Ɨkalata ɨja Paulo kʉ
Vaefeso
Ɨmhola ɨndongosi
Ɨkalata ɨjɨ alyalembile ʉnsungʼhua ʉPaulo. Alyavalembiile avɨtɨki ava mʉ lɨkaaja ɨlya Efeso. Ɨlɨkaaja ɨlɨ lɨlyale lɨvaha, lɨlyale mʉ ɨɨsi jɨno mʉ fighono ifi jitambʉlua Vʉtuluki. ɄPaulo alikalile na kupʉlɨsia ɨMhola ɨNofu mʉ lɨkaaja ɨlio, amaaka ghatatu (Mbombo sa Vasungʼhua 19). Avaanhu vinga mʉ lɨkaaja ɨlio na makaaja agha mʉ vʉpiipi valyamwɨtiike ʉYesu Kɨlɨsite. Pambele ʉPaulo alyadindilue mʉ ndinde kʉ Looma. Ye alɨ mʉ ndinde, alyavalembiile ɨkalata ɨjɨ kʉkʉvavʉlanɨsia kuuti, ʉlwɨtɨko lwave mwa Yesu Kɨlɨsite lʉlyale mʉ vʉtavɨke vwa Ngʉlʉve. ɄNgʉlʉve alyavombile ʉluo kuuti ʉKɨlɨsite aave ghwe Mʉtwa ghwa fyoni, pa ɨɨsi na kʉkyanya.