Nabwaanʋ wum candiə kam pɛɛra
29
Bɩnɩ maama wʋnɩ canɩ sɩrpɛ cana kam pulim dɛ dɩm nɩ, sɩ á yagɩ á dɛ dɛ tɩtʋŋa yalʋ á na yǝni á tʋŋa tɩn sɩ á daarɩ á jeeri daanɩ á zuli Wɛ. Dɛ dɩm kʋntʋ nɩ á wʋ́ wu nabwaanʋ mʋ. 2 Á maŋɩ sɩ á kwe na-bala dɩdʋa mʋ, dɩ pi-bɩa dɩdʋa, dɩ pi-balɩ sɩrpɛ na yɩ bɩnɩ bɩnɩ tɩn á ma á kɩ zwɛɛm kaanɩm sɩ dɩ lwəm dɩm taa ywəmmə dɩ paɩ Baŋa-Wɛ. Vara bam maama nan ba maŋɩ sɩ ba taa jɩgɩ gɛɛrɩ ba yɩra nɩ. 3 Na-bala kam kaanɩm ŋwaanɩ sɩ á kwe wʋdiu pɛɛrɩ na yɩ mun-bwe bwɛn sɩrdʋ yɩ dɩ viiri dɩdaanɩ nugə tɩn á wǝli da. Kʋ na yɩ pi-bɩa kam kaanɩm, wʋdiu pɛɛrɩ dɩm wʋ́ taa yɩ mun-bwe bwɛn sɩna mʋ. 4 Wʋdiu pɛɛrɩ dɩm wʋ́ taa yɩ mun-bwe bwɛn sɩle pi-balɩ sɩrpɛ sɩm dɩdʋa dɩdʋa kaanɩm ŋwaanɩ. 5 Á ta wʋ́ kwe bʋ-bala dɩdʋa mʋ á wǝli da sɩ á ma á kɩ lwarɩm saarɩm kaanɩm sɩ á lɩ nɔɔna bam lwarɩm Wɛ yigə nɩ. 6 Nan kwe-na pɛɛra yam kʋntʋ maama á kɩ kaanɩm á wǝli can-dʋŋa zwɛɛm kaanɩm, dɩ dɛ maama zwɛɛm kaanɩm, dɩdaanɩ ya wʋdiu pɛɛra yam dɩ ya wo-nyɔɔrʋ pɛɛra yam wʋnɩ, nɩ Wɛ na pɛ abam ni sɩ á taá kɩ te tɩn. Ya yɩ wʋdiu pɛɛra mʋ á na kɩ á pa Baŋa-Wɛ. Ya lwəm dɩm maa ywəmmə dɩ pa‑DƖ.Lwarɩm saarɩm dɛ dɩm pɛɛra
7 Canɩ sɩrpɛ cana kam da fugə dɛ dɩm nɩ, sɩ á jeeri daanɩ á zuli Wɛ. Dɛ dɩm kʋntʋ wʋnɩ á wʋ́ kɩ ni-vɔrɩ mʋa sɩ á yagɩ tɩtʋŋa dwi maama. 8 Nan kwe-na na-bala dɩdʋa, dɩ pi-bɩa dɩdʋa, dɩ pi-balɩ sɩrpɛ na yɩ bɩnɩ bɩnɩ tɩn á ma á kɩ zwɛɛm kaanɩm sɩ dɩ lwəm dɩm taa ywəmmə dɩ paɩ Baŋa-Wɛ. Vara bam maama ba maŋɩ sɩ ba taa jɩgɩ gɛɛrɩ ba yɩra nɩ. 9 Na-bala kam kaanɩm ŋwaanɩ sɩ á kwe wʋdiu pɛɛrɩ na yɩ mun-bwe bwɛn sɩrdʋ na viiri dɩdaanɩ nugə tɩn á wǝli da. Kʋ na yɩ pi-bɩa kam kaanɩm, wʋdiu pɛɛrɩ dɩm wʋ́ taa yɩ mun-bwe bwɛn sɩna mʋ. 10 Wʋdiu pɛɛrɩ dɩm wʋ́ taa yɩ mun-bwe bwɛn sɩle pi-balɩ sɩrpɛ sɩm dɩdʋa dɩdʋa kaanɩm ŋwaanɩ. 11 Á ta wʋ́ kwe bʋ-bala dɩdʋa mʋ á wǝli da sɩ á ma á kɩ lwarɩm saarɩm kaanɩm. Nan kɩ-na pɛɛra yam kʋntʋ maama á wǝli dɩ lwarɩm saarɩm kaanɩm dɩlʋ na lɩ nɔɔna bam lwarɩm Wɛ yigə nɩ tɩn, dɩdaanɩ dɛ dɛ zwɛɛm kaanɩm dɩm, dɩ dɩ wʋdiu pɛɛrɩ dɩm, dɩ wo-nyɔɔrʋ pɛɛra yam maama.
