Ɨkalata ɨja Paulo kʉ
Vafilipi
Ɨmhola ɨndongosi
Ɨkalata ɨjɨ alyalembile ʉnsungʼhua ʉPaulo. Alyavalembiile avɨtɨki ava mʉ lɨkaaja ɨlya Filipi. Ɨlɨkaaja ɨlio lɨlyale mʉ kɨghavo ɨkya Makedonia, kʉvwehe mʉ ɨɨsi ɨja Vʉgiliki. ɄPaulo alyapʉlisie ɨMhola ɨNofu na kutengʉlɨsia ɨkɨpʉgha ɨkya vɨtɨki imbale isio (Mbombo sa Vasungʼhua 16). Neke ye ghakilile amaaka ndaghalɨngi, ʉPaulo akadindilua mʉ ndinde. Pambele ɨkɨpʉgha ɨkya vɨtɨki ɨkya kʉ Filipi kɨkasuungʼha indalama kwa Paulo sintange mʉ vwʉmi vwake. Pe ʉPaulo akalemba ɨkalata ɨjɨ kʉkʉvahongesia.
Kange, mʉ kalata ɨjɨ ɨkʉvavʉʉla avɨtɨki kuuti ʉmwene naivɨkɨla mwojo kufua. Ʉlwene ɨkʉvakangasia kusindamala mʉ lwɨtɨko nambe vaave mʉ mhumuko. Ɨkʉvakʉmbʉsia kuuti, ʉvwʉmi vwave mwa Kɨlɨsite kye kɨpelua kɨno avapeliile ʉNgʉlʉve.