Gulə Tɔnɔ i

Wɛ Niə Gulə Tɔnɔ

Wɛ Niə Gulə Tɔnɔ kʋm tɛ kʋlʋ na kɩa maŋa kalʋ Yisɩrayɛlɩ tiinə bam na kɩkarɩ kagʋa kam yuu nɩ bɩna fiinna, yɩ ba laan yi mɛ na bwələ sɩ ba zʋ Kaanan tɩga kam wʋnɩ tɩn mʋ. Moyisi ma joori o guli nɔɔna bam kʋlʋ maama Wɛ na kɩ DƖ pa-ba sɩ DƖ wanɩ o ja-ba DƖ yi je sɩm kʋntʋ tɩn. O ta guli-ba Wɛ niə yam na yɩ te, dɩ ya na brɩ-ba ba na wʋ́ taa jɩgɩ ba ŋwɩa te tɩ-dʋŋa kalʋ Wɛ na kwe DƖ pa-ba tɩn wʋnɩ. Wɛ nan wʋ pɛ Moyisi cwǝŋǝ sɩ o tɔgɩ dɩ nɔɔna bam o bɛ Zʋrdɛn bugə kam o da o zʋ tɩga kalʋ DƖ na goni ni sɩ DƖ pa nɔɔna bam tɩn. Dɩ kʋ dɩ, Wɛ pɛ o zɩgɩ yigə yigə o tʋlɩ o na ka maama. Moyisi ma tɩ yɩ ba kɩ-o Moabɩ tɩʋ nɩ. Bɩtarbiǝ balʋ na kweeli tɔnɔ kʋm kʋntʋ nɩ tɩn tɛ tɩntʋ mʋ nɩ: «Nɔɔn-nɔɔnʋ daa tǝrǝ o na jɩgɩ dam kʋntʋ doŋ sɩ o wanɩ o kɩ wo-kamunnu na jɩgɩ fʋʋnɩ sɩ tɩ maŋɩ dɩ Moyisi na tʋŋɩ te Yisɩrayɛlɩ tiinə bam maama yibiyə nɩ tɩn.»