Vwə cwiim candiə kam pɛɛra
12 Canɩ sɩrpɛ cana kam da fugə-yanu dɛ dɩm nɩ sɩ á yagɩ tɩtʋŋa yalʋ á na yǝni á tʋŋa dɛ dɛ tɩn sɩ á daarɩ á jeeri daanɩ á zuli Wɛ. Á wʋ́ kɩ da yarpɛ mʋ á di candiə á ma á zuli Baŋa-Wɛ. 13 Pulim dɛ dɩm nɩ, kwe-na na-balɩ fugə-sɩtɔ, dɩ pi-bɛ sɩle, dɩdaanɩ pi-balɩ fugə-sɩna na yɩ bɩnɩ bɩnɩ tɩn á ma á kɩ zwɛɛm kaanɩm á pa Baŋa-Wɛ sɩ dɩ lwəm dɩm taa ywəmmə dɩ pa‑DƖ. 14 Na-balɩ fugə-sɩtɔ sɩm dɩdʋa dɩdʋa kaanɩm ŋwaanɩ sɩ á kwe wʋdiu pɛɛrɩ na yɩ mun-bwe bwɛn sɩrdʋ na viiri dɩdaanɩ nugə tɩn á wǝli da. Kʋ na yɩ pi-bɛ sɩle sɩm dɩdʋa dɩdʋa kaanɩm, wʋdiu pɛɛrɩ dɩm wʋ́ taa yɩ mun-bwe bwɛn sɩna mʋ. 15 Wʋdiu pɛɛrɩ dɩm wʋ́ taa yɩ mun-bwe bwɛn sɩle pi-balɩ fugə-sɩna sɩm dɩdʋa dɩdʋa kaanɩm ŋwaanɩ. 16 Á ta wʋ́ kwe bʋ-bala dɩdʋa mʋ á wǝli da sɩ á ma á kɩ lwarɩm saarɩm kaanɩm. Nan kɩ-na pɛɛra yam kʋntʋ á wǝli dɛ dɛ zwɛɛm kaanɩm dɩm, dɩ dɩ wʋdiu pɛɛrɩ dɩm, dɩ wo-nyɔɔrʋ pɛɛrɩ dɩm wʋnɩ.
17 Da yale dɛ dɩm wʋnɩ, sɩ á kwe na-balɩ fugə-sɩle, dɩ pi-bɛ sɩle, dɩdaanɩ pi-balɩ fugə-sɩna na yɩ bɩnɩ bɩnɩ tɩn á ma á kɩ kaanɩm. Vara bam maama nan daɩ sɩ ba taa jɩgɩ gɛɛrɩ ba yɩra nɩ. 18 Á wʋ́ kɩ wʋdiu pɛɛra dɩdaanɩ wo-nyɔɔrʋ pɛɛra á wǝli da, sɩ ya maŋɩ dɩ vara bam ni na maɩ te tɩn. 19 Á ta wʋ́ kwe bʋ-bala dɩdʋa mʋ á wǝli da sɩ á ma á kɩ lwarɩm saarɩm kaanɩm. Nan kɩ-na pɛɛra yam kʋntʋ á wǝli dɛ dɛ zwɛɛm kaanɩm dɩm, dɩ dɩ wʋdiu pɛɛrɩ dɩm, dɩ wo-nyɔɔrʋ pɛɛra yam wʋnɩ.
