Garɩm Tɔnɔ
Garɩm Tɔnɔ kʋm brɩ kʋlʋ maama na kɩa maŋa kalʋ Moyisi na tʋ Yisɩrayɛlɩ tiinə bam yigə nɩ pa ba kaagɩ kagʋa kam yuu nɩ ba ve bɩna fiinna tɩn mʋ. Nɔɔna bam dɛɛn soe sɩ ba taa paɩ ba wʋʋ cɔga, yɩ ba pʋʋnɩ Moyisi dɩ Wɛ yigə nɩ kuni zanzan mʋ. Ba bʋŋɩ nɩ ba ya na wʋ Ezipi nɩ maŋa kalʋ tɩn garɩ ba na nuŋi da ba daarɩ ba zʋ kagʋa kam wʋ ba wʋra tɩn, Bɛŋwaanɩ ba swe yaara yalʋ ya na jɩgɩ-ba ba gabɛɛm dɩm ŋwaanɩ tɩn swiə mʋ. Dɩ kʋ dɩ, Wɛ ta nii ba baŋa nɩ mʋ, yɩ DƖ yǝni DƖ tɛ kʋlʋ maama na maŋɩ sɩ Moyisi ta dɩ ba tɩn DƖ brɩ-o, dɩ o na wʋ́ kɩ te sɩ o taa tɔgɩ ba yigə tɩn. Wɛ kɩ kʋntʋ mʋ DƖ ja nɔɔna bam DƖ vu DƖ yi tɩga kalʋ DƖ dɛɛn na goni ni dɩ ba nabaara bam sɩ DƖ pa-ba tɩn sisəm dɩm ni. Kuni bɩle mʋ Wɛ dɛɛn tagɩ dɩ Moyisi sɩ o jeeli nɔɔna bam maama ni maŋa kalʋ ba ya ta na kaagɩ kagʋa kam nɩ ba ve tɩn. (Nii Pʋpwara 1 dɩ Pʋpwara 26.) Kʋntʋ ŋwaanɩ mʋ ba jɩgɩ tɔnɔ kʋm ba bǝi nɩ ‹Garɩm Tɔnɔ›.