ་ལ་ ལམ་མེ་ཀ་ འགྲུལ་ཧན་རྒུ་ནི་ མི་ཙེ་ པུད་ཅེ་ རྡེན་འབའ་འབོ་, ཤེ་ཤེ་ ལབ་རྦེ་ལ་ ང་ ལམ་ཅུག་། 2 འི་ རྡེན་འབའ་རྦེ་ ཁོང་རྒུན་ལ་ ཐ་མེད་པེ་ མི་ཙེ་ ཡོ་ཀ་ནེ་ ལོ་ཁྱེལ་ ཏང་ངེ་ནོག་, ཀའོ་ ཟུན་ མ་སལ་ཧ་ནེ་ ཀོན་འཇོག་རྒེ་ འཇིག་རྟེན་ ཛེ་རྡེ་སང་ ངུལ་ལ་ ཞལ་ཆེཏ་ ཛེད་ཏེ་ འིན་འབེན་། 3 ཏ་ འདམ་མེ་ ཛེད་ཀ་ནེ་ ཏུའི་རྦེ་ཀ་, ངེ་ ཚང་མ་ལ་ ཆོའེ་ཤེད་ཅེ་ རྒྱུད་ཏེ་ ཁོང་ངེ་ འི་ ཁྲིན་འབོ་ ངོན་ཅུག་ཏེ་ ནོག་། ཀོན་འཇོག་ ཨ་ཧོའེ་ རྐྱབ་འགོན་ནེ་ ཀཱ་ སལ་ཧན་ ནང་ཞིན་ལ་, ཁོ་རང་ངེ་ཕི་ འི་ ལེ་ཧ་རྦོ་ ངེ་ ལག་ལ་ ལྟེད་རྡེ་ ཛེད་།4 ཨ་ཧོ་རྒུ་ནི་ ཏེཏ་པེ་ན་, ངེ་ རྡེན་འབེ་ པུ་ཙ་ ཙོག་སེ་ འིན་ཀ་ནེ་ ཤེ་སྤ་ སྤུན་, ཏི་ཏུའི་ལ་ འབྲི་འིན་། ཀོན་འཇོག་ ཡབ་ ཏང་ ཨ་ཧོའེ་ རྐྱབ་འགོན་ མ་ཤི་ཀ་ ཡི་ཤུ་ ཉ་ཧེ་ ཁྱེ་རང་ལ་ ཐུག་ཞེ་ རྡང་ ཞིའི་རྡེ་ སལ་ཤིག་།
ཀེརེ་ཏེ་ན་ ཏི་ཏུའི་ ཞབ་རྟོག་རྒུན་།
5 ཁྱེ་རང་ངེ་ ཨ་ཧོ་རྒུ་ནི་ ལེ་ཧ་རྒུན་ ཀྲུཔ་ཅུག་ཅེ་ རྡང་ ངེ་ ལབ་ཞ་ ནང་ཞིན་, ཀྲོང་ཁྱེར་ རེ་རེ་ན་ འུ་རྐྱོང་རྒུན་ ཧོ་ཅེ་ རྒྱུ་ཚན་འབེ་ཕི་, ངེ་ ཁྱེ་རང་ ཀེརེ་ཏེ་ན་ པོར་རྦེན་། 6 འུ་རྐྱོང་རྒུན་ རྐྱོན་མེད་ ཏང་ ཁོ་ལ་ ན་མ་ ཅིག་ཅིག་ ཅོ་རྒོའེ་རྡེ་ནོག་། ཡང་ ཁོང་ངེ་ ཕྲུ་རྒུ་རྒུན་ ཏེཏ་པ་ཅེན་, ཡང་ ཤོད་ལམ་ ངན་པ་ རྡང་ ཁ་མི་ཉེན་ ཡོ་ཀ་ནེ་ ཉེད་ མ་ཕོག་ཀན་ རིག་ ཡོང་རྒོའེ་། 7 ཀོན་འཇོག་རྒེ་ ཆག་ལེ་རྒུན་ འུ་རྐྱོང་རྒུ་ནི་ ལག་ལ་ ལྟེད་ཅེ་ཀ་ནི་, ཁོང་ངེ་ མི་ཙེ་འབོ་ རྐྱོན་མེ་ཀན་ཞིག་ ཡོང་རྒོའེ་། ཁོང་ ཕོ་སོ་ཅེན་ ཡང་ སྲོ་འཇེན་, ཁོང་ ཆང་ ཐུང་ཀན་, ཁྲུག་པ་ ཏང་ཀན་ ཡང་ མུལ་ཕི་ འདོད་པ་ཅན་ ཡོང་ མི་རྒོའེ་།
8 ཐེད་པོ་ ཉམ་པོ་ ཁོའེ་ ཁང་པ་ ཡོང་ཀན་རྒུན་ལ་ རྒ་སུའི་ ཞུ་ཀན་, ཡང་ ཟང་པོ་ ལེ་ཧ་རྒུན་ལ་ ཁོའེ་ ཤེ་སྤ་ ཅོ་རྒོའེ་། ཁོའེ་ མི་ཙེ་འབོ་ ཤེ་རབ་རྦེ་ན་ པུད་རྒོའེ་, ཡང་ ཐག་ཅེད་རྒུན་ ཡ་པེ་ མེ་ཀན་ ཅོ་རྒོའེ་། ཁོའེ་ མི་ཙེ་འབོ་ ཏམ་པ་, ཀྲང་པོ་ རྡང་, རང་སེམ་ ཆུན་འདེ་ པོར་ཉེན་ཀན་ཞིག་ ཡོང་རྒོའེ་། 9 ལབ་ཀ་ནེ་ ལོ་ཁྱེལ་ཅེན་ནེ་ ཁྲིན་ནེ་ཀ་ ཁོ་ མ་སྲན་ཀྲེ་ ཏེཏ་པ་ ཡོང་རྒོའེ་, ཏེ་ནི་ ཁོའེ་ ཞེན་མ་རྒུན་ལ་ རྡེན་འབེ་ ལབ་ཞ་ ཉམ་པོ་ སེམ་རུའི་ རྐྱེ་ཅུག་ ཉེན་ནེན་, ཡང་ ཏོ་རྦེ་ རྒྱཔ་འགལ་ ཅོ་ཀན་རྒུན་ལ་ ནོར་རྡེ་ འིན་ཀན་འབོ་ ལྟན་ ཉེན་ནེན་།
10 ངོ་ལོག་ ཅོ་ཀ་ནེ་ མི་ མང་པོ་ཞིག་ ཡོད་ཏེ་ ནོག་, ཀའོ་རྒུན་ ཕན་མི་ཐོག་རྡེ་ སྤེ་རེ་ན་ འདྲེའེ་རྡེ་ ཞེན་མ་རྒུན་ལ་ འགོ་ཧོར་རེ་ཡོད་, མིག་ས་ལེ་ ཐར་པ་ ཐོབ་ཅེ་ལ་, པུ་ཙ་རྒུན་ལ་ འགོཔ་ཅེཏ་a ཅོ་རྒོའེ་ ཟེར་ཧན་རྒུན་། 11 ཁྱེ་རང་ངེ་ ཁོང་རྒུན་ལ་ ཏོ་ཙོག་སེ་ ཟེར་ཤེ་ནི་ རྒག་རྒོའེ་, ཅེ་ཟེར་ནི་ ཏོ་རྒུ་ནི་ ཟུའི་མེ་ ལབ་ཞ་རྒུ་ནི་, ནང་ཚང་ སོན་ཏེ་ རྡེན་འབེ་ ལབ་ཞ་རྒུ་ནི་ ཐག་རིང་ལ་ ཁྲིད་ཏེ་ ཁྱེ་རེ་ནོག་། ཡང་ ཁོང་རྒུ་ནི་ ཏོ་ ཁོ་རང་རྒུ་ནི་ ཕན་ཏོག་རྡེ་ཕི་ ཅོ་ནོག་། 12 འི་རྦོ་, ཁོ་རང་རྒུ་ནི་ ཕྲོ་ནི་ ལུང་རྟོན་པ་ ཅིག་རྒེ་, “ཀེརེ་ཏ་པ་རྒུན་ ཏུའི་རྒྱུན་ ཟུན་ཅེན་, ཅན་ཟེན་ འདང་ ལེ་མི་ལམ་ ཀྲོཏ་ནབ་ཅེན་” ཟེར་རྡེ་ནོག་། 13 ཁོའེ་ ཟེར་ཧན་འབོ་ ཀྲང་པོ་ འིན་འབེ་, ཏེཏ་པེ་ན་ རྟེམ་པོ་ ལུའི་ཤེ་ཕི་, ཁྱེ་རང་ངེ་ ཏོ་ཙོག་སེ་ སྤུན་རྒུན་ལ་ མ་མང་པོ་ ཁར་རྐྱག་ ཏྃ་རྡེ་ རྐྱོང་རྒོའེ་། 14 ཏོ་རྒུ་ནི་, ཡ་ཧུ་འདཱ་པེ་ ཟུའི་མེ་ སྲུང་ངུ་ རྡང་ ཀྲང་པོ་ལ་ རྒྱབ་ ལོག་ཏེ་ ཆ་ཀན་རྒུ་ནི་ ཀཱ་རྒུན་ལ་ ཉེན་ མི་རྒོའེ་།
15 སེམ་ ལག་མོ་ ཡོ་ཀན་རྒུ་ནི་ཕི་ ཅི་ཚང་མ་ སང་མ་ ནོག་། འིན་ན་ ཉིང་ངེ་ན་ སང་མ་ མེ་ཀན་ འདང་, ཡི་ཤུའི་ཀ་ ཏེཏ་པ་ མ་ཅོ་ཀན་རྒུ་ནི་ཕི་ ཅི་ཞིག་ལ་ སང་མ་ མེ་ཀག་, ཅེ་ཟེར་ནི་ ཁོང་རྒུ་ནི་ སམ་ཚུལ་ རྡང་ སེམ་རྒུན་ ངན་པ་ ཡོད་ཏེ་ ནོག་། 16 ཏོ་ཙོག་སེ་ མི་རྒུ་ནི་ ཟེ་རེ་ནོག་, ཁོང་རྒུ་ནི་ ཀོན་འཇོག་ ཤེ་ཡོད་། འིན་ན་ ཏོ་རྒུ་ནི་ ལེ་ཧ་རྒུན་ ཅོ་ ཚུལ་ལ་ ལྟ་ནི་, ཁོང་ངེ་ ལྟིང་འགྲྃ་ནི་ མ་འགྲུལ་ཀན་འབོ་, ཤེ་རྡུག་། ཏོ་རྒུན་ སོག་པོ་ཅན་ འདང་ ཁ་མི་ཉེན་ ཡང་ ཁོང་རྒུན་ལ་ ཅང་ ལེ་ཧ་ ཟང་པོ་ ཅོ་ཉེན་ནེ་ མག་།