20 Da yatɔ dɛ dɩm nɩ, sɩ á kwe na-balɩ fugə-dɩdʋa, dɩ pi-bɛ sɩle, dɩdaanɩ pi-balɩ fugə-sɩna na yɩ bɩnɩ bɩnɩ tɩn á ma á kɩ kaanɩm. Vara bam maama nan daɩ sɩ ba taa jɩgɩ gɛɛrɩ ba yɩra nɩ. 21 Á wʋ́ kɩ wʋdiu pɛɛra dɩdaanɩ wo-nyɔɔrʋ pɛɛra á wǝli da, sɩ ya maŋɩ dɩ vara bam ni na maɩ te tɩn. 22 Á ta wʋ́ kwe bʋ-bala dɩdʋa mʋ á wǝli da sɩ á ma á kɩ lwarɩm saarɩm kaanɩm. Nan kɩ-na pɛɛra yam kʋntʋ á wǝli dɛ dɛ zwɛɛm kaanɩm dɩm, dɩ dɩ wʋdiu pɛɛrɩ dɩm, dɩ wo-nyɔɔrʋ pɛɛrɩ dɩm wʋnɩ.
23 Da yana dɛ dɩm nɩ, sɩ á kwe na-balɩ fugə, dɩ pi-bɛ sɩle, dɩdaanɩ pi-balɩ fugə-sɩna na yɩ bɩnɩ bɩnɩ tɩn á ma á kɩ kaanɩm. Vara bam maama nan daɩ sɩ ba taa jɩgɩ gɛɛrɩ ba yɩra nɩ. 24 Á wʋ́ kɩ wʋdiu pɛɛra dɩdaanɩ wo-nyɔɔrʋ pɛɛra á wǝli da, sɩ ya maŋɩ dɩ vara bam ni na maɩ te tɩn. 25 Á ta wʋ́ kwe bʋ-bala dɩdʋa mʋ á wǝli da sɩ á ma á kɩ lwarɩm saarɩm kaanɩm. Nan kɩ-na pɛɛra yam kʋntʋ á wǝli dɛ dɛ zwɛɛm kaanɩm dɩm, dɩ dɩ wʋdiu pɛɛrɩ dɩm, dɩ wo-nyɔɔrʋ pɛɛrɩ dɩm wʋnɩ.
26 Da yanu dɛ dɩm nɩ, sɩ á kwe na-balɩ nʋgʋ, dɩ pi-bɛ sɩle, dɩdaanɩ pi-balɩ fugə-sɩna na yɩ bɩnɩ bɩnɩ tɩn á ma á kɩ kaanɩm. Vara bam maama nan daɩ sɩ ba taa jɩgɩ gɛɛrɩ ba yɩra nɩ. 27 Á wʋ́ kɩ wʋdiu pɛɛra dɩdaanɩ wo-nyɔɔrʋ pɛɛra á wǝli da, sɩ ya maŋɩ dɩ vara bam ni na maɩ te tɩn. 28 Á ta wʋ́ kwe bʋ-bala dɩdʋa mʋ á wǝli da sɩ á ma á kɩ lwarɩm saarɩm kaanɩm. Nan kɩ-na pɛɛra yam kʋntʋ á wǝli dɛ dɛ zwɛɛm kaanɩm dɩm, dɩ dɩ wʋdiu pɛɛrɩ dɩm, dɩ wo-nyɔɔrʋ pɛɛrɩ dɩm wʋnɩ.
29 Da yardʋ dɛ dɩm nɩ, sɩ á kwe na-balɩ nana, dɩ pi-bɛ sɩle, dɩdaanɩ pi-balɩ fugə-sɩna na yɩ bɩnɩ bɩnɩ tɩn á ma á kɩ kaanɩm. Vara bam maama nan daɩ sɩ ba taa jɩgɩ gɛɛrɩ ba yɩra nɩ. 30 Á wʋ́ kɩ wʋdiu pɛɛra dɩdaanɩ wo-nyɔɔrʋ pɛɛra á wǝli da, sɩ ya maŋɩ dɩ vara bam ni na maɩ te tɩn. 31 Á ta wʋ́ kwe bʋ-bala dɩdʋa mʋ á wǝli da sɩ á ma á kɩ lwarɩm saarɩm kaanɩm. Nan kɩ-na pɛɛra yam kʋntʋ á wǝli dɛ dɛ zwɛɛm kaanɩm dɩm, dɩ dɩ wʋdiu pɛɛrɩ dɩm, dɩ wo-nyɔɔrʋ pɛɛrɩ dɩm wʋnɩ.
32 Da yarpɛ dɛ dɩm nɩ, sɩ á kwe na-balɩ sɩrpɛ, dɩ pi-bɛ sɩle, dɩdaanɩ pi-balɩ fugə-sɩna na yɩ bɩnɩ bɩnɩ tɩn á ma á kɩ kaanɩm. Vara bam maama nan daɩ sɩ ba taa jɩgɩ gɛɛrɩ ba yɩra nɩ. 33 Á wʋ́ kɩ wʋdiu pɛɛra dɩdaanɩ wo-nyɔɔrʋ pɛɛra á wǝli da, sɩ ya maŋɩ dɩ vara bam ni na maɩ te tɩn. 34 Á ta wʋ́ kwe bʋ-bala dɩdʋa mʋ á wǝli da sɩ á ma á kɩ lwarɩm saarɩm kaanɩm. Nan kɩ-na pɛɛra yam kʋntʋ á wǝli dɛ dɛ zwɛɛm kaanɩm dɩm, dɩ dɩ wʋdiu pɛɛrɩ dɩm, dɩ wo-nyɔɔrʋ pɛɛrɩ dɩm wʋnɩ. 35 Da nana dɛ dɩm na yiǝ, á ta wʋ́ yagɩ tɩtʋŋa yalʋ á na yǝni á tʋŋa dɛ dɛ tɩn sɩ á jeeri daanɩ á zuli Wɛ. Dɛ dɩm kʋntʋ yɩ dɩ yɩra Wɛ ŋwaanɩ mʋ.b 36 Nan kwe-na na-bala dɩdʋa, dɩ pi-bɩa dɩdʋa, dɩ pi-balɩ sɩrpɛ na yɩ bɩnɩ bɩnɩ tɩn á ma á kɩ zwɛɛm kaanɩm sɩ dɩ lwəm dɩm taa ywəmmə dɩ paɩ Baŋa-Wɛ. Vara bam maama ba maŋɩ sɩ ba taa jɩgɩ gɛɛrɩ ba yɩra nɩ. 37 Á wʋ́ kɩ wʋdiu pɛɛra dɩdaanɩ wo-nyɔɔrʋ pɛɛra á wǝli da, sɩ ya maŋɩ dɩ vara bam ni na maɩ te tɩn. 38 Á ta wʋ́ kwe bʋ-bala dɩdʋa mʋ á wǝli da sɩ á ma á kɩ lwarɩm saarɩm kaanɩm. Nan kɩ-na pɛɛra yam kʋntʋ á wǝli dɛ dɛ zwɛɛm kaanɩm dɩm, dɩ dɩ wʋdiu pɛɛrɩ dɩm, dɩ wo-nyɔɔrʋ pɛɛrɩ dɩm wʋnɩ.
39 Á maŋɩ sɩ á kɩ pɛɛra yam kʋntʋ mʋ á pa Baŋa-Wɛ á candi dim maŋa nɩ. Kʋ na yɩ zwɛɛm kaanɩm pɛɛra yam, dɩ wʋdiu pɛɛra yam, dɩ wo-nyɔɔrʋ pɛɛra yam, dɩ yazurə pɛɛra yam, á wʋ́ kɩ-ya á wǝli dɩ á wʋ-yoŋo pɛɛra yam, dɩ pɛɛra yalʋ á na kɩ ni-gonim ŋwaanɩ tɩn mʋ.»
40 Moyisi dɛɛn ma yɔɔrɩ o ta dɩ Yisɩrayɛlɩ tiinə bam kʋlʋ maama Baŋa-Wɛ na pɛ‑o ni sɩ o ta tɩn.